JERRY OLEA
Dumagsa ang fans nina Will Ashley, Michael Sager, River Joseph, at Esnyr Ranollo sa closing ceremony ng Philippine Film Industry Month (PFIM) 2025 noong Setyembre 27, Sabado, sa Robinsons Place Manila.
Ang saya-saya ng games nina Will, Michael, River, at Esnyr kasama ang fans.
Read: Shookt na aktor, na-ghosting ng nililigawang ka-loveteam
DIREK JOEY'S CONNECTION TO PBB BOYS
Buti, naisip ng Film Development Council of the Philippines (FDCP) na imbitahan ang apat na taga-PBB Celebrity Collab sa nasabing event. Kaninong idea iyon?
Napangiti si FDCP Chair Jose Javier Reyes aka Direk Joey: “Lubog ako, e! Lubog ako sa pagka… alam mo naman, di ba? You have to immerse…
“Well, noong napanood ko yan, si River Joseph, anak ng estudyante ko! Kaya nalokah ako! Yung nanay niya, na nung pumasok sa Bahay ni Kuya, estudyante ko.
“Si Michael Sager, kakilala ko ang kapatid sa Vancouver. So, gusto ko silang makilala.
“E, si bulilit naman, si Will Ashley, nakilala ko na yan sa Mano Po, e. Ngayon, nakakatuwa, kita mo ang pagkakaiba.
“Dati, ang kasama ko, si Roselle [Monteverde], may premiere sa Megamall, naglalakad lang si Will Ashley. Walang pumapansin.
“Pucha! Ngayon, pagkatapos nitong… di ba?! Nagkakagulo ang mga tao. Meron nang gustong tumalon doon sa balkonahe.
“Makikita mo yung epekto nung oportunidad para sa bata. E, magaling namang artista yan.
“Tapos, ayun si Esnyr, na napatunayan niyang mas maganda siya kay Mr. Fu.”
Hosts ng closing ceremony ng PFIM 2025 sina Mr. Fu at Amy Perez.
Hangang-hanga si Mr. Fu sa kakisigan ni River.
Read: Shookt na aktor, na-ghosting ng nililigawang ka-loveteam
Nag-perform sa programa sina Jason Dy, Lara Maigue, Alyson, at Calista.
NOEL FERRER
Andaming kaganapan sa loob at labas ng local showbiz ngayong Setyembre habang ipinagdiriwang ang Philippine Film Industry Month (PFIM).
“Kaya napaka-interesting ng September na ito!” bulalas ni Direk Joey Reyes.
“Ito talaga naman yung plinano namin na every September, hitik na hitik yung mga activities na nagpapakita ng direction ng Philippine movies at nagbibigay ng parangal sa mga importanteng tao na parang hindi nabibigyan ng wastong pansin, OK.
“At hindi lang yon, ano. Binibigyan din ng pansin ang mga kabataan, sa Sine Kabataan. Binibigyan ng parangal yung kababaihan.
“Kauuwi lang namin mula sa Busan filmfest. Nagkataon lang na September ang Busan filmfest ngayon para ibenta ang mga pelikulang Pilipino…
“Napaka-interesting din yung mga program namin to promote film education. So, sabay-sabay lahat yan na kinu-compress namin.”
Noong Setyembre 17-26 ang 30th Busan filmfest sa South Korea. Na-miss nila ang mga kilos-protesta sa bansa noong Setyembre 21.
“Nasa Busan kami, nanonood. Pero noong araw na iyon, lahat kami sa FDCP, nakasuot ng puti.”
“Pelikula at Pilipina” ang tema ng PFIM 2025.
Sa closing ceremony ay ipinakita ang highlights ng activities, kabilang ang gala night noong Setyembre 11 kung saan pinagpugayan sina Gina Alajar, Malou Santos, Olivia Lamasan, Raquel Villavicencio, at Lee Briones-Meily.
Read: Vice Ganda's "kunyari close-close tayo" comment draws speculation
GORGY RULA
Kumusta na ang construction ng Philippine Film Heritage Building sa Intramuros, Manila?
Napabuntong hininga si FDCP Chair Jose Javier Reyes: “Alam mo, ano na iyan, e. Ipinaubaya na namin iyan sa DPWH…
“Kasi, kung iintindihin ko ang bawat detalye na dumadating sa bawa’t araw sa punyetang building na iyan, masisiraan ako ng bait.
“Talagang SUBSTANDARD ang mga ginagawa na… ay naku! Hindi ko masabi.”
Kailan matatapos ang gusali?
“Sabi nila, end of October, papasok kami, e. Pero nagpapunta kami ng tao dahil sa ulan, yung mga vault… ay naku!” nanggigigil na bulalas ni Direk Joey, na ayaw ipa-quote ang pagmumura niya.
“Nalokah ako! Sabi ko, saan dinala yung pera?”
Magkano ba ang gastos para sa nasabing gusali na ang nakakuha ng kontrata ay kumpanya nina Sarah at Curlee Discaya?
“PHP150M iyong Phase 1, mula kay Senator Robin Padilla. Then, PHP105M pa,” tugon ni Direk Joey.
“So, ang total is PHP255M.”
Inayos na ba yung magiging office niya na parang "hawla ng tsonggo"?
“Ngayon, inayos na raw. Malaking hawla ng tsonggo na! Kasya na ang apat na tsonggo! Ha! Ha! Ha! Ha!” natatawang saad ni Direk Joey.
“Ganun, pero hopefully matapos by end of October. Pero inaalalayan naman ng ibang opisyal yun, e.”
Read: Gerald at Julia, magkasama sa burol ng uncle ng aktres