JERRY OLEA
Si Jericho Rosales ang bida sa historical film na Quezon na idinirehe ni Jerrold Tarog, at ipapalabas sa mga sinehan sa Oktubre 15, 2025, Miyerkules.
Matapos gampanan ang karakter ni Manuel L. Quezon (MLQ), ano ang natanto ni Jericho sa kanyang sarili, at sa kanyang pagmamahal sa bansang Pilipinas?
“Nag-usap kami ni Jerrold kanina. Pareho kaming palakol sa History noong nasa high school,” pahayag ni Jericho sa mediacon noong Oktubre 7, Martes, sa makasaysayang Manila Hotel.
“And I never liked History… and because of this film, parang nabuhay yung pagka-Pilipino ko.
“It’s such a blessing, you know. The timing was perfect.
“We all know that it was going to be played by TJ [Trinidad] but now he went to a different path.
“And we had to talk with him. Make sure, ‘How are you?’ He visited the set. He was so ahhmm wonderful, graceful, and everything.
“And so Jerrold asked, ‘Would you like to play the role of Quezon?’ So I jumped right away without even understanding what it meant. I just said yes.
“Then he said, ‘Gusto mo bang basahin yung script?’ ‘Ay! Oo, oo, sige!’”
Read: Bahay sa France, hindi umano pag-aari ng Atayde family
JERICHO ROSALES ON PLAYING A PHILIPPINE PRESIDENT
Bumaling si Jericho kay Direk Jerrold at itinanong kung naaalala ba iyon.
Sabi ni Jericho, nasa set siya noon ng Kapamilya teleseryeng Lavender Fields nang tawagan ni Direk Jerrold.
Pagpapatuloy ni Jericho: “Yun pala, may meaning iyon. May meaning pala yung pag-play ng Presidente ng Pilipinas, yung Presidente ng Commonwealth…
“I understand now how important History is. And I understood that the reason why I fall sleep in History class noong bata ako is because I didn’t care about the country.
“It is care that actually makes you move. It is love that makes you move. If you love your family, then you move. If you love your friends, then you move.”
Ani Jericho, natanto niya kung gaano kahalaga ang historical film na Quezon.
“For everyone to take responsibility, and actually knowing and understanding saan ba tayo galing?” pagmamatuwid ni Jericho.
“Sino ba itong mga hinahalal natin? Sino ba itong inilagay natin? Hindi pa po ako nagma-mic drop.
“But it’s very important for us to understand what we love most about our country so that we will be proud again.
“And through history, doon mo malalaman, bakit ko ba mahal iyong Pilipinas? Naiintindihan ko ngayon because of this film.”
Read: Senator Jinggoy Estrada, sinampahan ng reklamong perjury si Brice Hernandez
HOW WILL QUEZON SOLVE CORRUPTION?
Kung siya si Quezon, paano niya lulutasin ang corruption ngayon?
“Corruption is like a pimple. It’s a by-product of puyat, and oil, and everything that we eat,” tugon ni Jericho.
“Ano yung mapupulot natin dito sa pelikula na ito? Play the trailer ten times because the answer is there.
“All the words that we selected, that we cut, have a meaning there. Meron siyang meaning. Saan ba nanggagaling ito? Bakit ito nakakalusot?
“Hindi trabaho ng isang tao ang pag-solve ng corruption. Trabaho nating buong Pilipinas — bawat isang Pilipino.”
Siyanga pala, si Jericho ang lead actor sa MMFF 2008 romantic war film na Baler, na idinirek ni Mark Meilly.
Sa bayan ng Baler, Aurora, isinilang si MLQ noong Agosto 19, 1878.
Read: Sarah Discaya biglang naging camera shy; deadma kay Joseph Morong
NOEL FERRER
Sa shooting ng pelikula, pakiramdam ba ni Jericho Rosales ay ginagaya niya o inaakting si Manuel L. Quezon?
“Pag inakting mo kasi, hindi na totoo, e,” sambit ni Jericho.
“Kailangan maging totoo sa iyo. Kaya mahirap siyang gawin. Kailangan namin na gayahin siya.
“Kaya kailangan kong maintindihan, kailangan naming maintindihan nina Mon [Confiado], nina Ben [Alves], bilang kami ni Ben, Quezon. Quezon 1, Quezon 2. Pati sa staff namin, may Quezon 3 and 4.
