Dalawang characters sa Wednesday, nagsalita ng Tagalog

JERRY OLEA

SPOILER ALERT!!!

Ang thread na ito ay may spoilers sa Season 2, Part 2 ng American supernatural mystery series na Wednesday.

Nag-Tagalog sina Bruno at Wednesday/Enid sa Episode 6 (“Woe Thyself”) ng Season 2 ng seryeng Wednesday kung saan title role si Jenna Ortega.

Si Bruno na ginampanan ni Noah B. Taylor ay bagong dagdag sa lipon ng Nevermore students.

Siya ang bagong love interest ni Enid Sinclair na ginampanan ni Emma Myers.

Ang karakter ni Bruno ay may roots sa Pilipinas.

Read: Ely Buendia, serious actor sa Cinemalaya movie na Padamlagan

Sa S2E6 ng Wednesday, may nag-text kay Bruno, “Puwede ka bang tawagan? Libre ka ba ngayon?”

Later on ay may kausap si Bruno sa cellphone.

Dialogue niya, “Miss na kita. Miss ko na yung pagpasyal natin sa beach. Miss ko na lalo yang tamis ng mga labi mo. Ibaba ko na ito, mahal ko.”

Narinig iyon ni Wednesday Addams na naka-body switch ni Enid.

Ang palusot ni Bruno ay kausap niya ang kanyang ina na si Pilipinas.

Kaso, nakakaintindi si Wednesday ng Tagalog. Noong eight years old pa lang siya, na-pick up niya yun sa Filipino fencing instructor niya na nagngangalang Datu.

Buking si Bruno!

Talak pa ni Wednesday/Enid, “Huwag mo na akong kausapin, manlolokong taksil!”

Sa Episode 7 (“Woe Me The Money”) ay nagtungo sa Nevermore Academy si Sofia from Manila, ang kausap ni Bruno sa cellphone.

Ang last four episodes (Episodes 5 to 8) ng Season 2 ng Wednesday ay nag-streaming sa Netflix Philippines umpisa September 3, Wednesday, 3:00 P.M.

Read: Balitang hiwalay na sina Derek Ramsay at Ellen Adarna, fake news?

TOP 10 TV SHOWS ON NETFLIX

As expected, ngayong Setyembre 4, Huwebes, ay topnotcher na ito sa listahan ng Top 10 TV Shows ng Netflix PH.

Ang Top 10 TV Shows in the Philippines Today sa Netflix:

1. Wednesday
2. Bon Appetit, Your Majesty
3. Beyond the Bar
4. Legend of the Female General
5. It’s Okay To Not Be Okay
6. Sakamoto Days
7. Gachiakuta
8. My Life with the Walter Boys
9. Two Graves
10. Kaiju No. 8

GORGY RULA

Ang bansang Pilipinas ang isa sa pinakamalakas na viewers ng Netflix kaya nagpapasiklab sila sa ating bansa.

Nakakatuwang may ganoong pagkilala sa bansang Pilipinas, kahit nakakahiya na ang nangyayari sa ilang mga opisyal sa gobyerno. Hindi mo talaga maipagmamalaki.

Di ba, ilang beses na ring na-tackle ang napakaraming sapatos ni Madame Imelda Marcos sa ilang serye at pelikula?

Baka ang susunod niyan ay ang mga nakulimbat sa flood control dito sa atin ang pagdiskitahan nila.

Hindi lang sa Wednesday nagagamit ang pagsasalita ng Tagalog. Ginawa na rin noon sa Lucifer.

IT'S OKAY TO NOT BE OKAY

Balik-No. 1 trending ang Wednesday, at akyat-baba ang It’s Okay Not To Be Okay. Pero at least, hindi nalalaglag sa top ten.

Sa latest episode pa naman ng It’s Okay… ay biglang pinaalis na si Bianca de Vera bilang si Bella.

Isa si Bianca sa mga pasyente sa hospital na pinagtrabahuhan ni Patrick (Joshua Garcia) na nakainlaban ang isa sa pasyente na si Kai na ginagampanan naman ni Louise Abuel.

Nawindang si Kai nang nakita niyang umalis na si Bella dahil dadalhin na raw ng ama nito sa Amerika.

Malamang, iyon yung panahong kailangan nang ipasok si Bianca sa Bahay Ni Kuya sa Pinoy Big Brother Celebrity Collab Edition.

Kaya tinapos na ang karakter niya sa Pinoy adaptation ng K-drama na It’s Okay To Not Be Okay.

Read: Joey Reyes idinetalye ang proseso ng pagpili ng PH entry sa Oscars

NOEL FERRER

Streaming na sa Netflix Philippines umpisa ngayong Setyembre 4, 2025, Huwebes, ang MMFF 2024 official entry na Strange Frequencies: Taiwan Killer Hospital.

Bida sa horror movie na ito sina Enrique Gil, Alexa Miro, Jane de Leon, Rob Gomez, at MJ Lastimosa.

Nasa Netflix PH na rin ang Thai horror film na Tomb Watcher, na noong Agosto 27, Miyerkules, nag-showing sa local cinemas.

Tingnan natin kung pupuwesto bukas ang Strange Frequencies: Taiwan Killer Hospital at Tomb Watcher sa Top 10 Movies ng Netflix PH.

Tatlong Pinoy movies ang kasado nang mag-streaming this month — Kontrabida Academy sa Setyembre 11, In Between sa Setyembre 18, at Voltes V: Legacy sa Setyembre 19.

Read: Promising young actor, younger sister ng isang aktor nagkabalikan

TOP 10 MOVIES ON NETFLIX

Ang Top 10 TV Movies in the Philippines Today sa Netflix:

1. Love Untangled
2. The Equalizer 2
3. The Equalizer
4. KPop Demon Hunters
5. The Thursday Murder Club
6. The Pope’s Exorcist
7. Unknown Number: The High School Catfish
8. The Last Goodbye
9. KPop Demon Hunters Sing-Along
10. Seklusyon