JERRY OLEA
As expected, umariba muli ang Squid Game nang mag-streaming ang third and final season nito sa Netflix.
“Napakaganda ng ending! Hayup!” sabi ng kaibigang Toniboy Santos na nag-binge watch ng six episodes ng Season 3 na ang titles ay "Keys and Knives," "The Starry Night," "It’s Not Your Fault," "222," "(circle, triangle, square)," at "Humans Are…"
Ang tanong, hanggang kailan kaya ito sa top spot?
Kakabugin kaya ito ng Incognito, na ang 128th and last episode ay mag-i-streaming sa Netflix umpisa Hulyo 15?
Sa Hulyo 4, Biyernes ay streaming na sa Netflix ang teleseryeng Linlang aka Deceit nina Kim Chiu, Paulo Avelino, at JM de Guzman.
Ito kaya ang kakabog sa Squid Game?
Sa talaan ng Top 10 TV Shows ng Netflix Philippines, ang mga sumusunod ang nag-number one this year:
- Squid Game — Disyembre 28, 2024 hanggang Enero 15, 2025
- Single’s Inferno — Enero 16 at 17
- XO, Kitty — Enero 18
- Incognito — Enero 19-30, Pebrero 2-8, Pebrero 18, Pebrero 25 hanggang Marso 1, Marso 5
- The Trauma Code: Heroes On Call — Enero 31 at Pebrero 1
- Tamang Panahon — Pebrero 9-17
- American Murder: Gabby Petito — Pebrero 19-24
- HALO — Marso 2-4, Marso 6-9
- When Life Gives You Tangerines — Marso 9-26, Marso 29-Abril 5
- Weak Hero — Marso 27 at 28, Abril 26 hanggang Mayo 10
- Karma — Abril 6-13
- Resident Playbook — Abril 14-20, Mayo 13
- The Haunted Palace — Abril 21-24, Mayo 11 at 12
- Happy Crush — Abril 25
- Tastefully Yours — Mayo 14-17
- Bet — Mayo 18 hanggang Hunyo 4, Hunyo 7
- Tastefully Yours — Hunyo 5
- Mercy for None — Hunyo 7-22
- Our Unwritten Seoul — Hunyo 23-26
- Whale Store XOXO — Hunyo 27
Ang Top 10 TV Shows sa Netflix Philippines ngayong Hunyo 28, 2025, Sabado:
- Squid Game
- Whale Store XOXO
- Our Unwritten Seoul
- Mercy for None
- Bet
- Incognito
- The Princess Gambit
- The Waterfront
- Tastefully Yours
- La Palma
NOEL FERRER
Seven consecutive days na number 1 ang And The Breadwinner Is… ni Vice Ganda sa listahan ng Top 10 Movies ng Netflix Philippines, mula Hunyo 13 hanggang 19.
Kapagkuwan ay nag-number 1 ang pelikulang Green Bones nina Dennis Trillo at Ruru Madrid for four consecutive days, mula Hunyo 20 hanggang 23.
Ang topnotcher mula Hunyo 24 hanggang ngayon ay ang pampamilyang animated movie na KPop Demon Hunters.
Kabilang sa mga pelikulang magne-Netflix streaming next month ang Un-Ex You sa Hulyo 3, My Love Will Make You Disappear sa Hulyo 10, Lilim sa Hulyo 17, at Pagtatag! The Documentary sa Hulyo 23.
Ang Top 10 Movies sa Netflix Philippines ngayong Hunyo 28, 2025, Sabado:
- KPop Demon Hunters
- Green Bones
- The Fate of the Furious
- And The Breadwinner Is…
- The Crow
- 28 Weeks Later
- Train Wreck: Poop Cruise
- Case 39
- Straw
- The Old Guard
GORGY RULA
Sa Netflix ko nasusubaybayan ang Incognito, at bongga ang cliffhanger nito nung Martes, na magkakasabay na pinaslang ang mahal sa buhay nina JB (Richard Gutierrez), Max (Kaila Estrada), Gab (Maris Racal), at Tomas (Anthony Jennings).
Sa pagpapatuloy nito nung Biyernes ay nabagot lang ako. Sobrang pinadrama. Halatang ini-stretch lang para umabot siguro sa 128 episodes.
Akala ko kasi, ito na yung mga episode nila na kinunan sa Marawi. Pero sabi ng mga nakadalo sa media conference nito, maganda raw ang susunod na episodes hanggang ending.
Tingnan natin.
Samantala, sinimulan ko nang panoorin sa VIU ang Beauty Empire.
Naaliw ako sa karakter ni Ruffa Gutierrez bilang si Velma Imperial. Tiyak na maaliw ang sangkabaklaan sa seryeng ito.
Tamang-tama naman na sa Pride month sya nagsimula.
Nagustuhan ko rito si Ruffa at Gloria Diaz. Bagay sa kanila ang karakter na ginampanan nila.
Narita lang ako manood sa VIU dahil bago magsimula, may commercial, sa kalagitnaan may commercial, pagkatapos ng bawat episode, commercial na naman.
Nagbabayad ka sa subscription ng streaming service na ito, bakit ka tatambakan ng commercial?
Nung nagsimula pa lang ang Beauty Empire, dalawa pa lang ang commercial na sumisingit, ngayon ay parang limang produkto na ang advertisement.
Wala kasing ganito sa Netflix na mas mahal naman kasi ang subscription kesa sa VIU.