GORGY RULA
Nailusot namin ang mga tanong tungkol kay Edu Manzano nang nakatsikahan ng PEP Troika si Cherry Pie Picache sa mediacon ng pelikula niyang The Last BeerGin na ginanap sa Hydro Super Club Wave Restaurant, Quezon City, ngayong Huwebes, September 18, 2025.
Tinanong namin kung nagla-like ba siya sa mga pinu-post ni Edu nowadays sa social media.
“Depende sa pinu-post niya,” sagot ni Cherry Pie.
Read: Edu Manzano reacts to rumor he and Cherry Pie Picache broke up
Alam na niya ang pinupunto namin kaya siya na mismo ang nagkuwentong nagkita sila ng dating kasintahan kamakailan.
“We saw each other there. We went out. And it felt good after, what, two and a half years na halos hindi kami nagkita,” pagbabahagi ni Cherry Pie.
Nangyari raw ito sa event ng Film Development Council of the Philippines (FDCP), Film Academy of the Philippines (FAP), at ng MOWELFUND — tinaguriang Araw ng Pagkakaisa ng Pelikulang Pilipino — na ginanap sa Valencia Events Place, sa may Quezon City, noong Agosto 9.
CHERRY PIE AND EDU STILL IN CONTACT WITH EACH OTHER
Kuwento pa ni Cherry Pie: “We still message.
"Birthday niya nung September 14, so I greeted him. Hanggang dun lang.
“Hindi lang siguro nagkaroon ng chance na nagkakataon na… I mean, nagkaroon ng chance na magkita. Pero okay kami.”
Pati raw ang love life ng aktres ay kinumusta pa ni Edu.
“Nagkumustahan kami,” napangiting pakli ni Cherry Pie.
“Okay naman kami, e. Hindi naman kami nag-away or anything.
“Maayos naman. Kasi hindi naman kami nag-away.
"You know, he’s a good man. Maayos kami… walang away.”
Mga hanash sa love life at buhay ang tinatalakay ng mga karakter sa pelikulang The Last BeerGin.
Bida rito sina Cherry Pie, JC Santos, Pepe Herrera, Xyriel Manabat, at Zaijian Jaranilla.
Isinulat ito ni Mel Mendoza-del Rosario at dinirek ni Nuel Naval.
Mapapanood na ito sa mga sinehan sa October 1.
Read: Journey frontman Arnel Pineda faces arrest over VAWC case
NOEL FERRER
Nagulat si Cherry Pie Picache nang usisain kung alam ba niyang nali-link si Edu kay Joy Ortega.
“Meron ba siya? Hindi ko alam,” bulalas ng multi-awarded actress.
“I’m just happy to see him. I’m just happy that he’s well. And I’m happy that everything’s fine with him, yung ganun.
“And I think he’s also happy na everything is going out well, going on well sa life ko. We’re happy for each other,” sambit ni Cherry Pie.
CHERRY PIE: NOT DATING
Wala raw karelasyon si Cherry Pie ngayon, pero open daw siya sa posibilidad na magkaroon ulit ng love life.
Pero hindi naman daw siya nakikipag-date.
“I’m not actually dating. Hindi ako mahilig makipag-date, yung ganun, but I’m not closing my doors,” sey ni Cherry Pie.
Napag-uusapan daw nila ito ng kanyang anak na si Anton, at gusto raw nitong magka-boyfriend siya uli.
“Kasi siyempre, he [Anton] has a girlfriend, he’s growing up. Siyempre nagkakaroon ng sarili niyang buhay.
“Siyempre, gusto niya siguro na sana may makasama ka, companionship yung ganun. Yung may maging katuwang ka, di ba?
“And I think, ako din, gusto ko. So, para hindi ako masyado nakaasa sa kanya, yung ganun,” sabi pa niya.
Hindi raw type ni Cherry Pie ang mas bata sa kanya. Mas gusto raw niyang kaedad niya o mas matanda sa kanya.
Read: Cherry Pie Picache open to finding love again
JERRY OLEA
Early bird ako sa Araw ng Pagkakaisa ng Pelikulang Pilipino noong Agosto 9 sa Valencia Events Place, Quezon City.
Nakita ko nang dumating doon si Cherry Pie Picache. More or less, after 10 minutes ay dumating naman si Edu Manzano.
At the time ay bini-video ko habang iniinterbyu sina Roderick Paulate at Direk Joel Lamangan, kaya hindi ko nakunan yung pagbeso ni Edu kay Cherry Pie.
The same table naman ang inupuan ni Edu, at tinanong ito ni Cherry Pie kung gusto nito ng churros.
Sinamahan ni Edu si Cherry Pie sa pagkuha ng churros.
Sisimulan na noon ang Misa officiated by the Running Priest, Fr. Robert Reyes. Magkatabi sina Edu at Cherry Pie during the Mass.
Afterwards, nalitratuhan namin silang dalawa. Napapangiti noon sa amin si Cherry Pie.
Read: Victor Consunji highlights "20 years" of knowing Rachel Carrasco
