JERRY OLEA
Mabibilang ang mga mang-aawit at artistang umaabot ng limang dekada sa local entertainment industry.
Isa sa mga ito si Nonoy Zuñiga, na magpapakitang-gilas sa Beyond Gold: Songs Of A Lifetime concert sa Setyembre 5, 2025, Biyernes ng 8:00 P.M., sa Newport Performing Arts Theater ng Newport World Resorts, Pasay City.
Read: Bea Borres, 22, confirms pregnancy: "I'm not ready...I'm so happy.""
“Fifty years dahil din sa matinding pangangailangan. Ha! Ha! Ha! Ha! Biro lang,” sambit ni Nonoy sa mediacon noong Agosto 7, Huwebes, sa The Whisky Library ng Newport World Resorts.
“Well, healthy rin. Kailangang healthy ka. Pangalagaan ang sarili. Ganun lang.”
Ano ang inspirasyon niya sa tinagal-tagal niya sa music industry?
“Yung hanggang ngayon, nandito pa rin yung fans ko. Andito pa rin ang mga friends ko who are willing and giving their support,” malumanay na tugon ni Nonoy.
“At saka habang nandiyan sila, andito rin ako. Ganun lang. I always tell them, ‘Sana magtagal pa tayong magkita. Keep yourself healthy din while I do it also para marami pa tayong mga shows magtatagpo.’”
Read: Veteran director Francis "Jun" Posadas dies at 76
LOWEST AND HIGHEST POINTS IN NONOY'S LIFE
Ano ang normal niyang ginagawa kung wala siya sa harap ng kamera, o kung hindi siya nagpe-perform?
“I’m usually abroad. Kasi, my kids are there. I have five kids, e.”
Sa 50 taon niya bilang mang-aawit, ano ang lowest point at highest point na pinagdaanan niya?
“Ah wow! Ang lowest point ko, not really related sa singing. Personal,” pagsisiwalat ni Nonoy.
“When I got separated. Iyon ang lowest point ko talaga. Mga 2015, 2016. Kailan lang, so yun ang lowest ko.”
Kasama ng estranged wife niya ang mga anak nila?
“No. Hindi na, may kanya-kanya na silang buhay. Yung youngest ko, nasa 28 na.”
Musika ang nagsalba sa kanya noon?
Tumango si Nonoy: “Ahh yes, music pa rin. Although talagang ang hirap noon. Two to three years, I had to adjust.
“I completely disappeared from the music scene that time. Pati sa Hitmakers, hindi ako nag-attend nang one year, e. Nawala ako. Ha! Ha! Ha! Ha!”
Nagka-mental health problem siya?
“Oh, yeah,” mabilis na sagot ni Nonoy, “naging parang traumatic iyon, sobra. I was really down.”
Paano siya naka-recover after three years?
Ngumiti si Nonoy, “A new love.”
Read: Veteran actress Odette Khan, hindi pa handang "ibaon sa lupa"
GORGY RULA
Ano naman ang masasabi niyang highest point sa limang dekada niya bilang professional singer?
“Sa personal din, e. Dalawa yon.
"When I’m with my kids, and pagka kasama ko ang aking mahal sa buhay,” sagot ni Nonoy.
Meron ba silang theme song ng current love niya?
Ngumiti si Nonoy, “'Araw-Gabi.'”
NONOY ZUNIGA'S SONGS
Si Nonoy ang original singer ng "Araw-Gabi" na ni-revive ni Regine Velasquez, maging ng kantang "Basang-basa sa Ulan" na ni-revive ng Aegis.
Kabilang sa mga awit na identified kay Nonoy ang "Never Ever Say Goodbye," "Love Without Time," "Live For Love," "Ako ay Ikaw Rin," "Init Sa Magdamag" kung saan nag-duet sila ni Sharon Cuneta, at ang mga paborito ni Fernando Poe Jr. (FPJ) na "Doon Lang" at "Kumusta Ka."
Kung buhay pa si FPJ, iimbitahan ito ni Nonoy na manood sa kanyang 50th anniversary concert.
Pagbabalik-tanaw ni Nonoy: “Alam mo ang ginawa ni FPJ sa akin? Noong height ng career ko, pinatawag niya ako sa birthday niya. Nandoon si Erap [Joseph Estrada].
“Tapos niyakap ako ni FPJ. Sabi niya, ‘Gusto ko ang kanta mo.’ OK. Masaya. Tapos bigla din pala, gagawa siya ng pelikula. Kinanta niya sa movie…
“I sang sa funeral ni FPJ sa Santo Domingo Church. Yung 'Doon Lang.'”
