JERRY OLEA
Alden Richards vs Arjo Atayde!
Kabilang ang Asia’s Multimedia Star at ang kabiyak ng puso ni Maine Mendoza sa pitong nominado bilang best actor sa 8th EDDYS ng Society of Philippine Entertainment Editors (SPEEd).
Nominado si Alden para sa pinakamalakas na Pinoy movie sa kasaysayan, ang Hello, Love, Again, na pinagtambalan nila ni Kathryn Bernardo.
Panlaban naman ni Arjo ang MMFF 2024 entry niyang Topakk.
Ang lima pang nominado ay sina Vice Ganda (And The Breadwinner Is…), Sid Lucero (Outside), Kokoy de Santos (Your Mother’s Son), Joel Torre (Lolo and the Kid), at Dennis Trillo (Green Bones).
Anim ang nominadong best actress — sina Shamaine Centenera-Buencamino (Pushcart Tales), Mylene Dizon (The Hearing), Jane Oineza (Love Child), Sue Prado (Your Mother’s Son), Marian Rivera (Balota), at Judy Ann Santos (Espantaho).
Read: Jennifer Sevilla: From Seiko Jewel to Businesswoman
BEST SUPPORTING ACTOR AND BEST SUPPORTING ACTRESS NOMINEES
Ang anim na nominadong best supporting actor ay sina Joross Gamboa (Hello, Love, Again), Patrick Garcia (A Journey), Miggy Jimenez (Your Mother’s Son), Ronnie Lazaro (The Gospel of the Beast), Ruru Madrid (Green Bones), at Aga Muhlach (Uninvited).
At ang anim na nominadong best supporting actress ay sina Elora Españo (Your Mother’s Son), Nadine Lustre (Uninvited), Cristine Reyes (The Kingdom), Chanda Romero (Espantaho), Kakki Teodoro (Isang Himala), at Lorna Tolentino (Espantaho).
Ini-reveal ang nominees ng 8th EDDYS ngayong Hulyo 1, 2025, Martes, sa Rampa Drag Club sa Morato Ave. Ext., Quezon City.
Ang nag-host ng programa ay ang SPEEd officers na sina Tessa Mauricio-Arriola at Dondon Sermino.
Nag-opening remarks ang presidente ng SPEEd na si Salve Asis.
Ang nag-announce ng nominees ay sina Max Eigenmann, RS Francisco, at iba pang officers and members ng SPEEd, kabilang ang inyong lingkod.
Nag-intermission number si Dulce.
Ang awards ceremony ng 8th EDDYS ay nakatakda sa Hulyo 20, Linggo ng gabi, sa Ceremonial Hall ng Marriott Grand Ballroom sa Newport World Resorts, Pasay City.
Ang delayed telecast ay sa Hulyo 27, Linggo, sa Kapamilya Channel, Jeepney TV, at iWantTFC.
Read: Justice Secretary Remulla, tinanong sa paglutang ng pangalan ni Gretchen Barretto sa sabungero case
GORGY RULA
Ang mga nominadong Best Picture sa 8th EDDYS ay Green Bones, Hello, Love Again, Isang Himala, Love Child, Outside, at Under A Piaya Moon.
Kabugan bilang best director sina Cathy Garcia-Sampana (Hello, Love, Again), Pepe Diokno (Isang Himala), Zig Dulay (Green Bones), Jonathan Jurilla (Love Child), Carlo Ledesma (Outside), at Kurt Soberano (Under A Piaya Moon).
