JERRY OLEA
Pinagkukumpara ng mga tao ang Superman at The Fantastic Four: First Steps.
Ang Superman ay pinagbidahan ni David Corenswet, at iprinodyus ng DC Studios.
Isinulat at idinirek ito ni James Gunn, at ito ang unang pelikula sa DC Universe (DCU).
Read: UPDATED. ABS-CBN's Kat Domingo unfairly accused of throwing shade at GMA's Nico Waje
Ang The Fantastic Four: First Steps ay pinagbidahan nina Pedro Pascal, Vanessa Kirby, Ebon Moss-Bachrach, at Joseph Quinn, sa direksiyon ni Matt Shakman.
Ito ang ika-37 pelikula sa Marvel Cinematic Universe (MCU).
SUPERMAN VS THE FANTASTIC FOUR AT THE BOX OFFICE
Magkakumpitensiya ang DC Comics (1937) at Marvel Comics (1939) noon pa man.
Kahit hindi sabay ang showing ng Superman at The Fantastic Four: First Steps, interesting kung alin sa dalawa ang mas super at mas fantastic sa takilya.
Pila-pila ang moviegoers sa dalawang pelikula nang panoorin ko sa Power Plant Mall, Rockwell Center, Makati City, sa kani-kanyang first weekend. Halos ma-sold out.
Naka-$125.0M ang Superman on its opening weekend sa North America, No. 1 siyempre, noong Hulyo 11-13, 2025.
On its second weekend, Hulyo 18-20, topnotcher pa rin ito with $58.5M.
Noong nakaraang weekend, Hulyo 25-27, ay rumatsada na ang The Fantastic Four: First Steps with $117.6M.
Pumangalawa ang Superman with $24.9M.
Umiwas ang ibang Pinoy movies sa Superman at The Fantastic Four: First Steps. Kahit ibang foreign movies ay umiwas sa mga ito.
Nakipagsalpukan sa Superman ang I Remember You nina JC Santos at Valeen Montenegro noong Hulyo 9.
Read: Shuvee Etrata on Anthony Constantino: "Ako ang unang nagka-crush."
Exclusive na nag-showing sa SM cinemas noong Hulyo 10-13 ang Hybe Cine Fest in Asia.
Noong Hulyo 16 nag-open sa local cinemas ang Bride Hard, Bring Her Back, Smurfs, Shaman: The Final Exorcism, at ang exclusive sa SM cinemas na Doraemon The Movie: Nobita’s Art World Tales. Pawang banyaga ang mga pelikulang ito.
Noong Hulyo 23 nag-open sa local cinemas ang The Fantastic Four: First Steps, kasabay ng Korean horror film na Incarnation, Vietnamese horror film na The Ancestral Home, at ang exclusive sa SM cinemas na Sunshine kung saan bida si Maris Racal.
Bukas, Hulyo 30, tatlong Pinoy films ang mag-o-open sa ating mga sinehan — Lasting Moments nina Sue Ramirez at JM de Guzman, P77 ni Barbie Forteza, at ang exclusive sa SM cinemas na How To Get Away From My Toxic Family starring Zanjoe Marudo.
Nakatakda rin bukas ang opening sa local cinemas ng foreign films na The Bad Guys 2, I Know What You Did Last Summer, The Home, at BTS Army: Forever We Are Young.
Nasa August 6 playdate naman ang Lola Barang, Meg & Ryan, Weapons, Materialists, Freakier Friday, at Omniscient Reader: The Prophecy.
Nakapuwesto naman sa August 13 playdate ang Sa Likod ng Tsapa, Wild Boys, at The Naked Gun.
Maaari pang magkaroon ng pagbabago ang mga playdate na ito.
Para sa updates, bisitahin ang Facebook pages ng Cinema Exhibitors Association of the Philippines (CEAP), SM Cinema, Ayala Malls Cinemas, at Robinsons Movieworld, maging ang website ng Click The City.
