JERRY OLEA
Umaatikabo ang pagtatalop at pakikipagpuksaan ni Albie Casiño sa VMX (dating Vivamax) movies na Moonlight Butterfly, Biyak, Salawahan, Eks, Butas, Kasalo, at Elevator Lady.
Ang latest pagpapakitang-gilas niya ay sa sex comedy na Maria Azama: Best P*rn Star na isa sa pitong kalahok sa 1st CineSilip Film Festival.
Ano ang reaksiyon niya matapos mapanood ang movie sa premiere screening nito noong Oktubre 23, 2025, Huwebes ng gabi, sa Cinema 3 ng Market! Market!, Taguig City?
Read: Descendant of Manuel Quezon confronts director Jerrold Tarog and actor Jericho Rosales
“OK naman siya, maganda! Nag-enjoy ako. Nag-enjoy ako actually!” bulalas ni Albie.
“Medyo late na namin na-shoot ito, e. Actually, wala nga akong napanood na trailer namin. Ha! Ha! Ha! Ha! Ha!
“In all honesty, may kasalanan ako sa production namin. Kaka-send ko lang ng hinihingi nilang voice-over ko nung Sunday.
“Bale nung Sunday ko pa lang na-send iyon. So, that’s my bad, guys. Pasensya na, pero I was so happy how the movie turned out. Nakakatawa!”
Kahit may maselan siyang eksena sa Maria Azama, ito ang least sexy sa mga nagawa niyang bold and daring projects.
Mas lutang ang pagko-comedy nito kesa pampabargas ng libido.
Mabilis na pag-ayon ni Albie, “Iyon na nga! Oo, totoo! Di ba? So that was another reason na sinabi ko nga kanina na iba siya, di ba?
“And I think maganda siyang avenue na especially now with all the other movies dito sa CineSilip na mapalitan yung tingin ng mga tao sa Vivamax na it’s just, di ba, super sexy lang.
“Maraming ibang avenues na puwedeng ipalabas dito.”
Read: Archie Alemania, hinatulang guilty sa acts of lasciviouness case ni Rita Daniela
ALBIUE CASINO'S WILD FANTASY
Sa pelikula, gumanap si Albie bilang Jopet na wild fantasy ang Haponesang p*rn star na si Maria Azama na ginampanan naman ni Dani Yoshida.
Nag-ala-Sadako x Machete si Maria Azama, lumabas sa TV screen matapos matalsikan ng dagta ni Jopet.
Sa totoong buhay ba, may wild fantasy si Albie? Kung meron, ano?
Itinuro ni Albie ang partner niyang si Michelina na kasama niya sa premiere ng naturang sex comedy, “Ito lang yung naging fantasy ko.”
Sabi ni Albie kay Michelina, “I said you’re my only fantasy, babes!”
Ano ang reaction ni Michelina nang pinapanood ang movie?
Sagot ni Michelina, “It’s funny. I was laughing the whole time.”
Sambot ni Albie, “Alam naman niya, di ba, na trabaho lang yan. So she understands. Hindi naman isyu sa kanya yon.”
Read: Andrea Brillantes signs contract with TV5 after 15 years with ABS-CBN
ALBIE CASINO'S NEXT VMX PROJECT
May next project na siya sa VMX?
“VMX? Ahh wala pang next sa VMX pero, like, hindi naman ako magtatanggi. I’m open to accept more,” tugon ni Albie.
“Pero meron akong sinu-shoot na isang project ngayon, na in-announce na siya ng Viva pero hindi in-announce ng Viva na kasama ako.
“So, hindi ko siya sasabihin, pero patapos na kami nun, last shooting day na kami. And then lalabas na rin yun soon.”
Nakakapag-mainstream pa rin siya!
“Yes, oo. Actually, sana’y hindi mabati pero, di ba, may isa pang nag-inquire na ako, na-go na ako,” pagtatapat ni Albie.
“First paragraph pa lang sa synopsis na sinend sa akin, tinawagan ko agad. ‘Tanggapin natin ito!’
“Pelikula din siya. So, nung sinabi ko sa kanila, di ko pa alam kung sino ang karakter ko — as in ganun ka-intriguing ang script na first paragraph pa lang, hindi ko pa alam sino ang karakter ko, sabi ko, ‘I wanna be part of this film.’”
Read: Krystal Mejes, Heath Jornales named as PBB Celebrity Collab 2.0 housemates
NOEL FERRER
Nakatrabaho na before ni Albie Casiño si Chloe Jenna sa VMX movie na Salawahan (2024), na tinampukan din nina Angeli Khang, Sheila Snow, Van Allen Ong, Itan Rosales, Max Durano, at Cecil Paz, sa direksyon ni Jeffrey Hidalgo.
