JERRY OLEA
Payugyog ang hanash ni Twinkle (Vice Ganda) kay Mara (Nadine Lustre) sa trailer ng Metro Manila Film Festival (MMFF) 2025 official entry na Call Me Mother.
Talak ni Twinkle na naka-yellow polo: “Aampunin ko na ang bata. Kaya pirmahan mo ito para makalayas na kami ng anak ko dito sa God-forsaken country, the Philippines!”
Read: MMFF 2025: Will-Bianca-Dustin movie makes it to Final 4
Nangangamoy-topgrosser!!! E, di ba, ang topgrosser ng 50th MMFF ay ang entry ng Unkabogable Star na And The Breadwinner Is…?!
Ipinalabas ang trailer ng walong official entries ng 51st MMFF noong Oktubre 10, 2025, sa University of Makati.
Nasa cast din ng Call Me Mother ang mga taga-PBB Celebrity Collab Edition na sina Klarisse de Guzman, Mika Salamanca, Brent Manalo, Esnyr Ranollo, River Joseph, at Shuvee Etrata.
PBB HOUSEMATES AND OTHER STARS WITH TWO MMFF 2025 ENTRIES
Opo! Tigdadalawa ng festival entry sa 51st MMFF sina Klarisse de Guzman, Will Ashley, at Dustin Yu.
Maliban sa Call Me Mother, kasama si Klarisse sa Bar Boys: After School, kung saan nasa cast din si Will.
Love triangle sina Will, Dustin at Bianca de Vera sa Love You So Bad.
Si Dustin Yu ay nasa horror trilogy rin na Shake, Rattle & Roll: Evil Origins (SRROE), ang nag-iisang horror movie ng MMFF 2025.
Gaano ba ka-probable na makasilat ang SRROE sa Call Me Mother?
Aside from Dustin, nasa cast ng SRROE sina Richard Gutierrez, Ivana Alawi, Carla Abellana, Manilyn Reynes, Ara Mina, Alex Calleja; at ang mga OG ng Shake, Rattle & Roll na sina Janice de Belen at Arlene Muhlach.
Andiyan din sina Loisa Andalio, Francine Diaz, Seth Fedelin, Fyang Smith, JM Ibarra, Matt Lozano, Althea Ablan, Elijah Alejo, Sarah Edwards, Shecko Apostol, Arkin Lagman, Celyn David, Ysabel Ortega, Ashley Ortega, Karina Bautista, Raven Rigor, Maika Rivera, Angelica Lao, Dylan Yturralde, at Sassa Gurl.
Oh, yes! Tigdadalawa rin ng MMFF 2025 entry sina Sassa Gurl, Janice de Belen, at Joey Marquez.
Maliban sa SRREO, nasa Bar Boys: After School si Sassa Gurl, samantalang si Janice de Belen ay kasama rin sa I’m Perfect.
Si Joey Marquez, nasa I’m Perfect at Manila’s Finest.
Read: Carla Abellana, ikakasal na sa boyfriend na doktor sa December
DOWN SYNDROME TACKLED IN I'M PERFECT
Si Sylvia Sanchez ay producer ng social romance movie na I’m Perfect na pinagbibidahan nina Krystel Go at Earl Amaba na parehong may Down Syndrome.
Ani Sylvia, “Umiiyak yung mga angels namin dito. Last year pa po namin ito ginawa. October 2024. Nag-audition po ang Nathan Studios.
“Production po, yes, ng mga Atayde.
“October pa po kami gumagawa nito. Hinanap namin sila. Nag-audition kami. Nung napili na namin kung sino yung bida, kung sino yung best friends, lahat… winorkshop ho namin sila.
“Pinagtiyagaan po namin sila ni Direk Sigrid Bernardo.
“Madaming nagsabi sa akin, ‘Bakit Down Syndrome? Bakit sila?’ Bakit hindi? Mga tao din po sila.”
Masigabo ang hiyawan at palakpakan sa speech ni Sylvia.
Pagpapatuloy ng actress-producer, “At maniwala kayo, kasi, yung expectation ko, namin ni Direk, sobra-sobra. Nilampasan pa yung expectation.
“Kaya ito pong December 25, 2025, bigyan niyo naman po sila ng tsansa.
“Maniwala po kayo, kayang-kaya nila.
“Maniwala po kayo, kahit kami, nagulat. At ito lang po ang sasabihin ko sa lahat ng mga angels na nandito.
“Expect the unexpected from this movie.”
Supporting cast sa I’m Perfect sina Sylvia Sanchez, Janice de Belen, Joey Marquez, Lorna Tolentino, Tonton Gutierrez, at Zaijian Jaranilla.
Facebook post ni Direk Sigrid Andrea P. Bernardo: “Wooooh! Grabe… After all these years of waiting, I’mPerfect finally found its perfect time.
“My first ever MMFF entry. Grateful beyond words to our cast, producers, and the whole team who never gave up on this film.
