GORGY RULA
Magkasunod na tinawag na winners ang Best Comedy Actor na si Paolo Contis at ang Best Comedy Actress na si Chariz Solomon sa katatapos lang na 37th Star Awards for Television na ginanap sa Convention Center ng VS Hotel sa EDSA, Quezon City noong Linggo, August 24, 2025.
Nanalo sina Paolo at Chariz para sa Kapuso gag show na Bubble Gang.
Halos iisa ang gustong iparating ng dalawang winners — mahirap ang magpatawa sa panahon ngayon.
Nagpasalamat si Paolo sa Philippine Movie Press Club (PMPC) sa pagbibigay-halaga sa comedy.
Bahagi ng kanyang acceptance speech: “Thank you to PMPC sa pagbibigay ng importansya sa comedy. Sa hirap ng pagpapatawa ngayon. Gusto lang namin magpasaya ng tao. That’s all that we want. So chill!”
Ibinahagi ni Paolo ang naturang parangal sa namayapa niyang talent manager na si Lolit Solis.
Read: 37th Star Awards for Television announces partial list of winners
NOT AN EASY TIME for COMEDIANS
Umayon ang hosts ng awards night na sina Boy Abunda at Pops Fernandez sa sinabi ni Paolo.
Sabi ni Kuya Boy: “Alam niyo po, hindi madali maging komedyante sa mga araw na ito.
“You know, I remember when Joan Rivers was still alive, she used to complain dahil nahirapan na raw sila magkomedya dahil ang daming iniiwasan.
“You make a joke about this sector, you’re politically incorrect. Hindi ka puwedeng magbiro tungkol dito, you’re against animal rights. Hindi ka puwedeng magbiro dito because you’re anti-something.
“So, for Paolo and the rest of the comedians today, mabuhay kayo because it’s not an easy time for comedy.”
“We need to laugh,” sabi naman ni Pops Fernandez.
Sinundan ito ni Chariz Solomon nang tinanggap na niya ang tropeyo ng Best Comedy Actress.
Ani Chariz, “Kami po, hindi na namin tinitingnan kung ano yung makukuha namin. We just work because we love our job. We work for our families. It makes us happy to make people happy, and that’s we need right now in the world.”
Sina Paolo at Chariz ay parehong nasa Bubble Gang na magse-celebrate ng kanilang 30th anniversary.
Read: 73rd FAMAS: Marian, Vice, Arjo, Nadine, Jeric win top acting honors
NOEL FERRER
Doon pa rin sa 37th Star Awards for Television, halos kalagitnaan na ng awarding nang dumating ang iba pang stars na magwawagi.
Kagaya ni Alden Richards na nanalong Best Single Performance by an Actor para sa "Sa Puso At Isipan" episode ng Magpakailanman.
Nagwagi naman ng Best Single Performance by an Actress si Rochelle Pangilinan para sa pagganap niya sa "The Abused Teacher" episode ng Magpakailanman.
Halos magkasunod silang dumating ni Rhian Ramos kasama ang nobyong si Sam Verzosa.
Si Rhian ang nanalong Best Drama Actress para sa kanyang performance sa Royal Blood.
Si Joshua Garcia, na isa sa huling dumating, ang nagwaging Best Drama Actor para sa Unbreak My Heart.
Ang Maria Clara at Ibarra naman ang nagwaging Best Primetime TV Series.
Ang Walang Matigas Na Pulis Sa Matinik Na Misis ang Best Mini-Series.
Read: Emma Mary Tiglao crowned Miss Grand Philippines 2025
WINNERS IN VARIeTY SHOW CATEGORIES
Hindi yata nasabihan si Paolo Ballesteros ng Eat Bulaga! kaya hindi niya personal na natanggap ang Best Male TV Host.
Naka-tie niya rito si Robi Domingo ng ASAP Natin ‘To.
Best Female TV Host si Kim Chiu para sa It’s Showtime, na nagwaging Best Variety Show.
Isa rin sa hosts ng gabing yun si Robi, kasama sina Gela Atayde, na nagwaging Best New Female TV Personality mula sa Senior High; at Elijah Canlas, na nanalo namang Best Drama Supporting Actor para sa Senior High din.
Si John Clifford naman ng Pepito Manaloto ang Best New Male TV Personality.
Nahakot ni Boy Abunda ang awards na Best Celebrity Talk Show Host para sa Fast Talk With Boy Abunda, na siya ring nanalong Best Celebrity Talk Show.
Napanalunan din niya ang Public Affairs Program Host, kasama sina Senators Pia at Alan Peter Cayetano ng Cayetano in Action With Boy Abunda, na siya ring nanalong Best Public Affairs Program.
Ang GMA-7 ang nagwaging Best TV Station.
JERRY OLEA
Bahagi ng Facebook post ni Paolo Contis matapos manalo sa 37th Star Awards for TV si Chariz Solomon, “Mas masaya at makabuluhan ang aking pagka panalo dahil kasabay ko ang pinaka matalik kong kaibigan! Im so proud of you RG Pagotan.”
Ang "RG" na tinutukoy ni Paolo ay si Chariz.
Bago pa ang awards ceremony ay nai-announce na ng PMPC ang pagwawagi nina Chariz at Paolo, ganoon din ni Korina Sanchez bilang Best Magazine Show Host para sa Rated Korina ng TV5, GTV, at A2Z.
Nag-Hong Kong si Korina kaya wala siya sa awards night.
Nagkita sa Star Awards for TV sina Jojo Mendrez at Wilbert Tolentino.
May picture sila together na pinost ni Jojo sa Facebook with the caption, “NICE TO MEET YOU Wilbert Tolentino! Tara COLLAB na tayo.”
Congrats sa lahat ng winners!
Read: Kylie Padilla, maingat sa pagsagot tungkol sa mga anak nina Aljur at AJ