GORGY RULA
Mukhang maraming pinagkaabalahan ang mga tao ngayon kaya hindi na gaanong nanonood ng mga programa sa telebisyon.
Ang iba naman ay hindi na talaga sa TV nanonood ng mga programa, kundi sa online na o kaya ay mas nakatutok sa Netflix at iba pang streaming services.
Magkakasunod ang mga bagong programang inilunsad sa GMA-7, pero hindi ganoon kataas ang viewing level ng mga ito.
Noong Sabado, June 28, 2025, nagsimula ang dance show na hinu-host ni Alden Richards, ang Stars On The Floor. 7.8% ang rating nito.
Read: Si Xian Lim ba ang tinutukoy ni Vice Ganda sa queerbaiting issue?
Halos katapat nito ang kasisimula lang din na Idol Kids Philippines sa Kapamilya Channel. Naka-4.8% ito.
Kaabang-abang ang Pinoy Big Brother (PBB) Celebrity Collab Edition noong gabing iyon dahil nakumpleto na ang Big 4, at naging final duo evictee ang DusBi nina Dustin Yu at Bianca de Vera.
Naka-6.2% ito, kahit halos araw-araw ay nagte-trending at lalo pang lumalakas sa mga manonood.
Halatang gusto pa rin ng mga manonood ang mga singing contest kaya maganda pa rin ang pagtanggap sa The Clash ng GMA-7 na nagsimula two weeks ago.
Noong Linggo, June 29, ay lalo pang tumaas ito sa 8.1%.
Read: Anne Curtis hits back at netizen who questioned her award for hosting
AFTERNOON PRIME DRAMAS
Noong Lunes, June 30, ay nagsimula naman sa Afternoon Prime ng GMA-7 ang Akusada ni Andrea Torres.
Ito ang ipinalit sa Binibining Marikit na nagtapos noong nakaraang Biyernes, June 28.
Tila mababa rin ang viewing level noong araw na yun dahil naka-5.3% lang ang Akusada.
Ang My Father’s Wife naman ay naka-5.2%, at ang Mommy Dearest ay 5.8%.
Hanggang July 11 na lang ang Mommy Dearest, at papalitan na ito ng Cruz vs. Cruz sa July 14.
Challenge ito kung maibabalik ang dating sigla ng afternoon drama na madalas pang nagdo-double digit noong panahon ng Abot-Kamay Na Pangarap ni Jillian Ward hanggang sa Lilet Matias: Attorney-at-Law ni Jo Berry.
Read: 8th EDDYS: Alden Richards, Arjo Atayde magkatunggali for best actor
NOEL FERRER
Noong Biyernes, June 27, ang finale episode ng Binibining Marikit, at ito ang pinakamataas ang rating sa tatlong afternoon drama.
Pero hindi ito kasintaas nung mga nakaraan nilang episodes. Naka-5.9% ito.
Noong araw ring iyon ay naka-5% ang It’s Showtime, at ang Eat Bulaga! naman ay 3.3%.
Sumunod ang My Father’s Wife na naka-5% din, at ang Mommy Dearest ay 5.8%.
Pagkatapos ng Binibining Marikit ay ang Fast Talk with Boy Abunda na naka-4.1%.
Sumunod ang Lovely Runner na 2.7%.
Ang Family Feud, kung saan naglaro sina Marian Rivera, Alden Richards, at ilang celebrity contestants ng Stars on the Floor, ay naka-7.3%.
Pagdating sa primetime ay naka-12.4% ang 24 Oras.
Ang Encantadia Chronicles: Sang’gre ay 10.6%, at ang FPJ’s Batang Quiapo ay 13%.
Ang Sanggang Dikit FR ay natalo ng Incognito na malapit nang matapos.
Naka-7.8% ang Sanggang Dikit FR, habang ang Incognito ay naka-8%.
Ang PBB Celebrity Collab Edition ay 4.3%.
Read: Hubadero 2025 2Q: Male nudity in films, on stage, online
JERRY OLEA
Noong Sabado, June 28, ay bumalik na ang Rainbow Rumble ni Luis Manzano sa Kapamilya Channel, kung saan naglaro ang LGBTQ members na sina Vice Ganda, Marina Summers, Iyah Mina, Sassa Gurl, at Kaladkaren.
Naka-2.1% ito.
Ang halos katapat nitong Pepito Manaloto sa GMA-7 ay naka-7%.
Noong Linggo, June 29, ay 1.9% na lang ang Rainbow Rumble, at ang katapat nitong Bubble Gang ay 6.3%.
May viewers talaga ang PBA sa RPTV dahil nakakuha pa ito ng 2.9% na rating.
Samantala, sa primetime noong Lunes, June 30, ay lalo pang tumaas ang FPJ’s Batang Quiapo. Naka-14.2% ito.
Ang Encantadia Chronicles: Sang’gre ay tumaas naman sa 11.4%.
BATANG QUIAPO RULES IN KANTAR MEDIA
Maging sa datos ng Kantar Media ay waging-wagi ang FPJ’s Batang Quiapo.
Nanatiling most-watched teleserye sa bansa ang programang pinagbibidahan ni Coco Martin matapos itong magkamit ng national TV rating na 20.2% kumpara sa 17.1% ng Encantadia Chronicles: Sang'gre noong Hunyo 23, Lunes.
Kinapitan ng mga Pilipino ang episode kung saan namatay ang kontrabidang karakter ni McCoy de Leon noong Hunyo 24, Martes. Nakakuha ito ng national TV rating na 21.3% kumpara sa kalaban na nakakuha ng 16.2%.
Nagpatuloy ang lamang ng Kapamilya teleserye sa Hunyo 25, Miyerkules, na episode na nagrehistro ng national TV rating na 19.2% laban sa Sang'gre na nagtala ng 15.4%.
Tinutukan pa rin ang palabas ng ABS-CBN noong Hunyo 26, Huwebes, na episode na nagtala ng national TV rating na 20.7% kumpara sa 15.4% ng katapat na serye.
Namamayagpag din ang FPJ’s Batang Quiapo pagdating sa online viewership.
Nagtala ito ng mahigit kalahating milyon o 600,000 daily peak concurrent viewers, o mga sabay-sabay na nanood sa Kapamilya Online Live sa YouTube, para sa parehong panahon.
Nakatsikahan namin si “Roda” (Direk Joel Lamangan) noong Hunyo 30, Lunes, sa Cash n’ Carry sa Makati City, at sinabi niya sa amin ang ilang nakaka-shookt na developments sa toprating teleserye ni Coco Martin, ang Hari ng Telebisyon.
Read: Justice Secretary Remulla, tinanong sa paglutang ng pangalan ni Gretchen Barretto sa sabungero case
