JERRY OLEA
Ang unang best actress ng Cinemalaya filmfest na si Meryll Soriano (Room Boy) ang nagbasa ng citation para sa best actress ng 21st Cinemalaya sa awards night noong Oktubre 12, 2025, Linggo, sa Shangri-La Plaza, EDSA cor. Shaw Blvd., Mandaluyong City.
“For her searing and compassionate portrayal of a daughter haunted by the sins of her father — a one-time enforcer of a brutal regime — yet bound to protect him in his frailty.”
Natanto na agad naming si Mylene Dizon ang best actress ng Cinemalaya 2025 para sa Habang Nilalamon ng Hydra ang Kasaysayan — for which naunang i-announce na best actor si Jojit Lorenzo, at best supporting actor si Nanding Josef.
Bahagi pa ng citation na binasa ni Meryll: “For embodying a conscience torn between love, guilt, and moral reckoning.
“The award for best performance of an actress in a leading role goes to Mylene Dizon for Habang Nilalamon ng Hydra ang Kasaysayan.”
Read: Cinemalaya 2025: Mylene Dizon, Rochelle Pangilinan win acting honors
MYLENE DIZON, BEST ACTRESS
Masigabo ang hiyawan at palakpakan sa pagkapanalo ni Mylene.
Sabi ni Mylene, ipapa-frame niya iyong citation na binasa ni Meryll.
Bahagi ng acceptance speech ni Mylene: “Sa lahat po ng bumubuo ng aming pelikula na Habang Nilalamon ng Kasaysayan… ay! Habang ewan ko! Ano ba?!”
Natawa ang audience, at tumingin si Mylene sa LED screen kung saan nakalagay ang poster ng kanilang movie, “Habang Nilalamon ng Hydra ang Kasaysayan para sa atin pong lahat ng ito, ahh congratulations po sa atin.
“Ang pelikula po namin ay tungkol sa hope, sa pag-asa. Yes, may pag-asa po.
“May pag-asa na balang araw, babalik sa atin lahat ng pera natin na ninakaw ng mga hayup na mga hydra na iyan.
“Congratulations, Cinemalaya, napakaganda nitong taon na ito lalo na para sa akin, ha, Mikoy?!
“Pero hindi ako nag-outfit, o, hindi ako handa! Oh, boom, ganun talaga, ganun yon. Maraming salamat po ulit!”
Ang "Mikoy" na tinutukoy ni Mylene ay si Mikoy Morales na host ng awards ceremony.
Dasurv ni Mylene na mag-best actress sa Cinemalaya 2025.
Ang hanash ng isang katoto, “Habang nilalamon ni Mylene ang mga kaeksena!”
Ang Habang Nilalamon ng Hydra ang Kasaysayan ay isinulat at idinirek ni Dustin Celestino, at nasa cast din nito sina Zanjoe Marudo, Dolly de Leon, Anna Luna, Andoy Ranay, at Frances Makil Ignacio.
Ito ang ikalawang Cinemalaya best actress award ni Mylene. Una siyang nanalo noong 2008 para sa pagganap niya sa 100.
Last year ay may Cinemalaya entry rin si Dustin Celestino, ang full-length film na Ang Duyan ng Magiting na tinampukan nina Jojit Lorenzo, Dolly de Leon, at Frances Makil Ignacio.
Nasa cast din ng Ang Duyan ng Magiting sina Agot Isidro, Miggy Jimenez, Bituin Escalante, Joel Saracho, at Paolo O’Hara.
Sa Cinemalaya 2026 ay may full-length film entry uli si Dustin Celestino, ang a.ni.mal.
Read: 48th Gawad Urian: Highlights and sidelights
JOJIT LORENZO, BEST ACTOR
Right before the announcement of best actress, ini-reveal na ang best actor ay si Jojit Lorenzo.
Ang citation kay Jojit: “For his restrained yet piercing portrayal of a political strategist confronting disillusionment and moral exhaustion in a nation consumed by lies.
“For embodying the quiet despair and stubborn hope of a man searching for meaning amid history’s erasure.”
Si Direk Dustin ang tumanggap ng tropeyo ni Jojit.
Pahayag ni Direk Dustin, “Wala po si Kuya Jojit kasi sobrang busy niya pong tao, pasensya na po. I’m sure pasasalamatan niya po lahat kayo, lahat ng jury.
“And ayun, maraming salamat! Maraming-maraming salamat po sa pag-recognize.
“Lagi kong sinasabi kay Kuya Jojit, lagi ko siyang inaasar, ‘Kuya Jojit, hindi halatang umaarte ka kaya hindi ka nano-nominate.’ Lagi ko siyang inaasar na ganun.
“Maraming salamat sa jury na finally, may nakakita na, na umaarte siya na hindi po niya normal yun, umaarte po siya nun!”
Ang limang hurado para sa full-length films ng Cinemalaya 2025 ay sina Christopher de Leon, Pepe Diokno, Mark Schilling, Sophia Wellington, at Michiko Yamamoto.
Read: 48th Gawad Urian: Dennis Trillo wins Best Actor for Green Bones
NANDING JOSEF, BEST SUPPORTING ACTOR
Hindi nakarating si Nanding Josef para tanggapin ang Balanghai trophy bilang best supporting actor dahil nasa closing siya ng PINGKIAN: Isang Musikal sa Tanghalang Ignacio Gimenez, CCP Complex, Pasay City.
