JERRY OLEA
Hindi ko napigilan ang aking sarili na lumuha sa ika-187 pagtatanghal ng Bonifacio “Ang Supremo” Isang Musikal nitong Oktubre 20, 2025, Lunes ng 1:30 P.M. sa St. Scholastica’s College, Estrada Street, Manila.
Noong Agosto 2 ang grand launch ng musical play sa nasabi ring venue. Hindi ko napuntahan iyon dahil sa personal na kadahilanan.
Itinanghal na ito sa iba’t ibang lugar, kabilang ang Baliuag Star Arena, Meycauayan Convention Center, at Malolos Convention Center sa Bulacan; Novadeci Convention Center, SM North EDSA Skydome, at Siena College sa Quezon City; Congressman Emerson Pascual Convention Center at Palayan City Coliseum sa Nueva Ecija; at Caloocan Sports Complex sa Caloocan City.
Ipinalabas na rin ito sa Urdaneta City Cultural & Sports Center sa Pangasinan; Tarlac City Gymnatorium sa Tarlac; Bataan People’s Center at Dinalupihan Civic Center sa Bataan; Angeles City AUF Sports and Cultural Center, Holy Angel University, at San Fernando City Bren Z. Guiao Convention Center sa Pampanga; Subic Bay Gymnasium at Botolan People’s Plaza sa Zambales; Sen. Edgardo J. Angara Convention Center sa Baler, Aurora; at St. Jude Catholic School sa Manila.
Read: FULL TRANSCRIPT: Miss Grand International 2025 Top 5 Q&A portion
HEROES FROM THE PAST
Mas mabuti siguro na nitong Oktubre 20 ko lang napanood ang Bonifacio “Ang Supremo” Isang Musikal dahil mas gamay na ng mga artista maging ng production staff ang pagtatanghal.
Isa pa’y mas tumitimo sa puso ang palabas dahil sa mga kaganapan sa ating bayan mula nang i-post ni Pasig City Mayor Vico Sotto noong Agosto 21 sa Facebook ang viral interviews sa mag-asawang Sarah at Curlee Discaya.
Magdadalawang buwan na ang pasabog na Facebook post ni Mayor Vico, pero meron na bang nakulong o naparusahan sa katiwalian kaugnay sa flood control?
Away-away ang mga Pilipino, at ang kuwento ng Bonifacio “Ang Supremo” Isang Musikal ay tila salamin nito.
Idagdag pa na noong Oktubre 15, Miyerkules, ay ipinalabas na sa mga sinehan ng bansa ang pelikulang Quezon kung saan bida si Jericho Rosales bilang Manuel Luis Quezon.
Napanood ko ito noong Oktubre 16, Huwebes, sa sinehan ng Cash n’ Carry, Brgy. Palanan, Makati City.
Sa kuwento ng Quezon ay malaki ang bahagi ni Heneral Emilio Aguinaldo na ginampanan ni Mon Confiado.
Sa Bonifacio “Ang Supremo” Isang Musikal ay malaki rin ang bahagi ni Aguinaldo.
Noong Mayo 10, 1897, pinaslang ng mga kapwa Pilipino ang magkapatid na Andres at Procopio Bonifacio sa kabundukan ng Maragondon, Cavite.
Ito’y matapos ang paglilitis sa magkapatid na Bonifacio kung saan ang mga hurado ay pawang tauhan ni Aguinaldo, at maging ang tagapagtanggol ni Andres ay sinabing guilty ito.
Read: Veteran actress Lollie Mara dies at 86
ANDRES BONIFACIO: THE TRUE FIRST PHILIPPINE PRESIDENT?
May mga historyador na nagtuturing kay Andres Bonifacio bilang tunay na unang Pangulo ng Pilipinas.
Hindi ba’t nagbida pa si Robin Padilla sa MMFF 2014 entry na Bonifacio: Ang Unang Pangulo sa direksiyon ni Enzo Williams?
Meron ding mga nagsusulong na mas karapat-dapat umano na ituring si Andres Bonifacio na Pambansang Bayani, kesa kay Dr. Jose P. Rizal.
Sa mga national heroes, bukod tanging sina Rizal at Bonifacio ang may partikular na national holiday.
Disyembre 30 ang Rizal Day, anibersaryo ng kamatayan ni Rizal.
Nobyembre 30 ang Bonifacio Day, anibersaryo ng kapanganakan ni Bonifacio.
Ang National Heroes Day ay ipinagdiriwang tuwing huling Lunes ng Agosto bilang paggunita sa Cry of Pugad Lawin noong Agosto 1896.