Ang mga nominado sa walo pang kategorya ng 8th Eddys ay ang mga sumusunod:
BEST SCREENPLAY
Arden Rod Condez, Arianna Martinez (Love Child)
Vicente Groyon (Under A Piaya Moon)
Carlo Ledesma, Anton Santamaria (Outside)
Ricky Lee, Angeli Atienza (Green Bones)
Ricky Lee, Jose Lorenzo Diokno (Isang Himala)
Carmi G. Raymundo, Crystal S. San Miguel (Hello, Love, Again)
BEST EDITING
Marya Ignacio (Hello, Love, Again)
Marya Ignacio (Pushcart Tales)
Vanessa Ubas de Leon (My Future You)
John Paul Ponce (Love Child)
Benjamin Tolentino (Green Bones)
BEST CINEMATOGRAPHY
Nathan Bringuer (Under A Piaya Moon)
Shing Fung Cheung (Outside)
Neil Daza (Espantaho)
Neil Daza (Green Bones)
Dan Villegas (Kono Basho)
BEST PRODUCTION DESIGN
Nestor Abrogena (The Kingdom)
Maolen Fadul (Green Bones)
Norico D. Santos (Hello, Love, Again)
Jed Sicangco, Kurt Soberano (Under A Piaya Moon)
John Edward Sicangco (Outside)
BEST SOUND
Ditoy Aguila (Strange Frequencies: Taiwan Killer Hospital)
Mark Locsin, Teresa Barozzo, Narra Post (Isang Himala)
Jhon Eric Mancera, Donald Ilagan, Gerald Guardiano, Melvin Rivera, Albert Michael Idioma, Jannina Mikaella Minglanilla, Andrea Teresa Idioma (Topakk)
Narra Post, Studios by Wildsound (The Kingdom)
Alex Yomboc, Lamberto Casa Jr. (Espantaho)
BEST MUSICAL SCORE
Teresa Barrozo (And The Breadwinner Is…)
Len Calvo (Green Bones)
Vincent de Jesus (Isang Himala)
Jessie Lasaten (Hello, Love, Again)
Ammie Ruth Suarez (Un/Happy For You)
BEST ORIGINAL THEME SONG
"Ang Himala Ay Nasa Puso" (Isang Himala), music and lyrics by Vincent de Jesus, performed by Juan Karlos
"Hahamakin Ang Lahat" (Uninvited), music and lyrics by Quest and Arthur Nery, performed by KZ Tandingan and Arthur Nery
"Luha sa Dilim" (Guilty Pleasures), music and lyrics by Julian Juangco, performed by Yanco
"Mahal Kita" (Road to Happy), music and lyrics by Macky Alca, performed by VJ Mendoza
"Topak" (Topakk), music and lyrics by Lordivino Ignacio, Muriel Anne Jamito and Romarico Superable, performed by Bassilyo, Sisa and CrazyMix
BEST VISUAL EFFECTS
Rhance Cariño (Topakk)
Gaspar Mangarin, Walter Monte (Espantaho)
Mothership Inc. (Strange Frequencies: Taiwan Killer Hospital)
Riot, Inc. (The Kingdom)
Santelmo Studio Inc. (My Future You)
The Post Office (Outside)
Read: Hubadero 2025 2Q: Male nudity in films, on stage, online
NOEL FERRER
Nauna nang in-announce ng SPEEd ang mga special awards na ipamamahagi sa 8th edition ng The EDDYS.
Pararangalan bilang Movie Icons sina Direk Laurice Guillen, Odette Khan, Perla Bautista, Pen Medina, at mag-asawang Rosemarie Gil at Eddie Mesa.
Ang Producer of the Year ay igagawad sa GMA Pictures, at ang Rising Producer of the Year award ay ipagkakaloob sa Nathan Studios.
Tatanggap ang showbiz columnist, TV-online host, at content creator na si Ogie Diaz ng Joe Quirino Award, habang ang Manny Pichel Award ay igagawad sa dating entertainment editor na si Crispina Belen.
Para sa Isah V. Red Award na ipinagkakaloob taun-taon sa mga personalidad na tumutulong at nagbibigay inspirasyon sa mga kababayan nating nangangailangan, ang recepient this year ay ang actor-entrepreneur-producer na si RS Francisco.
Nasa ikalawang taon na ang pagkilala sa Box Office Heroes na tumaya para sa patuloy na pagbangon ng Philippine movie industry.
Co-presenters ng 8th EDDYS ang Newport World Resorts at ABS-CBN, sa ilalim ng production ng Brightlight Entertainment led by Miss Pat-P Daza.
Ididirek itong muli ni Eric Quizon.
Para sa karagdagang detalye, maaaring i-follow ang official Facebook page ng The EDDYS (The Entertainment Editors’ Choice).
Read: Cinemalaya 2025, gaganapin sa tatlong sinehan ng Shangri-La Plaza