Ang citation kay Tata Nanding: “For his chilling yet deeply human portrayal of a once-feared martial law general now fading into the fog of dementia.
“For embodying both the terror of tyranny and the fragility of remorse.”
Ang isa pang event na kasabay ng Cinemalaya 2025 awards night ay ang premiere ng historical film na Quezon sa SM North EDSA, Quezon City.
Sa Miyerkules, Oktubre 15, ang showing ng Quezon kung saan bida si Jericho Rosales.
Kasama sa cast nito si Jojit Lorenzo bilang Miguel Laureano.
GORGY RULA
ROCHELLE PANGILINAN, BEST SUPPORTING ACTRESS
Ang best supporting actress ng Cinemalaya 2025 ay si Rochelle Pangilinan-Solinap, na gumanap bilang ina ni JM Ibarra sa Child No. 82 (Anak ni Boy Kana).
First time na mag-Cinemalaya nina Rochelle at JM.
Ang citation kay Rochelle na binasa ng Cinemalaya best actor awardees na sina Noel Comia Jr. at Enzo Osorio: “For her restrained yet searing portrayal of a mother holding her dignity amid abandonment and illusion.
“For embodying both the ache of loss and the quiet strength of survival as she watches her son chase the myth of a father who was never there.”
Bahagi ng acceptance speech ni Rochelle: “Totoo ba ito?! Oh, my God! Mikoy, hindi ako ready!!! Ano ka ba?! Hindi porke’t nag-sequin ako…
“Dyusko! Omigosh, first Cinemalaya ko po! Ahhh! Best actress na ako! Dyusko, sa lahat po ng pumili na manalo ako, maraming salamat po!
“Ahhmm... hindi ko talaga alam kung ano ang sasabihin ko. Ahhh Child No. 82, thank you po sa pagbigay sa akin ng ganitong klaseng chance.
“Ahhmm bilang nanay... lahat naman tayo, gustong maging mabuti ang anak and si Alice na ginampanan ko doon, anak JM Ibarra, maraming salamat sa pagbuo bilang isang anak ko.”
Pinasalamatan ni Rochelle ang writer-director na si Tim Rone Villanueva at executive producer na si Johndel Tiri Tacata sa paggabay sa kanila sa set sa Ilocos Norte.
Pagpapatuloy ni Rochelle: “And sa lahat ng co-actors doon… sana nag-ano ako, waterproof mascara.
“Akala ko kasi, manonood lang ako ng mga nangyayari dito kasi na-a-amaze talaga po ako sa inyo kanina pa.
“Lahat ng tao dito, alam ko, matataba ang utak! At sorry, wala akong masabi.
“At sa lahat po ng mga kasama namin sa full-length, congratulations po sa inyong lahat.
“Isa rin po ako sa nagsasabi sa sarili ko na, ‘Magma-marathon po ako, papanoorin ko po kayong lahat.’
“Thank you po, thank you sa family ko at siyempre, kay God to be the glory, maraming-maraming salamat.”
Co-stars nina Rochelle at JM sa Child No. 82 (Anak ni Boy Kana) sina Vhong Navarro, Irma Adlawan, Inah Evans, Zairene Fernandez, Dexter Doria, Kai Montinola, Elora Españo, at Joshua Zamora.
Sabi ng host na si Mikoy Morales habang bumababa sa entablado si SexBomb Rochelle, “Congratulations sa ating best supporting actress na nakakuha ng Get Get AWW… ward!”
Read: MMFF 2025 official entries: A mix of horror, comedy, drama, thriller
BEST ENSEMBLE PERFORMANCE
Ang Best Ensemble Performance ay ipinagkaloob sa apat na bida ng Open Endings na sina Jasmine Curtis-Smith, Janella Salvador, Klea Pineda, at Leanne Mamonong.
Ang citation sa kanila: “For the seamless chemistry, emotional depth, and playful vitality of four performances that breathe life into a rare story of chosen family and intimacy.
“And for capturing with honesty, humor, and grace the enduring bonds between queer women navigating love, loss, and friendship.”
NOEL FERRER
Sang-ayon ako sa mga nagsipagwagi!
Congrats, Tata Nanding at kay Rochelle Pangilinan-Solinap sa kanilang Best Supporting Awards.
At para kina Mylene at Jojit, may aria ako sa kanila:
MYLENE DIZON…
Ikaw na ang Reyna ng Cinemalaya: 100, Marquina, Belle Douleur, The Hearing — and now HYDRA…
You never fail to amaze me, kapatid! Sabi ko sa iyo, ikaw ang deserving magwagi ng Balanghai!
And JOJIT LORENZO...
Sabay-sabay, sunud-sunod ang mahuhusay na proyekto habang nagba-Batang Quiapo: 3 Upuan, Dagitab, tapos may Quezon pa na showing sa October 15 at heto ngang HYDRA…
Noon pang Changing Partners, I have been telling you that you connect to us, your viewers because you act from your gut.
Masaya ako at kinikilala ka na ng industriya bilang BEST ACTOR dahil mahusay ka naman talaga -- at never lumalaki ang ulo!!!
I am truly happy when committed artists and good friends are recognized.
Tuloy ang suportahan. Tuloy lang ang paglikha!!!
CONGRATULATIONS, mga kapatid!
Read: Will, Dustin, at Klarisse naka-score ng tigdadalawang entries sa MMFF 2025