JERRY OLEA
Pumukaw sa mga manang badiday at inday badidang ang underwear photos ni Royce Cabrera para sa Bench Body.
Nakakauhaw!
Hindi siya nagpakabog kina Bruce Roeland, Teejay Marquez, Jameson Blake, Elyson de Dios, Kirk Bondad, Shaun Pelayo, at Josh Barfuss.
Kaya nang makita ng PEP Troika si Royce sa premiere ng dulang Walong Libong Piso noong Agosto 1, 2025, Biyernes, sa Teatrino ng Promenade, Greenhills, San Juan, ay inurirat ko siya tungkol dito.
Napangiting bulalas ni Royce: “Salamat naman! Unang-una siyempre nagpapasalamat ako sa Bench sa tiwalang ibinigay nila sa akin, and sa mga good feedback na nakukuha ko.
“And aside from, you know, yung nagpapakita ng sexy na ano, napo-promote namin doon siyempre ang product mismo ng Bench, and at the same time, yung health and fitness na talagang pinaghandaan naming lahat.”
Read: Wild Boys producers share "tragic experience" working with Aljur and Vin Abrenica
ROYCE CABRERA RETURNS TO THEATER
Bago ang big break ni Royce sa Cinemalaya 2019 film na Fuccbois, nag-teatro na siya noon kay Direk Alejandro “Bong” Ramos. Sa pagkakatanda niya ay noong 2014 pa iyon.
Dagdag ni Royce: “May gagawin ako soon, this year, sa teatro. Nag-meeting na. Inaayos ang schedule para sa rehearsal.”
Afterwards ng tsikahan namin ni Royce, nag-aya sa akin si Direk Joel Lamangan na kumain sa Starbucks na katapat ng Teatrino.
Naibalita sa akin ni Direk Joel na magdidirek siya ng isang stage play na inspired ng pelikulang Scorpio Nights (1985) na pinagbidahan nina Anna Marie Gutierrez, Daniel Fernando, at Orestes Ojeda.
Nai-suggest ko kay Direk si Royce, na nag-frontal nudity noon sa Fuccbois.
Duda si Direk Joel sa sinabi kong nag-frontal si Royce sa nasabing movie.
Buti na lang at nag-Starbucks din that time si Royce. Tinawag ko si Royce at inusisa kung nag-frontal ba siya sa Fuccbois.
Umoo si Royce, at nagpaliwanag.
Ayun, tinanong ni Direk Joel si Royce kung interested ba itong lumabas sa stage play na ididirek niya.
Umoo muli si Royce, at sinabi ngang may gagawin na siyang stage play this year.
Read: Royce Cabrera no regrets doing daring roles; still willing to accept similar roles
At ngayong Agosto 14, Huwebes, ipinost ng Sparkle GMA Artist Center:
“Royce Cabrera steps into the spotlight as Diego in the original twin bill Dedma, premiering this October at the Mirror Studio Theater in Poblacion, Makati.
“Don’t miss it — tickets will be available on Ticket2Me from August 18 to 24!”
Twinbill ang Dedma.
Dalawang dula na sinulat ni Chesie Galvez-Casiño — The Foxtrot at Let’s Do Lunch.
Tampok si Royce sa one-act play na The Foxtrot bilang dance instructor na si Diego, katambal si Jackie Lou Blanco bilang wealthy matron na si Anna.
Interesting ang pagtatambal nina Royce at Jackie Lou.
Gumanap si Royce bilang kalaguyo ng yumaong aktor na si Ricky Davao sa Fuccbois.
Sa pagbabalik-teatro ni Royce, kaharutan naman niya ang biyuda ni Ricky.
Swak na swak sa kantang "Uhaw ni Dilaw":
“Bakit uhaw sa 'yong sayaw?/ Bakit ikaw?/ Di bibitaw, sa 'yong sa 'yo/ Laging ikaw
“Ako'y giniginaw, halika rito/ Dito ka lang sa tabi ko/ Mananatiling uhaw, uhaw, uhaw…”
NOEL FERRER
Unang itinanghal ang one-act play na The Foxtrot sa Virgin Lab Fest 19: Pintog noong Hunyo 12-30, 2024 sa CCP Tanghalang Ignacio Gimenez, Pasay City.
