JERRY OLEA:
Hindi maipaliwanag ni Sassa Gurl ang naramdaman niya nang mapili ang Multwoh (Patay Na Patay Sa ‘Yo) na isa sa pitong finalists ng Puregold 2026 Cine Panalo Film Festival (CPFF).
Bida at producer siya sa pelikulang directed by Rodina Singh. Leading man niya si Martin del Rosario.
Noong Hulyo 1, 2025, pinost na ni Sassa sa Facebook ang teaser ng Multwoh.
“Number one, sobrang hirap po mag-produce pala. This is my first film na ipo-produce,” pagsisiwalat ni Sassa Gurl.
Nakapanayam siya noong Oktubre 25, 2025, Sabado sa Gateway Cineplex, Cubao, Quezon City.
“Hindi ko alam kung mapo-produce ba namin, mabubuo ba namin, at mabubuhay ba namin ang Multwoh.
“Pero iyon nga, may mga tao at may mga entities, may mga brand na maniniwala sa iyo. Kakampi ka.
“Kaya hayun, nabuhay po namin ang Multwoh! Yaass!!!”
May cameo si Sassa Gurl sa CineSilip 2025 filmfest entry na Dreamboi, starring Tony Labrusca and EJ Jallorina, na si Rodina Singh ang writer-director.
Sa red-carpet premiere ng Dreamboi noong Oktubre 22, Miyerkules sa Market Market, Taguig City, minura ni Sassa Gurl ang MTRCB na dalawang beses binigyan ng X-rating ang Dreamboi bago pinalusot.
Read: Dreamboi, dalawang beses na-X ng MTRCB bago nabigyan ng R-18
Hindi naman siguro mapapamura si Sassa Gurl sa Multwoh dahil pa-wholesome ang Puregold CPFF.
Ngumiti nang slight si Sassa Gurl, “Hindi po natin sure, kasi, baka pagmura ako, rated X na naman kami. Eme lang, charot!”
Hindi ba siya nainggit kay EJ na may erotic and glorious scene with Tony sa Dreamboi?
“Inggit na inggit!” bulalas ni Sassa Gurl.
“Ay, naku! Nung pinanood ko iyong Dreamboi, tapos nakita ko iyong eksena ni EJ, sabi ko, ‘Ay! Parang deserved niya iyong rated X, charing!
“Panalung-panalo si EJ doon, ha?!”
Naku! Ayaw ni Aling Puring ang ganoong lampungan para sa kanila ni Martin sa Multwoh!
Natatawang hanash ni Sassa Gurl, “Paano kami magkakaroon ng ganoong eksena, mainit na eksena ni Martin, e, patay ako dito, di ba?! So, ayun.
“PG itong Multwoh, pampamilya ito. Sobrang pam-festival ito. At saka aabangan niyo ito. Kasi, alam niyo yon, ito ang culmination ng aking mga pinaghirapan.
“At talagang ibibigay ko talaga nang todo dito para maaliw at mabigyang-buhay ang mga ganitong klaseng kuwento.”
Read: Magkapatid na Kim at Alessandra Atienza, pareho ng karanasan
NOEL FERRER:
Ang sabi sa teaser ng Multwoh (Patay Na Patay Sa ‘Yo), “Paano kung bago pa magdampi ang mga balat ninyo, nakaramdam ka ng kaba?
“Tabos, bigla ka na lang tumagos.
“Paano mo na lang sasabihin na mahal mo siya kung multo ka na at matatakutin siya?”
Bakit ang Multwoh ang naipili niyang i-produce? Anong meron sa materyal na ito?
“Ako po kasi, bilang isang bakla, alam ko sa sarili ko na hirap na hirap magmahal sa ganitong klaseng mundo,” saad ni Sassa Gurl.
“So minsan po, dinededma ka. Minsan, iyung ibang mga tao, dedma sila sa kung sino ka at talagang hindi nila papahalagahan ang nararamdaman mo.
“Tulad ng mga bakla, para kaming mga multwoh. Malayo kaming magmahal. Madalas, kahit malayo kaming magmahal, totoo ito.
“At most of the time, buhay ang pagmamahal namin.”
Ano ang insights niya sa 2011 song ng The Youth na Multo Sa Paningin (Multong Bakla)?
“Actually, ini-include namin iyan. Gusto naming kunin ang kanta na iyon. Kasi, gusto naming i-claim, i-embrace,” sabi ni Sassa Gurl.
“Di ba, tinawag na multong bakla ang mga bakla noon? Offensive iyon pero ngayon, gagawin namin, ii-empower namin ang mga sarili namin.
“Ii-embrace namin para hindi nila magamit against sa amin.”
Kung meron siyang gustong multuhin, sino iyon?
“Ay, naku! Iyong mga kumokontra sa amin, ganun. Mumultuhin talaga namin kayo!” talak ni Sassa Gurl.
“And, of course, siyempre iyong mga nagpapahirap sa mga Pilipino, di ba? Lahat ng mga magnanakaw diyan, marami sila!
“Post ko na lang kayo, charing!”
Read: Kris Aquino, First Lady Liza Marcos spotted together
GORGY RULA:
Dalawa ang entry ni Sassa Gurl sa Metro Manila Film Festival (2025) — Shake, Rattle & Roll: Evil Origins at Bar Boys: After School.
“Challenging maging artista. Nagkasakit po ako last time noong last shoot namin sa Shake, Rattle & Roll,” lahad ni Sassa Gurl.
“Kasi tuhog ako from Bar Boys to Shake, Rattle & Roll.”
Sa MMFF 2025 Parade of Stars sa Disyembre 19 sa Makati City, saang float siya sasakay?
“Ay! Dyusko, lagi ring itinatanong sa akin iyan. Pero di natin sure, malay mo, di ba? Lalagare tayo,” sey ni Sassa Gurl.
Kumusta ang dalawang pelikula niya sa 51st MMFF?
“Happy ako dun. Abangan niyo sa December 25. Sa Bar Boys, Law student ako,” tugon ni Sassa Gurl.
“Sa Shake, Rattle & Roll, kriminal ako.”
Ang anim pang finalists sa Puregold 2026 Cine Panalo Film Festival ay Wantawsan ni Joseph Abello, Mono No Aware ni BC Amparado, Apol of My AI ni Thop Nazareno, Patay Gutom (Dead Hungry) nina Carl Papa at Ian Pangilinan, Beast ni Lawrence Fajardo, at Stuck on You ni Mikko Baldoza.
P5M ang grant ng Puregold sa bawat full-length feature na kalahok sa 3rd edition ng CPFF.
Pahayag ng festival director na si Chris Cahilig, “This year marks our most diverse and competitive year yet… after so long, andaming pinagdaanan.
“After a very meticulous deliberation process, the search is finally over.”
Umabot sa 203 scripts ang pinagpilian ng Selection Committee. Kasunod ay pinili ang Top 70, saka na-trim down sa 33. Kapagkuwan ay 15 ang semi-finalists, and finally, pito ang finalists.