JERRY OLEA:
Wagi sina JM de Guzman at Rita Daniela bilang best actor at best actress, respectively, sa 7th Sinag Maynila indie film festival.
Nagwagi si JM para sa pelikulang Selda Tres, na nakakuha rin ng Audience Choice award. Ang direktor nito ay si GB Sampedro.
Panalo si Rita para sa Madawag Ang Landas Patungong Pag-asa na natamo rin ang apat pang parangal — best film, best production design (Jay Custodio), best screenplay (Eric Ramos), at best music (Von de Guzman). Ang direktor nito ay si Joel Lamangan.
7TH SINAG MAYNILA WINNERS
Apat ang tropeo ng horror movie na Jeongbu. Kinilala ito sa mga kategoryang best director (Topel Lee), best editing (Crishel G. Desuasido, RIP), best cinematography (AB Garcia), at best sound (Nerikka Salim, Immanuel Verona).
Walang award para sa best supporting actor at best supporting actress. Hindi na rin binanggit ang mga nominado.
Ang awards night ay ginanap nitong Setyembre 28, 2025 sa Cinema 11 ng Gateway Cineplex, Cubao, Quezon City.
Bokya sa awards ang dalawa pang full length films na Cande at Altar Boy.
Ang founders ng Sinag Maynila na sina Direk Brillante Mendoza at Sir Wilson Tieng ang nag-announce ng best film. Ang tatlong hurado para sa full-length films at documentaries ay sina Direk Zig Dulay, Direk Baby Ruth Villarama, at Tito Valiente.
Read: Carla Abellana reacts to Tom Rodriguez fathering a child
GORGY RULA:
Pahayag ng best actor na si JM de Guzman sa kanyang acceptance speech, “Wow! Sorry, hindi po ako handa. Hindi ko rin in-expect.
“Ma-nominate lang po is an honor… salamat po, Sinag Maynila! Salamat po sa aking direktor, si Direk GB.”
Pinasalamatan din ni JM ang lahat ng bumubuo ng Selda Tres, partikular si Carla Abellana, Star Magic at Direk Lauren Dyogi, at Dulaang Pilipino.
Sabi naman ng best actress na si Rita Daniela, “Grabe! Ahh, thank you, Lord, of course. Iba ka, nag-iisa ka talaga.”
Pinasalamatan din ni Rita ang New Sunrise Films na nag-produce ng Madawag Ang Landas Patungong Pag-asa, pati ang GMA, at ang mentor niyang si Direk Joel Lamangan.
“Grabe, nakakakaba pala dito! It’s actually my first time in Sinag Maynila, to be part of Sinag Maynila,” dagdag ni Rita.
“And sobrang nataon naman po na I recently celebrated my 20th anniversary in show business. Grabe, sobrang reward!
"I am also dedicating this award to my son Uno; and I hope that you know, if you watch this film one day, I hope nanay makes you proud.”
Read: Ryan Bang’s fiancee announces closure of her cafe; netizens react
NOEL FERRER:
Para sa open call category ng documentaries, best documentary ang Oscar’s Recipe ni Giovanni Piolo V. Rayla.
Jury prize ang Mga Bayaning Ayta ni Donnie Sacueza. Sa student category ng documentaries, best documentary ang Sa Wakas, Kasama ni Janno Pelias.
Second best documentary ang Pendiyente ni Zyra Mae Plegaria.
Third best documentary ang Romeo and Julie nina Ysamae Yrrah Carelo at Edward John Louis Factes.
May special citation ang Daungan ng mga Naghihintay ni Kaila Arvi Ariston.
Sa open call category ng short films, best short film ang Ang Gadya Sang Suba (The Tale of the River Monster) ni Daniel de la Cruz. Jury prize ang Nagahanaw Na Mga Aninipot (Vanishing Fireflies) ni JP Corton.
May special citation for best performance kay Precious Paula Nicole ng Lip Sync Assassin.
Sa student category ng short films, best short film ang Taga-taga (Praying Mantis) ni Trinie Archie V. Garcia. Jury prize ang Walahanon (Left) ni Kristal Kaye C. Tagle.
May special citation for best performance kay Phillip Altejos para sa Boi.
Ang tatlong hurado sa short films ay sina Rica Arevalo, Dr. Kei Tan, at Juvy Ann Clarito.
Ang selection committee ay kinabilangan nina Tito Valiente, Ryanne Murcia, at Juliet Cuizon.