JERRY OLEA
Mayo 9, 2023 nang lumabas ang desisyon ng piskal na ibasura ang tatlong reklamo ni Debbie Garcia laban kay Barbie Imperial.
Slight physical injury, grave oral defamation, at grave slander by deed ang tatlong reklamo ni Debbie, kaugnay sa insidente sa Tipsy Pig Gastropub, Timog Avenue, Quezon City, noong Oktubre 28, 2022.
Nakatsikahan ng PEP Troika si Debbie sa grand opening ng isang restaurant noong Marso 1, 2023 sa Trinoma, Quezon City — before naibasura ang mga reklamo niya.
Read: Fiscal junks three complaints filed by Debbie Garcia against Barbie Imperial
Nang kumustahin namin noon si Debbie, ang sagot niya: “I’m doing good po. I am happy na. I feel better now. I cannot say na I’ve totally moved on from what happened.
“Kasi nandoon pa rin po sa… OK, I believe I cannot say much about it, may kaso.
“So, nag-iingat po ako, but all I can say now, just to give you an update po… we had hearing na.
“And mas pinili po kasi namin na tahimik na lang sana, kasi alam niyo naman po yung binabato ng mga tao sa akin, na I’m just using the incident for my own good.
“Di ba po? Parang… hindi naman nagma-matter ang opinion ng mga tao na yun, e. Ang sa akin lang kasi, I’m just fighting for my rights kaya po tayo nagsampa ng kaso.
“And yung mga sinasabi nila na I’m using her para sumikat, yung mga ganun, siyempre po masakit din for me. Kasi hindi naman po yun ang isyu talaga kung bakit, di ba?”
HOW IS DEBBIE GARCIA NOW?
Hindi namin nakausap si Debbie nang ma-dismiss noon ang mga reklamo niya laban kay Barbie.
Nakita na lang namin muli si Debbie sa mediacon ng pelikulang Mudrasta, Ang Beking Ina! noong Agosto 5, 2025, sa Max’s Restaurant, Sct. Tuason St., Brgy. Laging Handa, Quezon City.
Kumusta na siya matapos ang isyu nila ni Barbie?
“That was two years ago na rin po and I believe, lahat po naka-move on na,” malumanay na tugon ni Debbie.
“Although, of course, I was sad po doon sa nangyaring resulta. Pero para po sa akin, at least nilaban ko pa rin.
“Personally po, gusto ko pong i-share yung happiness ko ngayon na I’m in the right place now.
“At peace po ako. So, yun po, let’s all be happy!” kikay na bulalas ni Debbie.
Read: Bea Alonzo seen with Vincent Co after GMA Gala 2025
GORGY RULA
Nalungkot si Debbie Garcia nang ibasura ng piskal ang tatlong reklamo niya laban kay Barbie Imperial.
“Siyempre po, nung time na yun, we were expecting — of course, my team were expecting a different result,” pagbabalik-tanaw ni Debbie.
“Pero it’s something na wala na po sa kontrol namin yun, e. So, tinanggap na lang po namin talaga, especially po ako, para sa peace of mind ko.
“Sa mental health ko!”
Ano ang nagpapa-happy sa kanya ngayon?
“Na-mention ko siguro sa mga interview ko before, hilig ko talagang magluto,” pagtatapat ni Debbie.
“So ngayon, may bago akong career na pinursue, ang pagiging chef. And official chef na ako, as in professional chef.”
Bukod sa pagiging head chef, hina-handle ni Debbie ang marketing ng Oliver’s Coffee Bistro sa Connecticut St., San Juan City, Metro Manila.
“Yung may nagro-rotate na kotse, Ferrari, inside. Kain kayo dun, ako ang bahala sa inyo,” sambit ni Debbie.
“Ayun, iinom kayo ng kape para sa mental health ninyo! Hi! Hi! Hi! Hi!"
Read: Dustin Yu, nililigawan na nga ba si Bianca de Vera?
NOEL FERRER
Naging therapeutic ba para sa kanya ang pagluluto?
Tumango si Debbie Garcia: “Opo, sa akin po talaga, very therapeutic. May freedom ka rin po, e. Ikaw lang doon, kung ano ang timpla mo.
“So, maganda po yun sa mental health ko. Hi! Hi! Hi! Hi!”
Comfort food ang niluluto ni Debbie sa Oliver’s Coffee Bistro. Meron silang all-day breakfast.
Paano pag nagkita sila ng dati niyang friend na si Barbie Imperial? Babatiin ba niya ito?
“Pag nagkita po kami, siguro titimplahin po natin kung paano,” sabi ni Debbie.
“Kasi minsan din po kasi, may mga bagay na tahimik na lang tayo kesa pag-ugatan pa ng anything.
“So, dahil I’m in a safe space now and maayos naman po kung nasaan ako ngayon…”
Read: Jak Roberto reacts to ex-girlfriend Barbie Forteza's rumored relationship with Jameson Blake
DEBBIE'S NON-SHOWBIZ BOYFRIEND
May nagpapa-happy sa kanya na karelasyon?
“Meron po akong non-showbiz boyfriend.”
Lumabas si Debbie sa mga pelikula ng VMX (dating Vivamax) na 5 In 1, Salamat Daks, at Kitty K7 pero limitado ang pagpapaseksi niya.
Sa Mudrasta, Ang Beking Ina! ay kasambahay ang papel ni Debbie.
Sa Agosto 20 ang showing ng Mudrasta sa local cinemas.
Title role dito si Roderick Paulate, sa direksyon ni Julius Ruslin Alfonso.
Nasa cast din ng Mudrasta sina Tonton Gutierrez, Carmi Martin, Celia Rodriguez, Elmo Magalona, Arkin Magalona, Odette Khan, Ruby Ruiz, Awra Briguela, Joel Saracho, Sunshine Teodoro, Mel Kimura, at Emmanuel de la Cruz.
Read: Will Ashley speaks up on WillCa-DustBia fan war