“Sometimes, love and imperfection just need time and when it’s right, it all makes sense.”
Read: Zoren Legaspi explains why he doesn't meddle in twins Cassy and Mavy’s issues
NOEL FERRER
Sanib-puwersa ang ABS-CBN, GMA, at Regal sa romance movie na Love You So Bad kung saan si Bianca de Vera ay torn between Will Ashley and Dustin Yu.
Feel na feel ni Bianca ang pag-awit ng "Sana, Dalawa Ang Puso Ko" sa announcement ng Final 4 entries ng 51st edition ng Metro Manila Film Festival nitong 10-10 (October 10) sa University of Makati.
Ang lakas ng tilian ng fans nang i-announce na kasama sa Final 4 ang kanilang pelikula.
WILL, BIANCA, AND DUSTIN
Pahayag ni Will: “Wow! Narinig po namin sa backstage. Sobrang… sobra-sobrang pasasalamat lang po talaga sa Diyos.
“We are so happy, we are so grateful na napabilang po ang Love You So Bad dito sa MMFF para sa taong ito.
“Maraming-maraming salamat po sa tiwala at sana po ay magustuhan nyo po itong pelikulang ihahandog po namin para sa inyo.
“Dahil sure po ako na pinaghihirapan po talaga namin. Maraming salamat po!”
Sabi ni Dustin, “Ahh sobrang speechless ko ngayon. Ahh una sa lahat, maraming-maraming salamat sa pagpunta dito.
“At gusto kong magpasalamat, of course, sa MMDA, sa MMFF, sa opportunity na ibinigay ninyo.
“Grabe, ipinagdasal namin itong lahat. As in gustung-gusto naming mapasama ngayon, yung movie namin sa Christmas.
“So, maraming-maraming salamat, at sana abangan ninyo itong pelikulang ito dahil kagaya ng sinabi ni Will, pinaghirapan ho namin ito at ibinigay namin yung best namin.”
Pagtatapat ni Bianca: “Honestly this moment is so surreal to me. Parang kailan lang, bata lang ho talaga akong nangangarap.
“And now, my first movie, our first movie together is going to be in MMFF! Ahhh!!! Kinikilig pa rin ako until now!!!
“So, unang-una sa lahat, gusto ko lang pong magpasalamat sa Star Cinema, Regal, and GMA Pictures. Thank you so much for believing in us and sa pagtaya sa amin.
“Maraming-maraming salamat po!”
Nasa cast din ng Love You So Bad sina Ralph de Leon, Xyriel Manabat, at Nour Hooshmand.
Hamon ni Direk Mae Cruz Alviar: “Let’s fall in love this Christmas! Ready na ba kayo?!”
Read: Beauty queen Bea Luigi Gomez marries DJ-music producer John Odin
GORGY RULA
Isa rin sa excited sa MMFF 2025 ay si Kathryn Bernardo dahil isa sa producers ng official entry UnMarry ay ang ina niyang si Min Bernardo.
Nakita naman sa poster ng pelikulang UnMarry na isa sa executive producers ay si Luzviminda Bernardo, kasama sina Atty. Josabeth Alonso at Mayor Enrico Roque.
Nagulat nga raw si Kathryn nang nakita niyang ipinost ito ni Atty. Joji recently.
Sabi naman ni Atty. Joji, matagal na silang magkaibigan ni Mommy Min at ang buong pamilya ni Kathryn.
Nang inalok daw ni Atty. Joji si Mommy Min kung gusto nitong bumakas sa UnMarry, sinabi ng ina ni Kathryn na gusto muna niyang basahin ang script.
Nagustuhan daw ni Mommy Min ang kuwento ng pelikula, lalo na’t maganda ang lineup ng cast. Tingnan natin kung itutuloy-tuloy ba ni Mommy Min ang pag-produce ng pelikula.
ANGELICA PANGANIBAN'S COMEBACK FILM
Itong UnMarry You ay comeback ni Angelica Panganiban, pati ni Direk Jeffrey Jeturian.
Ang lead actor dito ay si Zanjoe Marudo.
Kasama sa cast sina Eugene Domingo, Tom Rodriguez, Solenn Heussaff, Donna Cariaga, Shamaine Centenera-Buencamino, KaladKaren, Adrienne Vergara, Bryan Sy, Johnny Revilla, Raquel Villavicencio, Mari Kaimo, Angel Aquino, at Nico Antonio.
Noong 2022 na-conceptualize ang UnMarry. Three years dinevelop ang istorya nito.
Sabi pa ni Atty. Joji: “But this actually started some 38 years ago when I first handled my very first annulment case.
“This is a film that is inspired by all the cases that I’ve handled in the past 38 years — some celebrity cases, and some ordinary people. And finally, it’s come to life…
“Ang hindi iiyak sa pelikulang ito, hindi pa umibig kahit kailan.”
Read: Cinemalaya 2025: PEP Troika's Choice for Best Performances