Iyon ang hudyat ng Himagsikang Pilipino laban sa mga Kastila.
Ang Bonifacio “Ang Supremo” Isang Musikal ay sinulat, idinirek, at pinagbidahan ni Atty. Vincent Tañada.
Ka-alternate ni Atty. Vince bilang Andres Bonifacio si Dave Pajanustan.
Itatanghal ito hanggang Abril 2026.
Read: Andrea Brillantes, lilipat nga ba sa GMA Network?
GORGY RULA
Grade 6 students ng isang exclusive school for boys ang majority ng audience ng Bonifacio “Ang Supremo” Isang Musikal noong Oktubre 20, 2025, Lunes ng 1:30 P.M., sa St. Scholastica’s College, Estrada St., Manila.
Nagmensahe si Atty. Vincent Tañada sa mga kabataan matapos ang pagtatanghal.
Napa-“What?!” ang mga estudyante nang ipagtapat ni Atty. Vince na nagsimula siyang umakting sa edad na six years old.
Sabi pa ni Atty. Vince, sinabihan siya ng mga kaibigan niya sa New York City na ipalabas ang mga Broadway musical na gaya ng Les Miserables, Phantom of the Opera, at Miss Saigon.
“But I told them that we really need to create our own play, our own musical based on our culture, our history, the riches of our tradition, and our national identity,” pagsisiwalat ni Atty. Vince.
“You know, being a kid is not a license for you to be lax and complacent. It’s about time that you know what happened in the past, most especially about our hero Andres Bonifacio.
“Because a lot of young people like you, they believe that Bonifacio was killed by the Spaniards, but that isn’t true.
“Bonifacio was killed by our fellow Filipinos because of politics — and because of corruption.
“And unfortunately, the same thing is happening up to today.
“You know why? Because we are at fault, old people like us. Because we voted the wrong people.”
Ikinatuwa ni Atty. Vince na nasaksihan ng mga kabataan ang dula, patunay na ang kabataan ang kinabukasan ng ating bansa.
“Young people, you are our future. So, aasa kami sa inyong lahat. Puwede ba iyon?” tanong ni Atty. Vince.
Tugon ng mga estudyante na sinabayan ng palakpakan, “Opo!”
Kabilang pa sa cast ng Bonifacio “Ang Supremo” Isang Musikal sina Joseph Tañada/Fidel Redado/Lance Cabradiola bilang Emilio Aguinaldo, Johnrey Rivas/Ken Intano bilang Emilio Jacinto, Yvonne Ensomo/Abbey Romero bilang Gregoria de Jesus, at Vean Olmedo/Kanishia Santos/Ella Kristofani bilang Hilaria Aguinaldo.
Andiyan din sina Chin Ortega/Carl Rasco bilang Macario Sakay, Adelle Ibarrientos-Lim/Sarah Javier/Daffodil Abear bilang Tandang Sora, Awin Valencia/James Ramada/Ken Itano/Peter Parker bilang Procopio Bonifacio, Chris Lim bilang Heneral Lachambre, JP Lopez/Dio Marco bilang Mariano Noriel, Bea Martin/Marina Esperida bilang Marina Dizon, at marami pang iba.
Read: Estafa complaint ng GMA laban sa TAPE executives, dismissed
NOEL FERRER
Ibinalita ng TBA Studios nito ring Oktubre 20 sa Facebook na nag-isyu ang Department of Education (DepEd) ng advisory kaugnay sa showing ng pelikulang Quezon.
Bahagi ng FB post ng TBA Studios: “DepEd recognizes the film’s value in strengthening historical awareness, civic education, and appreciation of the arts among learners.
“QUEZON offers a compelling portrait of leadership and the struggle for independence — showing how one man’s vision shaped the nation we know today.
“QUEZON, starring Jericho Rosales as President Manuel L. Quezon, opens October 15 in cinemas nationwide.
“Let history come alive on the big screen…
“In compliance with DepEd Order (DO) No. 8, s. 2013 this advisory is issued not for endorsement per DO 28, s. 2001, but only for the information of DepEd officials, personnel/staff, as well as the concerned public.”
LAKAMBINI
Samantala, sa Nobyembre 5 ay nakatakda nang ipalabas sa mga sinehan ang pelikulang LAKAMBINI Gregoria de Jesus.
Title role dito sina Lovi Poe, Elora Españo, at Gina Pareño.
Si Rocco Nacino ang gumanap na Andres Bonifacio.
May special participation sina Paulo Avelino at Spanky Manikan bilang Julio Nakpil.
Read: Chie Filomeno slams "Sofia," accuses her of malicious smear campaign