JERRY OLEA
Lima ang kategorya sa 7th edition ng Sinag Maynila indie filmfest na gaganapin sa Setyembre 24-30, 2025.
PHP250 ang ticket price sa mga sinehan.
At press time, ang mga pagpapalabasan ng Sinag Maynila 2025 entries ay Gateway, Robinsons Manila, Robinsons Antipolo, SM Mall of Asia, at SM Fairview.
Ayon sa organizers, mahigit 300 pelikula ang pinagpilian ng screening committee.
Lima ang napili sa kategoryang Full Length Feature.
Apat ang finalists sa Documentary-Open Call, samantalang sampu ang contenders sa Documentary-Students.
Labing-anim ang kalahok sa Short Films-Open Call, samantalang dalawampu’t lima ang kasali sa Short Films-Students.
Bale animnapung pelikula lahat ang participants this year sa independent film festival na itinatag nina Direk Brillante Mendoza at Sir Wilson Tieng noong 2015.
Read: Mayor Ina Alegre desididong sampahan ng reklamo si Michole Sorela ng GenSan Warriors
FULL-LENGTH FEATURES
Ang limang pelikulang kalahok sa Sinag Maynila 2025 ay ang mga sumusunod:
Altar Boy — directed by Serville Poblete, starring Mark Bacolcol, Shai Barcia, and Pablo S.J. Quiogue.
Synopsis: A passive-natured teenager struggles to navigate the school year while trying to break free from the persona built around his religious upbringing.
Candé — directed by Kevin Pison Piamonte, starring JC Santos and Sunshine Teodoro.
Synopsis: A successful Filipino chef in New York returns to his hometown for his childhood best friend’s funeral, where he must confront a tragic past and the possibility of long-overdue forgiveness amid the backdrop of a vibrant hometown fiesta.
Jeongbu — directed by Topel Lee, starring Aljur Abrenica, Ritz Azul, and Empress Schuck.
Synopsis: Jeongbu is the story of an evil element who wants to change the personality of Ethan's wife and make her love him more than her own. 'Jeongbu' is a Korean word that also means 'mistress.'
Madawag Ang Landas Patungong Pag-Asa (The Teacher) — directed by Joel Lamangan, starring Rita Daniela, Jak Roberto, and Albie Casiño.
Synopsis: Three years after a shooting incident and the pandemic shut down the elementary school in a remote village, a new teacher arrives and struggles to persuade the children to go back to class, and to work with a community used to the "old ways.”
Selda Tres (Cell Number 3) — directed by GB Sampedro, starring Carla Abellana, JM de Guzman, and Cesar Montano.
Synopsis: After a brief and wrongful incarceration, a law office messenger helps defend his former cellmates in court as a paralegal.
Read: GMA bosses praise Michael V.'s loyalty and creative brilliance
NOEL FERRER
Ginanap ang media launch ng Sinag Maynila 2025 nitong Agosto 20, Miyerkules, sa Cinema 12 ng Gateway Mall 2, Cubao, Quezon City.
Present noong maaga pa sina Aljur Abrenica at Direk Brillante Mendoza.
Hindi nila nahintay ang media launch mismo dahil sa prior commitment. May shoot si Aljur para sa teleseryeng FPJ’s Batang Quiapo.
Sa directors ng full-length films ay absent ang direktor ng Altar Boy na si Serville Poblete dahil nasa ibang bansa ito.
Present sina Joel Lamangan, Topel Lee, GB Sampedro, at Kevin Pison Piamonte.
Second time na ito ni Direk Joel sa Sinag Maynila. Ang entry niya before ay Bhoy Intsik (2017) na pinagbidahan nina RS Francisco at Ronwaldo Martin.
Pinapa-therapy raw ni Rita Daniela ang anak nito kaya hindi ito nakarating sa media launch.
Maliban kita Rita Daniela, Jak Roberto, at Albie Casiño, nasa cast ng Madawag Ang Landas Patungong Pag-Asa sina Lou Veloso, Jim Pebanco, Sue Prado, Paolo Angeles, Felixia Dizon, Ynigo Delen, CX Navarro, Lester Llansang, at Ms. Dorothy Gilmore.
Read: FDCP Chair Joey Reyes, nasorpresa sa lakas sa takilya ng Sunshine at Lasting Moments
JOEL LAMANGAN ON MADAWAG CAST
Pahayag ni Direk Joel: “Paano ko nakumbinsi ang mga artista kong sumali sa aking pelikula? E, takot silang tumanggi.
“Kasi maraming oportunidad sa kanila ang maio-offer ng isang napakagandang istorya para makasama sila sa isang pelikula.
“Ang artista ko, si Rita Daniela, si Albie Casiño, si Jak Roberto, si Dorothy Gilmore, si Jim Pebanco. Mostly artista ko na sila before.
“Kaya nang gumawa ako ng ibang buhay ng pelikula, na nagsasabi ng problema ng isang teacher at ng isang town… in-explain ko sa kanila kung ano ba ang istorya at kung ano ang role nila, hindi naman ako nahirapan.
“Hindi naman ako nahirapan. Nagkaroon lang ng konting hirap sa pagtawad sa kanilang talent fee.
