JERRY OLEA
Isa’t kalahating taon na si Karylle radio program na Good Times sa Magic 89.9, Lunes hanggang Huwebes ng 6:00-9:00 A.M.
“Parang naano ako na people know who I am,” sambit ni Karylle sa mediacon ng pelikulang Quezon noong Oktubre 7, 2025, Martes, sa Manila Hotel.
“Yung parang yung bagong gising, yung wala masyadong filter. Nagme-make up pa lang…
“Naka-zoom kami, tapos ewan ko. Siguro I’m just getting comfortable, being myself.”
Anu-ano ang tinatalakay nila sa naturang morning show na iprinodyus ni Mo Twister?
“We just talk about everything from politics to lovelife and traffic… Kids go to school, sometimes we’re very naughty. Ha! Ha! Ha!”
Read: DJ Mo bids goodbye to Las Vegas home with Angelicopter
KARYLLE ON HER OPINIONS GETTING VIRAL
Nagugulat daw si Karylle na napi-pick up minsan ang mga pahayag niya sa radio.
“Siguro, naiiba yung simoy ng hangin,” pagkunot-noo ni Karylle.
“Ha! Ha! Nagkakaroon tayo ng… minsan, nagwa-wonder ako. Like, kunwari pag may nasabi ako sa radyo na kunwari sabihin nila, ‘Uy! Nag-viral ito!’
“Papanoorin ko siya, like, ten times kung tama ba iyong sinabi ko, mga ganyan. Kasi, hindi naman ako all-knowing, all-perfect.
“And I do ask. I’m very, very fortunate to have friends who really tell me the truth. So, buti na lang, ‘Puwedeng panoorin mo? OK lang ba ito?’
“May mga ganoon akong tanong. Kasi, hindi ko rin naman alam. Minsan, you’re put on the spot, asked for your opinion.
“And sometimes, parang people are drawn to it. So, nagwa-wonder ako minsan, ‘OK lang ba iyon? Tama ba iyon?’
“Hindi ko rin naman sure. Hindi ako political analyst, di ba, para magdunung-dunungan…
“Hindi naman siya parang pinag-usapan, ‘Uy! Gagawin natin ito,’ di ba? So minsan, napapaisip ka lang.
“Sana, may kahulugan at kabuluhan.”
Read: Jake Cuenca on split with Chie Filomeno: “That chapter of my life is over now."
NOEL FERRER
Napaisip ba siya sa reaction ng mga tao sa recent guesting niya sa TV program na Fast Talk with Boy Abunda?
Natawa si Karylle bago sumagot: “Napaisip lang ako na grabe, ang bilis, no?! Yung buhay ko, kasya pala sa 20 minutes ba iyon or something.
“Tapos maya-maya, kakanta. Minsan iiyak. Ha! Ha! Ha! Ha! Ha!
"Sabi ko, ‘I don’t know if you do oral exams sa school, but it felt almost like that!’ Pero may music class.
“‘Kakanta ka?’ ‘Ah, OK.’ [vocalizes] Parang sabi ko, ano ba yun? But it’s very interesting because I’ve known Tito Boy all my life.
“Kaya siguro ganoon na lang. Sabi ko, my gosh! Buong buhay ko, kasya pala sa ganoon kaikling panahon. Twenty minutes.”
Read: Karylle, hindi open maging kaibigan ang ex na si Dingdong Dantes
WALANG KAAWAY
Na-resurrect yung description kay Karylle na “walang kaaway.”
Trending!
“Siguro sa bahay namin, meron kaming strict rule na hindi pinapasa ang kaaway,” saad ni Karylle.
“Ganun, yun bang… na para kung… hindi mamanahin. Hindi makikikaaway. Tapos ayusin ninyo.
“There’s a really smart way of putting it. Kung may kaaway ka at ang away ninyo ay more than seven years, tapos nag-graduate na siya ng grade school.
“Pag ganitong dami na ng taon yung away ninyo, nag-graduate na ng college? Ba’t mo naman masyadong inalagaan yung away ninyo?