Paano niya na-preserve ang quality ng kanyang voice kahit senior citizen na siya?
“Naka-formalin yan!” pagbibiro ni Nonoy.
“Ha! Ha! Ha! Naka-preserve. Joke lang, mahilig akong magbiro din. Ano lang, bawal yung mga masamang bisyo.
“Dati, hindi tayo naniniwala when we were younger, e, pag sinabing, ‘Masamang bisyo yan.’ ‘Hindi!’ Hindi sumusunod, matigas ang ulo namin.
“Totoo naman. Clean living talaga. Dapat. Kasi ang pagsisisi, nasa huli. So check up, regular check up. Kung anong healthy food, yun lang.”
Kinakabahan pa ba siya pag nagpe-perform siya?
“May kaba pero at the same time, excited. Pero kasi, yung kaba, dalawang klase yan, negative and positive,” saad ni Nonoy.
“Yung positive na kaba, may kasamang excitement. Positive yun, gusto ko nang kumanta pero ano pa, kinakabahan, mabilis ang tibok ng puso. Very excited.
“Yung negative naman, dahil hindi mo alam yung ibang mga kakantahin mo. Hindi ka prepared. Yon, nakakatakot yon.
“Kulang ng preparasyon. That’s the negative part if you’re nervous.
“So, itong sa akin, naturuan din kami how to transform the nervousness into excitement, something positive.
“Kasi pag wala ka namang excitement or nervousness, hindi maganda yun sa stage, e. Kita sa yo, parang wala lang. Para kang diesel.
“Dapat pag nakita ka for the first time onstage, ganado ka na. Ganun, ganun ang excitement na ginagawa ng performer.”
Guests ni Nonoy sa Beyond Gold: Songs Of A Lifetime sina Kuh Ledesma, Lani Misalucha, at ang kapwa Hitmakers na sina Marco Sison at Rey Valera.
Kakantahin nina Rey at Marco ang mga awit ni Nonoy.
May special participation sa concert sina Andrea Gutierrez, Isha Ponti, at Raymond Gorospe.
Ang musical director ay si Bobby Gomez, at ang concert director ay si Calvin Neria.
Read: 73rd FAMAS: Judy Ann, Marian, Kathryn, Vice, Dennis, Alden, among nominees
NOEL FERRER
Ayon sa concert director na si Calvin Neria, iso-showcase ang pagiging King of Pop Ballads ni Nonoy Zuñiga sa 50th anniversary concert nito. Retrospective!
Pahayag ni Direk Calvin, “Medyo mahirap siya because we’re talking of five decades, di ba? So mahirap to sort out things. Mahirap to filter everything.
“Kasi kung isasama namin lahat, aabot tayo ng three days.”
Ang target nila ay dalawang oras ang Beyond Gold: Songs Of A Lifetime.
Pagpapatuloy ni Direk Calvin: “So what we did was just to get highlights, or yung milestones niya sa buhay.
“OK, example, he will be playing the guitar because he started out as a folk singer. Iso-showcase iyon sa concert.
“Kasi hindi na natin nakilala si Nonoy as a folk singer. Nakilala na natin siya as Nonoy Zuñiga, di ba? So that is one of the highlights.
“Another thing, he will be performing basically the most requested songs sa era niya as a band member…
“I don’t want to preempt kung ano pa ang mangyayari, pero there’s a lot of segments in the show na basically hindi pa niya nagagawa.
“Of course, 50 years, parang halos lahat, nagawa na, di ba? So what we want to give our audience is something that hasn’t been done.
“Or has been done pero medyo may bali, may twist, OK.
“So, ano ang gagawin ni Kuh Ledesma, ano ang gagawin ng Hitmakers, with Lani Misalucha, is something also to look forward to.
“Because when we weave the story of the concert, ahhmm we make sure that it has a narrative.
“Kasi ako rin, as a director, that’s my trademark sa mga concert na ginagawa ko. It always has to have a narrative.
“Kasi hindi puwedeng banat lang nang banat, birit nang birit, kanta nang kanta yung artist. I’m always collaborative with my artist.
“And for this one talaga, since it’s the 50th anniversary concert of Nonoy, hindi ako nag-intervene doon sa vision niya.”
Ang halaga ng tiket sa Beyond Gold: Songs Of A Lifetime ay P7,500 (platinum), P6,800 (SVIP), P5,500 (VIP), P4,500 (gold), P3,000 (silver), at P1,800 (bronze).
Read: WillCa, DustBia spark fan hysteria at PBB The Big Collove concert