“Pero nagawa naman, natawaran. Hindi namin maibigay ang kanilang mainstream talent fee. So may konting pakiusap.
“Yung pakiusap na yun, kasama na yung dapat kilitiin mo ang interes nila sa ganda ng role nila, sa akting na gagawin nila. Doon sila nakikiliti. At nakuha namin sila.”
Kumusta ang performance ni Rita?
“Mahusay si Rita Daniela dito. Ay! Sabihin niyo, nagyayabang ako! Panoorin ninyo!” bulalas ng 70-anyos na premyadong direktor.
“Mahusay si Rita Daniela dito. Mahusay si Jak Roberto, at si Albie Casiño. At ito, mahusay na kontrabida si Dorothy Gilmore, at si Jim Pebanco.
“Mahuhusay ang mga artista ko dito sa pelikulang ito. Hindi ko sasabihin kung hindi mahusay. Panoorin ninyo. Maraming salamat po!”
Read: Maine Mendoza spills how Alden Richards reacted to her confession
GORGY RULA
SELDA TRES CAST
Aside from Carla Abellana, JM de Guzman, and Cesar Montano, nasa cast ng Selda Tres sina Arron Villaflor, Kier Legaspi, Victor Neri, Isay Alvarez, Jeffrey Tam, Johnny Revilla, Perla Bautista, Mickey Ferriols, Jong Cuenco, Jim Pebanco, Rubi Rubi, Donna Cariaga, Lotlot Bustamante, Rolando Inocencio, Don Umali, at Claire Ruiz.
Sabi ni Direk GB Sampedro: “Karamihan ng mga artista kong kasama dito sa Selda Tres, mga nakasama ko na rin sa iba’t ibang proyekto. Nakasama ko na before.
“Kumbaga, hindi na naging mahirap yung pag-convince sa kanila, as long as siguro mai-pitch mo nang maayos yung pelikula.
“Na makita nila na may katuturan yung gagawin nila sa pelikula, I don’t think naman na kahit mainstream o kahit hindi mainstream na actor, yun din ang hinahanap nila para gampanan ang isang papel sa isang pelikula.
“Yung may katuturan, at kumbaga parang nakikita nila ang sarili nila, ‘O, gusto kong gawin ito.’
“As long as mai-present mo sa kanila nang maayos yun, I think naman walang naging problema.”
JEONGBU CONCEPTUALIZED DURING LOCKDOWN
Sina Aljur Abrenica, Ritz Azul, at Empress Schuck ang mga bida sa horror movie na Jeongbu.
Pahayag ni Direk Topel Lee: “Inumpisahan namin itong i-conceptualize before the pandemic. So yung producer namin, gusto niyang gawin.
“Nagkataon naman, nagkaroon ng pandemic. So sa gitna noon, actually lockdown yun, so lahat kami, gusto talaga naming lumabas.
“Kaya hindi kami nahirapang kumbinsihin ang actors because they wanted to go to Baguio during the height of the pandemic.
“At the same time, yun ngang mga TF nila, binabali nila kasi they really wanted to go out.
“So, inumpisahan namin ito nang pandemic, ngayon lang namin natapos.”
Read: Liza Soberano answers bashers shaming her for speaking up about past trauma
JC SANTOS LEARNS ILONGGO FOR CANDE
Ilonggo film ang Cande ni Direk Kevin Pison Piamonte. Ang dialogues ay Hiligaynon.
Pagsisiwalat ni Direk Kevin: “Ang sabi ko, kung sino man yung magpe-perform, dapat ma-deliver niya yung language. I will not alter it, yung ganun.
“So we were looking for actors. And then, we gave a copy of the script to JC Santos. Of course may subtitle na yon para maintindihan niya.
“And then binalikan niya kami, and he said, hindi niya matatanggihan daw kasi ang ganda-ganda ng kuwento ng Cande.
“And I asked him, ‘Can you deliver the language?’ He said, aralin niya. So yun, he had a dialogue coach, a very good dialogue coach.
“And if you watch the film, sakto talaga yung punto. In fact, when he went to Iloilo for the special screening of Cande, a lot of Ilonggos thought that he’s from Iloilo.
“Nagulat sila na he’s from Pampanga, he’s not from there. So ganun, dapat ganun, it’s a service to the script, di ba?”
Siyangapala, ang Cande ay short for Nuestra Señora de Candelaria.
Gaano ka-commercially viable ang full-length films ng Sinag Maynila 2025? Mae-entertain ba ang moviegoers?
Bakit dapat panoorin ng mga tao ang mga pelikula sa indie filmfest na ito?
“Bakit kailangang panoorin ang pelikula namin? Kasi, Sinag Maynila festival!” pagmamatuwid ni Direk Joel Lamangan.
“Dapat panoorin ninyo! Iba’t ibang klaseng pelikula yan. Madadagdagan ang inyong karanasan at inyong kaalaman pag pinanood ninyo yan.
“Pag hindi ninyo pinanood yan, hindi kayo maganda!”
Read: Nadia Montenegro resigns from Senator Robin Padilla’s office; denies marijuana use