“That’s a great way of looking at it.”
May naging kaaway ba siya sa showbiz?
“Mga Hathor lang,” mabining tugon ni Karylle, patungkol sa ruthless humanoid race sa kaharian ng Hathoria sa telefantasyang Encantadia (2005) kung saan gumanap siya bilang Sang’gre Alena.
“Wala.”
Sa social media lang, nag-aaway yung fans?
“Hindi naman siguro sila nag-aaway. I always like encourage people to choose love. When in doubt, choose love.
“I mean, it doesn’t work for everything. But di ba?”
Read: Janella Salvador, Klea Pineda, Jasmine Curtis-Smith intimate photos cause stir on social media
GORGY RULA
Nag-school tour ang historical film na Quezon sa lalawigan ng Quezon, partikular sa Lucena City at Candelaria.
“Nauwi kami sa Quezon. Kasi, doon ang Casa Esperanza ni Mama. Na-plug ko pa,” sambit ni Karylle.
Ang Casa Esperanza ni Zsa Zsa Padilla ay nasa Lucban na hometown ng ka-Troikang Jerry.
Pagpapatuloy ni Karylle: “Nakakatuwa na talagang we had 1,200 students on the first day, nung Saturday. Tapos on the second day, taga-Candelaria, Quezon naman.
“Siguro nakikita ko talaga, paulit-ulit naming sinasabi na part sila ng film because they were there in Tayabas, Quezon. So sila iyung mga talent na kasama namin.
“Kitang-kita mo sa mukha nila, sa attitude nila na they love Quezon so much and I think just seeing all the students there together, ang tatapang ng mga tanong nila.
“Nakakakaba… may kaba factor. Kasi, ang laki ng expectation nila sa mga generation natin.
“So we have to level up because the youth is really there… nag-aaral sila, matapang din sila. Maganda ang mga katanungan nila.”
Read: Beauty queen Bea Luigi Gomez marries DJ-music producer John Odin
KARYLLE AS AURORA QUEZON
Gumanap si Karylle sa pelikula bilang First Lady Aurora Quezon, ang maybahay ni President Manuel Luis Quezon na ginampanan ni Jericho Rosales.
Nagpasalamat si Karylle kay Jericho dahil binigyan siya nito ng libro tungkol kay Doña Aurora na talagang pinag-aralan niya.
“Andaming nakasulat doon about her. She was a humanitarian. She brought Red Cross to the Philippines,” lahad ni Karylle.
“Siguro dito sa film, makikita mo yung masalimuot na relationship nilang mag-asawa na hindi siya dormant. Na nandoon siya.
“Pero yung tiwala nila sa isa’t isa — because they valued education so much in their home, having a lot of educators in their home — yung diskusyunan nila sa isa’t isa, yung trust makikita mo.
“That in the bedroom, they have an equal footing. Na siya ang truth teller sa kanyang asawa.
“And I think mahalagang makita iyon because now, we can see the humanity of our hero, di ba? The hero that we are questioning.
“So, makikita mo na hindi lang siya puro magagaling na talumpati, which he is very much known for, but he has that human side where he’s questioning things, where he’s expressing himself with somebody he truly trusts.
“So I think that’s a nice dynamic to see in the film.”
Hindi pa napanood ni Karylle ang pelikulang Quezon’s Game (2018) kung saan si Rachel Alejandro ang gumanap na Aurora Quezon. Baka raw kasi magaya pa niya ang akting ni Rachel.
Ipapalabas ang Quezon sa mga sinehan umpisa Oktubre 15, Miyerkules.
Maliban kina Jericho at Karylle, nasa cast ng Quezon sina Mon Confiado, Iain Glen, Romnick Sarmenta, Cris Villanueva, Benjamin Alves, Arron Villaflor, Karylle, JC Santos, Jake Macapagal, Bodjie Pascua, Angeli Bayani, Jojit Lorenzo, Therese Malvar, Ana Abad Santos, Ketchup Eusebio, at Nico Locco.
Read: Carla Abellana, ikakasal na sa boyfriend na doktor sa December
