JERRY OLEA
Iilan ang eksena ni Esteban Mara bilang anak ni Doring (Ely Buendia) sa Cinemalaya 2025 film na Padamlagan. Bitin!
“Yun nga ang challenge doon!” natatawang bulalas ni Esteban nang mainterbyu ng PEP Troika sa mediacon ng CreaZion Studios Artists (CSA) noong Oktubre 9, 2025, Huwebes, sa Midnight Dream Studios, K-Park, Glorietta 1, Makati City.
“Actually, yun ang isa sa mga learnings ko and realizations na yung hirap pala sa pag-arte doesn’t just come from lines and yung dami ng exposure.
“Kasi, noong pinanood ko siya, sobra, andami ko pang gustong gawin na bago sana.
“Kasi nga, sobrang limited ng chance to make people root for you. So, it was really a challenging role na talagang ngayon siya nagsi-sink in sa akin.
“And now, parang mas gusto kong gumawa ng mga pelikula na ganoon sana. Kasi, challenging, e.
“I mean, how are you gonna make people love you, root for you with those limited exposure.
"So, as an actor, it’s something very challenging and something na kailangan mo to grow, di ba?
“Kasi, more than lines and exposure din yung pag-arte, e. Well, for me, based doon sa last experience ko.
“Kasi, andami mong time and opportunity for people to root for you.”
Read: 48th Gawad Urian: Highlights and sidelights
Kung maikli lang ang exposure niya sa pelikulang Padamlagan, mahaba naman sa BL series na Got My Eyes On You kung saan sila ni Mikoy Morales ang bida.
Napapanood ang Got My Eyes On You sa Puregold Channel sa Tiktok, at kasama sa cast nito sina Hannah Lee, Darwin Yu, Ady Cotoco, Victor Sy, Toniyuh, Erwin Campañano, at Marina Benipayo, sa direksiyon ni Dizelle Masilungan.
Ang Cinemalaya 2023 best actor na si Mikoy (Tether) ang host sa Cinemalaya 2025 awards ceremony noong Oktubre 12 sa Shangri-La Plaza, at nagkita sila roon.
ESTEBAN MARA: NEWBIE MAKING A MARK IN THE INDUSTRY
Dalawa ang stage plays ni Esteban this year — Para Kay B noong Marso 14-30 na nag-rerun noong Seryembre 12-28 sa Ateneo de Manila University, at Minating ni Mariah ang Manto ng Mommy ni Mama Mary na kalahok sa Virgin Lab Fest XX: Hinog noong Hunyo 11-29 sa Tanghalang Ignacio Gimenez.
Baguhan pa lang si Esteban, pero pumupukaw na siya ng pansin sa mga manonood.
“I’ll be honest, ang entry point ko talaga is mga thirst trap. Ha! Ha! Ha!” pagtawa ni Esteban.
“Kasi, I mean, as someone who came from a background na wala naman talaga akong connections, and starting from theater, it’s really hard to penetrate the surface para mapansin.
“So I want people to know that I am more than just a thirst trap! And cute face! Ha! Ha! Ha!
“I can also offer something, and I am willing to prove myself so that I can show what I am about.”
Read: Cinemalaya 2025: Mylene Dizon, Rochelle Pangilinan win acting honors
NOEL FERRER
Kung minsan, kailangang magsakripisyo ang isang artista, baguhan man o hindi, alang-alang sa kanyang career.
If ever, hindi naman kasama sa isasakripisyo niya ang kanyang long-time girlfriend?
“Ahhh yes, kasi isa siya sa mga non-negotiable ko when I went into this endeavor of mine,” tugon ni Esteban Mara.
“I know my priorities. I’m doing this because I know this is what I love. But I also love my partner.
“So, both can go hand in hand. Siguro iyon, I wanna prove din na kaya naman kasi talaga siyang pagsabayin as long as you’re gonna put your head into it, and as long as clear sa iyo kung ano ang gusto mong landas.
“For now, clear sa akin ang gusto kong tahakin.”
NO RESTRICTIONS
May in-impose bang restrictions sa kanya ang girlfriend niya, na huwag siyang gagawa ng ganito o ganyan?
“Restrictions, wala. Because ang naging usapan na namin, as long as communication is clear, clear,” tugon ni Esteban.
“Yun lang ang importante. Transparency. Kasi, lagi kong sinasabi sa kanya, whenever I portray a role, once the camera starts or once I step on the stage, hindi na ako yun, e.
“That’s already the character that I am portraying. Nakikita niya naman na ganoon ako.
“Mas naging madali sa kanya to process everything as long as I’m going to inform her beforehand so that we can process it together.”
Kilig-kiligan ang mga eksena nina Esteban at Mikoy Morales sa BL series na Got My Eyes On You, pero hindi nagduda ang girlfriend ni Esteban sa kanyang sexual preference or orientation.
Read: Carla Abellana, walang inamin at wala ring itinanggi tungkol sa kasal
GORGY RULA
Nate-thirsty pa ba kay Esteban Mara ang kanyang long-time girlfriend?
“Siyempre naman!” napangiting bulalas ng baguhang aktor.
“Kaya nga patuloy na nagpapadarap. Para sa kanya. Ha! Ha! Ha! Kasi ang ganda-ganda rin naman talaga ng girlfriend ko.”
Mag-aartista ba ang kanyang girlfriend?
“May mga nag-i-inquire ngayon since nakikita siya. Pero hindi naman siya sarado sa mga opportunity,” tugon ni Esteban.
“Sabi nga niya, ‘If malay natin, it’s something na hindi ko pala outright nakikita but something na possibility, so, why not?’”
Pareho ng kurso at magka-batch si Esteban at ang kanyang girlfriend sa UP Diliman, Speech Communication.
“Nag-start kami as college sweethearts. Until know, kami pa rin. And ngayon, nasa UP pa rin siya, nagtuturo,” saad ni Esteban.
Siyangapala, kasama si Esteban sa production ng Netflix original movie na The Time That Remains na mag-i-streaming na sa Huwebes, Oktubre 16.
“Hindi naman po ako part ng main cast,” pakli ni Esteban.
THE TIME THAT REMAINS
Tampok sa The Time That Remains sina Carlo Aquino, Beauty Gonzalez, Jasmine Curtis-Smith, Bing Pimentel, at Bembol Roco, sa direksyon ni Adolf Alix Jr.
Nasa cast din sina Erin Espiritu, Archi Adamos, Alan Paule, Rita Avila, Mercedes Cabral, at Vance Larena.
May international film din siyang na-shoot noong first quarter ng taon, kung saan co-star niya si Gabby Padilla.
Early next year daw ito nakatakdang ilahok sa isang international filmfest.
Read: 48th Gawad Urian: Dennis Trillo wins Best Actor for Green Bones