“We all have to understand kung papaano siya mag-isip, papaano niya gamitin yung karisma niya. Papaano siya sa tao, sa relasyon, sa mga gamit, sa pananamit.
“Kailangan naming gayahin lahat at maintintihan. Kaya nagkakalkalan kami ng mga mangyayari.
“Sina Ben, lagi kaming nagpapasahan ng information. And just like I said kanina, you know, binigyan kami ng mga materyales para pag-aralan namin.
“Sapat yung mga ibinigay sa aming materyales para malaman namin iyung mga pinakamaliit na kibot niya kung anuman iyon.
“So, kaya pagkatapos nung pelikula, nakakapagod siya. Nung pagkatapos ng pelikula, ewan ko kung ako lang iyon pero karamihan sa amin, naiyak.
“Kasi bibitawan mo na siya, e. Napakalaki, napakabigat, napakaibang tao. Ibang klaseng tao, kahit sa ngayong panahon na ito.
“Sinasabi ko sa inyo, kakaibang klaseng tao. Kaya para gawin iyon, parang kulang nga iyong dalawa, tatlong buwan kung gusto talaga namin na bugbugin pa yung preparasyon namin, e.
“Pero napakasarap na nandiyan ka, ibinibigay mo yung lahat mo, tapos nandiyan silang lahat ng team namin, pati yung mga actors, nagko-contribute kami sa isa’t isa.”
Good luck talaga sa movie, Echo, at sa buong team lalo na sa direktor nitong si Jerrold Tarog!
Kailangan ito ng bayan at dagdag na pag-asa sa naghihingalong industriya kapag nag-hit itong makasaysayang pelikulang ito.
All the best sa Team QUEZON!!!
Read: Vice Ganda encourages public to normalize calling him “Sir”
GORGY RULA
May pagkakataon ba na pakiramdam ni Jericho Rosales ay sinapian siya ni Manuel Luis Quezon?
“Yung mga pananalita niya, nakuha ko. One time, may pumasok, I mean sa mga photographs, iyon ang pinaka,” sabi ni Jericho.
“Hindi naman ako sinapian. Punyeta lang ako nang punyeta pero hindi naman ako sinapian.
“But when you say ‘sinapian’ kasi, not spiritually or… but yung ugali niya, pinasok ko sa katawan ko, e.
“Inintindi ko kung paano mag-isip ang isang presidente. Paano ba, ano ba ang nangyayari sa kanya?
“And kadalasan, one time, dumating ako sa bahay. Bumisita si Janine [Gutierrez] sa bahay and sabi niya, ‘Oh my God, kamukha mo si Quezon.’
“And then, yung staff namin sa bahay, ‘Sir, sir, ano ba?!’ ‘Bakit?!’ ‘Para kang matanda!’ Gumaganun siya.
“So there were times that I would even surprise him. Inuwi ko siya. But there was no choice. We have to bring him home.
“I’m not a method actor. We have to bring him home.”
QUEZON MOVIE
Ang buod ng pelikula: “The final film in the trilogy that began with Heneral Luna and Goyo: The Boy General, Quezon is a historical drama about Manuel L. Quezon, years after the Philippine Revolution during the American occupation.
“When his fight for Philippine independence from the United States is put to the test, Quezon [Jericho Rosales] finds himself playing the brutal game of politics to outmaneuver his rivals-including Leonard Wood [lain Glen], Sergio Osmeña [Romnick Sarmenta], and Joven Hernando [Cris Villanueva].
“In his relentless quest for power, he eventually faces off with Emilio Aguinaldo [Mon Confiado] in the 1935 Philippine presidential elections, using charm and favoritism as both weapons and currency, in a campaign that ultimately changes the face of Philippine politics and history.”
Nasa cast din ng Quezon sina Benjamin Alves, Arron Villaflor, Karylle, JC Santos, Jake Macapagal, Bodjie Pascua, Angeli Bayani, Jojit Lorenzo, Therese Malvar, Ana Abad Santos, Ketchup Eusebio, at Nico Locco.
Read: DJ Mo bids goodbye to Las Vegas home with Angelicopter