Kasama ito sa tatlong dula sa Set C: PuTim.
Gumanap dito bilang Diego at Anna sina JC Santos at Liesl Batucan-del Rosario, respectively. Ang nagdirek ay si Paul Morales.
Ipinalabas muli ang The Foxtrot noong Marso 29 hanggang Abril 13, 2025 sa Mirror Studio Theatre 2, Kalayaan Avenue, Makati City, bilang ka-twinbill ng Let’s Do Lunch sa Dedma.
Read: Kim Chiu and sister Lakam unfollow each other on Instagram
Ni-reprise ni JC ang role na Diego, with Jackie Lou Blanco as the new Anna.
Matatandaang pumanaw noong Abril 12 ang ina ni Jackie Lou na si Pilita Corrales. Tuloy ang pagpe-perform ni Jackie Lou noong gabing iyon, to honor her mother.
The show must go on, ika nga.
Sa muling pagtatanghal ng Dedma twinbill sa Oktubre doon pa rin sa Mirror Studio Theatre 2, ire-reprise ni Jackie Lou ang role na Anna, with Royce Cabrera as the new Diego.
Si JC Santos naman ay tampok sa dulang 3 UPUAN, na ipapalabas sa Agosto 23-24, 30-31, 2025 (2:00 P.M. & 7:00 P.M.) sa Archivo 1984, Chino Roces Avenue, Makati City.
GORGY RULA
Speaking of the psychological play Walong Libong Piso, nasa huling weekend na ito sa Teatrino sa Greenhills, San Juan City.
Bukas, Agosto 15, Biyernes, tampok si Drei Arias sa 5:30 P.M. matinee, at si Juan Paulo Calma sa 8:30 P.M. show.
At sa Sabado, Agosto 16, magpapasiklab muli si Jhon Mark Marcia sa 5:30 P.M. matinee, at si Drei sa 8:30 P.M. show.
Sa mga pagtatanghal so far, pinakamapangahas si Jhon Mark, at sumunod si Juan Paulo.
Sabi ni Jhon Mark via Messenger today: “Sana mawala na ang sipon ko sa Sabado. Last show ko na po iyon kaya dapat mas matindi.”
Ipinost nga ni Jhon Mark sa Facebook noong Agosto 13, Miyerkules ng madaling-araw, ang kanyang pagsusuob habang naka-underwear.
For sure, tilam-tilam doon si “Rommel Gonzaga” aka Dennis Fernando!
Read: Walong Libong Piso actors, kanya-kanyang frontal nudity pasabog
AUDITION FOR "RICKY LEE" PLAY
Nito ring Miyerkules ay nag-post si Domingo Almoete kaugnay sa audition para sa three-act sexy comedy play na Ang Baklang Nangarap Maging Ricky Lee.
Ang audition ay sa Agosto 17, Linggo ng 5:30 P.M. to 9:30 P.M. sa AQ Prime Studio A, Victoria Sports Tower Station II, EDSA, Brgy. South Triangle, Quezon City.
Anim na roles ang pag-a-audition-an.
May note sa panawagan — “Applicants must be willing to do daring scenes on stage.”
Kung Diego ang male character sa The Foxtrot, sa Ang Baklang Nangarap Maging Ricky Lee ay Diego naman ang pangalan ng character na macho dancer, pa-book, straight, mid-20s, daring AF.
Meron bang male frontal nudity sa dulang Ang Baklang Nangarap Maging Ricky Lee?
“Yes,” sey ni Domingo.
Siyangapala, on its second week na sa mga sinehan ang pelikulang Meg & Ryan nina JC Santos at Rhian Ramos.
Ibinalita ng PM Productions today sa Facebook na showing na rin ang Meg & Ryan sa Australia at New Zealand.
Read: Alleged father of Bea Borres’ unborn baby breaks silence