JERRY OLEA
Naligwak na ang Green Bones sa Top 10 Movies ng Netflix Philippines.
Kasama sa nasabing listahan ang MMFF50 entry nina Dennis Trillo at Ruru Madrid mula Hunyo 20 hanggang Hulyo 10, 2025.
Ngayong Hulyo 11, Biyernes, ay pumuwesto agad sa No. 1 ang My Love Will Make You Disappear ng tambalang KimPau (Kim Chiu + Paulo Avelino).
Yung teleserye ng KimPau na Deceit aka Linlang ay nananatiling No. 3 mula pa noong Hulyo 5 sa talaan ng Top 10 TV Shows ng Netflix PH.
Read: Bea Alonzo, Vincent Co spotted at airport; holding hands at event
May dalawa pang pelikulang Pinoy sa talaan ng Top 10 Movies — Un-Ex You nina Kim Molina at Jerald Napoles, at ang MMFF50 entry ni Vice Ganda na And The Breadwinner Is….
Streaming na umpisa ngayong Biyernes ang pelikulang Sakaling Hindi Makarating (2016), sa direksyon ni Ice Idanan.
Tampok dito sina Alessandra de Rossi, Therese Malvar, Pepe Herrera, JC Santos, Elijah Canlas, Karen de los Reyes, Lesley Lina, at Hiraya Plata.
Sa Hulyo 17 ang streaming ng horror movie na Lilim, samantalang Hulyo 23 ang streaming ng Pagtatag! The Documentary tampok ang SB19.
THE RED ENVELOPE
Curious ako kung papatok sa mga Pinoy ang LGBTQ+ movie na The Red Envelope, na streaming umpisa Hulyo 24.
Tampok dito ang Thai actor and singer na si Putthipong Assaratanakul aka Billkin, na nagbida bilang M sa pelikulang How To Make Millions Before Grandma Dies.
Ang buod ng Thai film na The Red Envelope: “After a supernatural marriage binds them for life, thief-turned-informant Menn and his ghost husband Titi set out to solve the mystery of Titi's death.”
Nasa cast din ng The Red Envelope sina Krit Amnuaydechkorn, Arachaporn Pokinpakorn, Piyamas Monyakul, Teravat Anuvatudom, Jaturong Phonboon, Rusameekae Fagerlund, Khunnarong Pratesrat, Eddy Jarnyaharn, at Tanawat Cheawaram.
Read: Eat Bulaga! drops "Tamang Panahon" teaser; is Kalyeserye making a comeback?
TOP 10 MOVIES ON NETFLIX
Ang Top 10 Movies in the Philippines Today sa Netflix:
- My Love Will Make You Disappear
- Ziam
- Brick
- KPop Demon Hunters
- Un-Ex You
- The Old Guard 2
- Kandahar
- And The Breadwinner Is…
- Infinite
- The Old Guard
NOEL FERRER
Nananatiling No. 1 ang Squid Game sa talaan ng Top 10 TV Shows ng Netflix Philippines mula noong Hunyo 28, Sabado.
Nag-debut sa fifth place ang The Sandman noong Hulyo 4, Biyernes.
The next day up to now ay nasa No. 2 ito.
Yung Deceit aka Linlang ng KimPau ay kapit-tuko sa third place umpisa Hulyo 5, Sabado, hanggang ngayon.
Ang 128th o huling episode ng Incognito ay matutunghayan sa Hulyo 15, Martes.
IT'S OKAY TO NOT BE OKAY
Umpisa Hulyo 18, Biyernes, ay streaming na sa Netflix PH ang Pinoy adaptation ng It’s Okay To Not Be Okay.
Iikot ang kuwento ng serye kay Patpat (Joshua Garcia), isang psychiatric caregiver na inaalagaan ang autistic niyang kuya na si Matmat (Carlo Aquino).
Mababago ang takbo ng kanilang buhay nang makilala nila si Mia (Anne Curtis), isang sikat pero problemadong manunulat ng mga librong pambata.
Habang unti-unting lumalalim ang relasyon nina Mia at Patpat kasama si Matmat, haharapin nila ang mga sugat ng nakaraan at matutuklasan kung paano sila maghihilom mula rito.
Read: Will Ashley clarifies viral hug with Bianca de Vera in PBB Big Night
Kasama sa cast sina Rio Locsin, Bobot Mortiz, Michael de Mesa, Maricel Laxa, Agot Isidro, Enchong Dee, Kaori Oinuma, Bodjie Pascua, Ana Abad Santos, Sharmaine Suarez, Xyriel Manabat, Louise Abuel, Francis Magundayao, Alora Sasam, Alyssa Muhlach, Bianca de Vera, Aljon Mendoza, at Mark Oblea.
Ang serye ay sa direksiyon nina Mae Cruz-Alviar at Raymond Ocampo, at sa pangunguna nina creative producer Henry King Quitain at Star Creatives business unit head Des M. De Guzman.
Read: Bakit "Diamond Star" ang bansag kay Maricel Soriano?
TOP 10 TV SHOWS ON NETFLIX
Ang Top 10 TV Shows in the Philippines Today sa Netflix:
- The Squid Game
- The Sandman
- Deceit
- Cinderella Closet
- Alice in Borderland
- Bet
- Under A Dark Sun
- Incognito
- Our Unwritten Seoul
- Better Late Than Single
GORGY RULA
Apat na episodes na lang ay matatapos na ang Incognito, at dapat ay mas tataas pa ito sa No. 8.
Natutukan ko ang mga bakbakan na kinunan sa Marawi, pero tuluy-tuloy lang ang barilan, kaya medyo may bagot factor na rin. Kaya siguro hindi pa ganoon kataas ang ranking nito.
VHONG NAVARRO IN INCOGNITO
Nagulat ako sa special participation doon ni Vhong Navarro na parang isa lang sa mga tauhan ni Manuel Aguinaldo.
Nagkita kami ni Vhong sa burol ni Manay Lolit Solis, at tinanong ko siya talaga bakit tinanggap niya ang guesting sa action serye na yun.
Hindi ako natuwa sa role na puwede namang ibigay sa isang talent.
Gusto lang daw niyang maging part ng Incognito dahil gustung-gusto niya ang seryeng ito.
Okay na raw siya basta na-experience niya ng mag-action sa Incognito.
Ang latest na narinig namin, magkakaroon daw ng Season 2 ang sikat na action series na ito nina Daniel Padilla, Richard Gutierrez, Baron Geisler, Maris Racal, Kaila Estrada, Anthony Jennings, at Ian Veneracion.
Read: Dina Bonnevie "starting all over again" after husband's death