Kumusta si Chloe na gumanap bilang co-worker ni Jopet na si Cheche sa Maria Azama: Best P*rn Star?
“Si Chloe, actually, ako ang nag-cast kay Chloe. Ha! Ha! Ha! Friend ko kasi si Chloe,” lahad ni Albie.
“And then, kami talaga yung pinaka-last na natapos yung production. Kami din ata yung pinaka-last mag-start mag-production.
“So, nung mag-i-start kami, mag-script reading kami, hindi pa ata na-cast yung role ni Chloe.
“And then, nagtatanong sila sa akin ng mga ano, suggestions. So, nag-send ako ng mga friends ko.
“E, andami sa kanila na meron nang entry dito. So, ayun. Naisip ko si Chloe, wala pa daw entry. Tinawagan ko muna si Chloe actually.
“Sabi ko, ‘May entry ka na ba dito?’ Sabi niya, ‘Wala pa.’ ‘OK, huwag ka nang tumanggap ng iba. Dito ka na sa amin.’
“So, nakapag-oo na si Chloe sa akin bago pa tumawag yung prod sa kanya.”
Read: VMX actor Chester Grecia, itinangging sumabak sa pagiging adult content creator
ALBIE ON DOING SEXY SCENES
Nao-awkward pa ba siya sa paggawa ng sexy scenes?
“Yung kay Chloe, walang awkwardness. Kasi, friend ko siya,” tugon ni Albie.
“And di ba, second movie na namin ito, e. We did the first one with Direk Jeffrey Hidalgo na nandito kanina, si Direk Jeffrey,” saad ni Albie.
“So, nag-work na kami ni Chloe before kaya nga naisip ko na siya kaagad.
“Kasi nga, yun din ang sabi ni Direk Alpha na as much as possible, sana wala nang awkwardness.
“Pero I mean, for me talaga, I think it’s really just work. Never din naman ako naging uhaw na lalaki kahit… di ba?
“Never naman siyang naging problem sa akin. So, I think that’s why it’s not really a big issue for me, di ba?”
Read: Emil Sumangil continues exposé on missing sabungeros despite death threats
GORGY RULA
First time makatrabaho ni Albie Casiño si Dani Yoshida sa sex comedy na Maria Azama: Best P*rn Star.
“Dani was good. Dani was good also. Kung tama ako, first lead role niya ito,” sambit ni Albie.
Kabilang sa naunang VMX movies ni Dani ang Violet na bida sina Christy Imperial at Aliya Raymundo; Pilya na bida sina Cess Garcia at Dyessa Garcia; at Belyas na bida sina Audrey Avila at Denise Esteban.
Dagdag ni Albie, “Nung nag-read lang kami, parang nagsabi lang siya sa akin na ine-expect niya na maging madali, kasi comedy.
“And then doon ko lang sinabihan siya na parang, ‘You know, you don’t to go into any project with that mindset.’ Di ba?
“Na kahit anong project, even in the future, huwag kang mag-iisip na, ‘O, madali ito.’ Kasi, diya ka mati-trip up, di ba?
“Lalo na with our profession — you’re only as good as the last project na mapanood ka ng mga tao.
“Lalo na in this day and age, di ba, lahat ng content, forever na iyan. Dati, pag teleserye, isang episode, kapag pangit ang acting mo, wala na. Matatabunan na yan.
“Ngayon, everything’s online always, forever. So you always wanna give your best effort talaga.”
Hmmn, speaking of teleserye, parang nagkaisyu siya sa FPJ’s Batang Quiapo kung saan gumanap siya bilang Iñigo, anak ni Olivia (Chanda Romero)?
Nagkaproblema ba?
“Hindi naman. Parang my bad din lang siguro iyon. Medyo mainit lang yung ulo and… ahhh wala lang, di ba?” sabi ni Albie.
“Pero yeah, I mean, that was my bad.”
Ang Maria Azama: Best P*rn Star ay sinulat, idinirek, at iprinodyus ni Alpha Habon.
Nasa cast din nito sina Jeric Raval, Aldo Cuervo, Micah Andres, Bridge Martin, at Sachzna Khang.
Palabas ang pitong entries ng CineSilip filmfest hanggang Oktubre 28, Martes, sa Trinoma, Market! Market!, Ayala Malls Manila Bay, at Ayala Malls Circuit Makati.
Ang awards night ng 1st CineSilip filmfest ay gaganapin sa Oktubre 27, Lunes sa Viva Cafe, Cubao, Quezon City.
Read: Former Pinoy Dream Academy contestant Davey Langit dies