GORGY RULA
Pagkatapos niyang mag-resign bilang staff ni Senator Robin Padilla, dumaan daw ang dating aktres na si Nadia Montenegro sa trauma therapy.
Sabi ni Nadia nang naka-text ng PEP Troika, tatlong buwan ang therapy na ginawa sa kanya para malagpasan ang trauma na pinagdaanan niya.
Ito ay bunsod ng pag-akusa sa kanya ng isang Senate employee na gumamit siya ng marijuana sa comfort room ng Senado.
Read: Nadia Montenegro denies using marijuana in the Senate
NADIA MONTENEGRO'S COMPLAINT AFFIDAVIT
Sa isinumiteng complaint affidavit ni Nadia sa Pasay Prosecutor’s Office ngayong Miyerkules ng hapon, Oktubre 1, 2025, idinetalye niya ang mga pangyayari.
May nagsabi raw sa kanyang may naiinggit sa kanya, at nagsumbong ang staff ng isang senador na gumamit daw ng marijuana ang aktres sa loob ng comfort room sa Senado.
Nakasaad din sa affidavit na ipinakita raw ni Nadia ang bag niya, at wala raw nakitang marijuana, kundi ang vape na ginagamit niya.
Kahit may ebidensiya raw na hindi siya humithit ng marijuana, nag-isyu pa rin daw ng incident report ang staff ng isang senador. At ang malala pa ay isinapubliko pa raw ito ng staff.
Read: Nadia, masama ang loob sa paglabas sa media ng incident report
Bahagi ng affidavit ni Nadia: “Worst, he released said Incident Report to the public, making me the subject of ridicule and misjudgments not only from senators, colleagues in the Senate, friends and also people worldwide online and otherwise.”
Nadamay rin daw ang mga anak niya na nabu-bully at inakusahang "anak ng drug addict."
Sabi pa sa kanyang affidavit: “Due to emotional distress, my family advised me to just resign which means leaving my most-loved work in the public service, and do therapy to cure my trauma and depression from the aforesaid incident.”
Pagkatapos daw ng therapy ay pumasok si Nadia sa Essence Retreat na may kinalaman pa rin sa kanyang trauma therapy.
Text pa ni Nadia sa amin: “Nagpagaling muna ako ng trauma, bago ako pumasok sa retreat.
“Sinabihan ko si Atty. Maggie na ready na ako lumaban.
“Lumabas lang ako [sa retreat] nung Sunday, kaya ngayon kami nag-file.”
Read: Nadia Montenegro, naghain ng mga reklamo dahil sa marijuana allegation
NOEL FERRER
Matagal daw pinag-isipan ni Nadia Montenegro itong pagpa-file ng reklamo.
Halos isang buwan na ang nakararaan, sinubukan daw nilang makipag-set ng meeting sa Senado kaugnay sa nangyari sa kanya.
“Twice na sumulat si Atty. Maggie sa Senate, nag-ask kami ng conference with my accusers and CCTV, para kung may makita sila against me, kasuhan ako. Pero wala. Hindi kami pinapansin.
“Kaya ako nag-resign, kasi alam ko need ko lumaban.
“Di ako makakalaban if employee pa ako,” text ni Nadia sa PEP Troika.
Cyberlibel naman ang reklamong isinampa ni Nadia laban sa editor-in-chief at proprietors ng Abante Tonite; at sa reporter, editors, at proprietors ng DWAR Abante Radyo.
Pahayag naman ni Atty. Maggie: "We exhaust all other actions prior to filing of the cases like sending of letters but to no avail, kaya Nadia was compelled to file cases na."
JERRY OLEA
Facebook shoutout ni Nadia Montenegro ngayong Oktubre 1, Miyerkules ng hapon, “Only the wise will understand.”
Dalangin nating manaig ang katotohanan at katarungan sa labang ito ni Nadia.
Read: Vice Ganda encourages public to normalize calling him “Sir”