GORGY RULA
Wala pang inilalabas na figures ang Viva Films kung magkano ang kinita ng pelikulang Minamahal: 100 Bulaklak Para Kay Luna nina Ashtine Olviga at Andres Muhlach na nagbukas sa mga sinehan noong Miyerkules, September 24, 2025.
Wala raw kasing checker ang Viva kaya hindi pa namin nakuha ang eksaktong figures ng kinita nito sa first day of showing.
So far, ang nakuha lang namin, as of 3:00 P.M. noong Miyerkules, mahigit PHP2 million na ang kinita nito sa 200 sinehan.
Puwedeng malaki pa ang itinaas nito pagdating ng gabi, dahil marami talagang fans ang AshDres.
block screenings
Malaking bagay rin ang mga block screening na ini-sponsor ng fans nila.
Pinag-usapan sa premiere night ng Minamahal noong Lunes, September 22, halos sold-out daw ang tickets na ibinebenta kapag nagmu-mall show ang mga bida ng pelikula sa promo nito.
Malaki raw talaga ang naitulong ng block screenings.
Kaya kung tuluy-tuloy raw na maganda ang performance nito sa mga sinehan, ang tantiya ng aming reliable source ay baka aabot ito ng PHP40M hanggang PHP50M sa dalawang linggong showing nito.
Kasabay ng Minamahal ng AshDres ang The Ride nina Piolo Pascual at Kyle Echarri, pero hindi matao ang mga sinehan nito.
Ganundin daw ang kaso-showing lang na pelikula ng Viva Films na 100 Awit Para Kay Stella.
So far, naka-PHP50M daw ito sa loob ng dalawang linggong showing sa mga sinehan. Okay na rin yun kahit hindi ganun kalakasan ang iba pang nakasabay na local film.
Read: Albie Casino, may tirada kay Ellis Co at sa pamilya nito
NOEL FERRER
Promise, siguradong hahabulin kong panoorin itong pelikula nina Andres and Ashtine sa direksiyon ni Jason Paul Laxamana.
Balita namin mula sa nakapanood na, napakalakas ng chemistry nina Andres at Ashtine.
Sana, lahat ng kabataang iniidolo sila ay suportahan talaga ang pelikulang ito sa mga sinehan.
Sana, kahit may bantang pagbagyo ay magtuluy-tuloy pa rin ang panonood ng mga moviegoers, lalo na ng mga kabataan, sa launching film ng bagong pares na iidolohin.
Masaya tayo kung may mga ganitong Next Generation of possible movie idols na nagpapatuloy ng magandang tradisyong nasimulan ng mga nauna ng stars sa kanila — kabilang na roon ang ama at ina ni Andres na pawang mga anak ng industriya rin!!!
JERRY OLEA
Sabay na nag-open sa mga sinehan noong Setyembre 24 ang Pinoy films na Minamahal: 100 Bulaklak Para Kay Luna at The Ride.
Exclusive sa SM cinemas yung The Ride nina Piolo Pascual at Kyle Echarri.
Anim na foreign films ang nag-open din sa mga sinehan that day — One Battle After Another, Afterburn, BTS Movie Weeks, Chainsaw Man The Movie - Reze Arc, Gabby's Dollhouse, at ang exclusive sa Ayala Malls cinemas na Cha Eun-Woo: Memories in Cinemas.
Noong araw ring iyon ay nag-showing ang mga pelikula ng 7th Sinag Maynila indie filmfest sa SM Mall of Asia, SM Fairview, Robinsons Manila, Robinsons Antipolo, Trinoma, Market! Market!, at Gateway Cineplex 18.
Read: Heart Evangelista clarifies complete separation of assets with Chiz Escudero
SINAG MAYNILA 2025
Limang full-length films ang magkakakumpitensiya sa Sinag Maynila 2025 na tatagal hanggang Setyembre 30, Martes.
Ang mga ito ay Selda Tres, Cande, Jeongbu, Altar Boy, at Madawag Ang Landas Patungong Pag-asa.
Tampok din sa duration ng Sinag Maynila 2025 ang restored versions ng Jaguar ni Phillip Salvador, at Atsay ni Nora Aunor.
Sa kabila ng mga bagyo, nawa’y tangkilikin ng moviegoers ang Pinoy films. Dinadagsa ng mga tao ang mga pelikulang gusto nila.
Dalawang banyagang pelikuka ang rumatsada sa takilya recently, hindi lang sa Pilipinas kundi worldwide.
Una, ang Demon Slayer: Kimetsu no Yaiba The Movie — Infinity Castle na nag-showing noong Agosto 20, kasabay ang Pinoy movies na Posthouse at Mudrasta: Ang Beking Ina!.
At ikalawa, yung The Conjuring: Last Rites na nag-showing noong Setyembre 3, kasabay ang Beyond the Call of Duty at Ang Aking Mga Anak.
Sa pagitan ng playdates ng Demon Slayer: Infinity Castle at The Conjuring: Last Rites, nag-showing noong Agosto 27 ang Outside de Familia at Some Nights I Feel Like Walking.
Sabay naman noong Setyembre 10 ang showing ng Magellan at 100 Awit para kay Stella.
THE CONJURING UNIVERSE
Yung The Conjuring: Last Rites ang ninth installment sa The Conjuring Universe.
Nauna rito ang The Conjuring noong 2013, na sinundan ng Annabelle, The Conjuring 2, Annabelle: Creation, The Nun, Annabelle Comes Home, The Conjuring: The Devil Made Me Do It, at The Nun II.
Pinakamalakas sa mga ito ay ang The Conjuring: Last Rites, na ayon sa Box Office Mojo ay umabot na sa $402M ang worldwide gross. Ang production budget nito ay $55M lamang.
DEMON SLAYER
Mas NKKLK yung Demon Slayer: Infinity Castle na ang production budget ay $20M lamang.
Ang worldwide gross nito ay umabot na sa $559M.
Kinabog pa nito ang pinakamalakas na Marvel movie ngayong 2025 na The Fantastic Four: First Steps.
Read: Marjorie, Claudine mourn the passing of brother Mito Barretto
TOP GROSSINGS FILMS OF 2025
Ayon sa Box Office Mojo, ang worldwide grosses ng pinakamalalakas na movies so far ngayong 2025:
- Ne Zha 2, $1.902B
- Lilo & Stitch, $1.037B
- A Minecraft Movie, $958M
- Jurassic World: Rebirth, $867M
- How To Train Your Dragon, $635M
- F1: The Movie, $624M
- Superman, $615M
- Mission: Impossible — The Final Reckoning, $599M
- Demon Slayer: Infinity Castle, $559M
- The Fantastic Four: First Steps, $521M
- Captain America: Brave New World, $415M
- The Conjuring: Last Rites, $402M
- Thunderbolts, $382M
- Sinners, $367M
- Final Destination: Bloodlines, $313M
- Weapons, $264M