Read: Cha Eun Woo begins mandatory military service, leaves message for fans
NOEL FERRER
Kabilang sa blockbuster movies na umariba sa local cinemas umpisa Mayo ang Mission: Impossible - The Final Reckoning (Mayo 17), Lilo & Stitch (Mayo 21), How to Train Your Dragon (Hunyo 11), F1 The Movie (Hunyo 25), Jurassic World Rebirth (Hulyo 2), Superman (Hulyo 9), at The Fantastic Four: First Steps (Hulyo 23).
Maging sa iba’t ibang bansa ay humataw ang mga ito.
TOP 10 MOVIES WORLDWIDE
Ayon sa Box Office Mojo, ang sampung pinakamalalakas na pelikula worldwide ngayong 2025 as of this writing ay ang mga sumusunod:
- Ne Zha II, $1.899B
- Lilo & Stitch, $1.018B
- A Minecraft Movie, $955M
- Jurassic World: Rebirth, $720M
- How To Train Your Dragon, $606M
- Mission: Impossible - The Final Reckoning, $592M
- F1: The Movie, $510M
- Superman, $503M
- Captain America: Brave New World, $415M
- Thunderbolts, $382M
Siyempre, mababago pa ang ranking ng mga iyan, at madadagdagan ang grosses ng iba.
Ang iba pang pelikula na lumampas sa $100M ang worldwide gross ay Sinners ($366M), Final Destination: Bloodlines ($285M), The Fantastic Four: First Steps ($217M), Snow White ($206M), 28 Years Later ($150M), Dog Man ($146M), Bridget Jones: Mad About The Boy ($140M), Elio ($138M), Mickey 17 ($133M), Ballerina ($132M); Karate Kid: Legends ($106M), The Accountant 2 ($103M), at Detective Conan: One-Eyed Flashback ($101M).
Kare-release lamang ng trailer ng Avatar: Fire and Ash, na nakatakdang ipalabas sa Disyembre.
Ito ang ikatlo sa limang Avatar films ni Direk James Cameron.
Take note na iyong Avatar (2009) ang No. 1 sa talaan ng worldwide lifetime grosses with $2.923B, samantalang ang sequel nitong Avatar: The Way of Water (2022) ay pangatlo with $2.320B.
Read: Pelikula ni Vice Ganda nagpapakalma ng children with disability
Ang dami ring nag-aabang sa Wicked: For Good na nakatakdang ipalabas sa Nobyembre.
Nakakakaba, pero sana, sana… mag-hit ang Filipino films na palabas bukas, at sana madagdagan pa ang mga sinehan ng Sunshine.
GORGY RULA
Tatlong magagandang local film ang magso-showing bukas, July 30.
Andiyan ang P77 ni Barbie Forteza, Lasting Moments nina Sue Ramirez at JM de Guzman, at exclusive sa SM cinemas ang How To Get Away From My Toxic Family ni Zanjoe Marudo.
Pawang magaganda ang feedback sa tatlong pelikulang ito, kaya sana tangkilikin din ng mga manonood.
Nagawa nila ito sa Superman na naka-PHP300M sa unang linggo nito, at sa Fantastic Four na total of PHP220M nung nakaraang weekend.
Sana, kahit paano ay gumastos din ang Pinoy moviegoers sa local movies.
Kahapon, July 28, ay nagkaroon ng premiere night ang P77 na ginanap sa SM The Block.
Maganda ang feedback sa pelikula, at na-achieve ni Direk Derick Cabrido ang mga eksenang may jump scare.
Sa buong screening ay tili nang tili ang mga manonood kaya hindi napansin ang halos dalawang oras na takbo ng screening.
Marami naman sa mga breadwinner ang makaka-relate sa How To Get Away From My Toxic Family.
Madudurog naman ang puso mo sa Lasting Moments na tumatalakay sa love, loss, at personal growth pagkatapos ng hiwalayan. Tiyak marami rin ang makaka-relate.
Naging effective ito dahil sa napakagaling ng performance nina Sue at JM.
Parang mini-Pinoy film festival itong pag-showing ng tatlong local films, sana maramdaman natin ito bukas.
Good luck!
Read: Is Jimuel Pacquiao engaged; expecting a baby with rumored fiancee?