NOEL FERRER
May ilang fans ni Kathryn Bernardo ang nagsabi sa PEP Troika na nasa isang event ang Kapamilya actress sa SM Mall of Asia nitong Hunyo 28, 2025, Sabado, para sa isang produktong ineendorso niya.
Pero pagkatapos niya roon ay umuwi na raw si Kath.
Nagtataka sila, bakit hindi na ito tumuloy sa awarding ng Guillermo Mendoza Memorial Foundation na ginanap sa Carlos P. Romulo Auditorium sa RCBC Plaza, Makati City, na malapit lang doon sa SM MOA?
Si Kathryn ang itinanghal na Phenomenal Box-Office Queen of Philippine Cinema, at si Alden Richards naman ang Phenomenal Box-Office King of Philippine Cinema dahil sa success sa takilya ng pelikula nilang Hello, Love, Again.
Napansin pa ng ilang nakadalo sa naturang awarding na hindi raw binanggit ni Alden si Kathryn sa kanyang acceptance speech.
Meron ba silang hidwaan?
Hindi ako nakadalo sa naturang awards night, pero nasa social media ang ilang kaganapan.
Sa isang post sa X (dating Twitter), nandoon ang acceptance speech ni Alden. Ewan kung kabuuan na iyon, o may na-edit out.
Ani Alden, “Alam niyo po, ever since I was able to do the first Hello, Love franchise, minsan hindi pa rin po ako makapaniwala na it became a part of history when it comes to the Philippine cinema.
“And given the opportunity to do the sequel for Hello, Love franchise, we were a bit skeptical po because of what’s happening in the Philippine cinema industry is somehow local films are very much struggling, even up to this point.
“And naniniwala po kasi ako na for our local Philippine cinema to foster, we really need help from everyone — the government, the producers po, the actors.
“We gotta have a common voice po para maiangat po natin ang local Philippine cinema again.
“With this recognition po tonight, I hope that hindi po mapagod ang mga producers, ang mga gumagawa po ng pelikulang Pilipino para makapag-produce at makagawa ng mga kalidad na proyekto para po sa mga manonood nating Pilipino here and abroad.
“Of course, to Star Cinema, to GMA Pictures po, to GMA and to ABS-CBN, to everyone who’s instrumental... for the fruition of Hello, Love, Again franchise, maraming, maraming salamat po sa tiwala.”
Panoorin ang video na nasa ibaba para sa naturang speech ni Alden.
Our Phenomenal Box Office King #AldenRichards | @aldenrichards02 #PhenomenALDEN
— ????Bhengagirl ????? ???????? (@bhengagirl) June 28, 2025
Stage2Screen KingALDEN pic.twitter.com/4Brq2ayOEF
JERRY OLEA
May isa pang lumabas sa X na ilang bahagi ng speech ng Kapuso actor.
Sabi ni Alden: “On behalf of everyone po who made Hello, Love, Again possible, I’d like to accept this award po para sa kanilang lahat.
“It’s been a rollercoaster journey for all of us making that film.
"Naniniwala po kasi kami na mas masarap ang mga bagay na pinaghihirapan. So, kung ang mga bagay na nagagawa natin sa pang-araw-araw natin ay hindi tayo nakakaranas ng pighati, hardships, and kung anu-ano man pong paghihirap.
“Ahh... hindi po natin ma-appreciate yung sarap nung success kung hindi natin siya pinagsumikapan at pinaghirapan.”
Hindi na namin mahanap sa X ang kumpletong speech ni Alden, pero may nahagilap kami sa Facebook na reels version. Hindi nga lang nabanggit ang huling linya ng speech na ito ng Kapuso actor.
Sa 8th Eddys awards ng Society of Philippine Entertainment Editors (SPEEd) na gaganapin sa Hulyo 20 sa Ceremonial Hall ng Marriott Grand Ballroom sa Newport World Resorts, Pasay City, honorees muli sina Kathryn at Alden bilang Box Office Heroes para sa Hello, Love, Again.
GORGY RULA
Nag-trending din sa X si Janine Gutierrez dahil ang daming natuwa at kinilig sa sweetness nila ni Jericho Rosales doon sa awards night ng Guillermo Mendoza Memorial Foundation.
Si Echo ang nagwagi bilang TV Primetime Actor of the Year para sa teleseryeng Lavender Fields, at si Janine naman ang Best Supporting Actress.
Ang daming kinilig sa pag-kiss ni Jericho pagkatapos tanggapin ni Janine ang kanyang award.
Open naman sila sa kanilang relasyon na sabi lang ni Echo nang nakorner ito ng ilang press ay masaya lang daw sila.
Aniya, “Very, very, very, happy. Things are doing well. So grateful.”
Sabi naman ni Janine, “Very grateful po talaga. And nagpapasalamat din talaga kaming lahat dahil grabe yung suporta niyo all throughout na yung mahirap na araw.”
May pagsasamahan silang isang project, pero hindi pa raw muna puwedeng pag-usapan ang buong detalye.