JERRY OLEA
Nakaka-goosebumps ang pag-entra ng Team Philippines sa Episode 1 (“Where the Sun Rises”) ng competition reality TV show na Physical: Asia na nag-umpisang mag-streaming sa Netflix noong Martes, Oktubre 28, 2025.
Walong bansa sa Asia ang kalahok sa paligsahan. Bawat bansa ay may anim na members.
Naunang ipinakilala ang host country na South Korea, na sinundan ng Japan. May tension na agad sa paghaharap ng dalawang pangkat.
Sumunod na pumasok ang representatives ng Thailand, Mongolia, Indonesia, Turkiye, at Australia.
Napaka-friendly ng Team Australia na nag-high five nang mabilisan sa iba pang mga atleta.
Read: PBB Celebrity Collab Edition 2.0: Meet the 20 housemates
TEAM PHILIPPINES
Panghuli ang Team Philippines, kung saan ang team leader ay ang Pambansang Kamao na si Manny Pacquiao.
Naglapitan ang ibang contenders sa Team Philippines, mostly para bumati kay Pacman na anila’y “a legend among legends.”
Ang limang kasama ni Pacquiao sa Team Philippines ay sina Mark "Mugen" Striegl, Ray Jefferson Querubin, Justin Coveney, Robyn Lauren Brown, at Lara Liwanag.
SPOILER ALERT!
Pagkatapos magsuot ng kani-kanyang uniform ay pinapasok na ang 48 atleta sa arena para sa unang Quest, ang three-round Territorial Conquest.
Sabi ng Master, “All eight nations will go head-to-head in a race across the sands to conquer the territory on top of the dune…
“This first game requires physical combat like pushing, pulling, and grabbing.”
Sa unang round ay may apat na plot na pag-aagawan ng walong pangkat.
Sa second round, dalawang plot ang pag-aagawan ng apat na grupo.
At sa third round, yung natirang dalawang grupo ay agawan sa natitirang isang plot.
Bawat round ay dalawang minuto. Parang trip to Jerusalem, o musical chairs.
Labindalawang episodes ang Physical: Asia. Ang naka-upload pa lang ay ang unang apat na episodes.
Ang Episodes 5 at 6 ay sa Nobyembre 4 pa ang streaming.
Ang Episodes 7, 8, and 9 ay sa Nobyembre 11 matutunghayan.
Ang huling tatlong episode ay mapapanood sa Nobyembre 18.
Ang winning team ay magkakamit ng 1 billion won, katumbas ng mahigit PHP41M o mahigit US$698,000.
GORGY RULA
No. 1 na ang Physical: Asia sa talaan ng Top 10 TV Shows ng Netflix Philippines ngayong Oktubre 29, Miyerkules.
Take note na yung teleseryeng What Lies Beneath ay nine consecutive days na nanguna sa naturang talaan — mula Oktubre 19, Linggo, hanggang Oktubre 27, Lunes.
Nasipa ito ng Japanese action animé na One Punch Man kahapon, Oktubre 28, Martes.
Kahapon at ngayon ay pangalawa ang teleseryeng What Lies Beneath kung saan tampok sina Janella Salvador, Sue Ramirez, Kaila Estrada, Charlie Dizon, JM de Guzman, Jake Cuenca, at Jameson Blake.
Supposedly ay 100 episodes itong What Lies Beneath. Ang last three episodes nito ay nakatakdang mag-streaming sa Marso 2026.
Harinawang huwag itong matulad sa It’s Okay To Not Be Okay nina Anne Curtis, Joshua Garcia, at Carlo Aquino na binawasan ng 15 episodes (three weeks) dahil sa laylay na viewership.
Sa halip na 80 episodes, pinaiklian ang It’s Okay To Not Be Okay at ginawang 65 episodes.
Babalik pa kaya sa top spot ang What Lies Beneath?
Read: Raymart Santiago breaks silence on Inday Barretto's allegations
UPCOMING NETFLIX SERIES
Umpisa bukas, Oktubre 30, Huwebes, ay streaming na sa Netflix ang fourth season ng fantaseryeng The Witcher, kung saan tampok si Liam Hemsworth bilang Geralt of Rivia. Pinalitan dito ni Liam si Henry Cavill.
Sa Nobyembre 14, Biyernes, naman ang streaming ng teleseryeng Roja, kung saan bida sina Donny Pangilinan at Kyle Echarri.
Kasama sa cast ng Roja sina Lorna Tolentino, Raymond Bagatsing, Joel Torre, Janice de Belen, at Maymay Entrata.
Nandiyan din sina Kai Montinola, AC Bonifacio, Harvey Bautista, Iñigo Jose, Emilio Daez, Zia Grace, Nikki Valdez, Cris Villanueva, Sandy Andolong, Robert Seña, Rans Rifol, Maika Rivera, Lou Yanong, Marc Abaya, Bernard Palanca, Raven Molina, Rikki Mae Davao, at Gello Marquez.
TOP 10 TV SHOWS ON NETFLIX
Ang Top 10 TV Shows in the Philippines Today sa Netflix:
- Physical: Asia
- What Lies Beneath
- One Punch Man
- The Asset
- My Status As An Assassin Obviously Exceeds The Hero’s
- Genie, Make A Wish
- Boots
- Spy x Family
- My Safe Zone
- My Hero Academia
NOEL FERRER
Mahigit apat na buwan na nang mag-umpisang mag-streaming ang animated film na KPop Demon Hunters, pero hindi pa ito naliligwak sa talaan ng Top 10 Movies ng Netflix Philippines.
Kung hindi kami nagkakamali, ito na ang pinakamatagal na pelikula sa nasabing talaan.
Of course, ang KPop Demon Hunters ang most watched film sa kasaysayan ng Netflix.
On its first 91 days ay humamig ito ng 325M views worldwide. Ito pa lang ang pelikula na lumampas sa 300M views sa Netflix on its 91 days.
Ang previous topnotcher ay ang 2021 action comedy na Red Notice na bida sina Dwayne Johnson, Ryan Reynolds, at Gal Gadot. Nagtala ito ng 231M views.
Ang nasa pangatlong puwesto ay ang 2024 action thriller na Carry-On with 172M views, at ang pang-apat ay ang 2021 political satire black comedy na Don’t Look Up with 171M views.
Read: More highlights and sidelights from CineSilip Film Festival awards night
THE DELIVERY RIDER
Yung The Delivery Rider ni Baron Geisler ay nag-debut sa top spot noong Oktubre 24, Biyernes.
The next day ay kinabog ito ng Indonesian horror movie na The Elixir.
Nakabawi ang The Delivery Rider noong Oktubre 26, Linggo, at nanatiling topnotcher hanggang ngayon, Oktubre 29, Miyerkules.
Nasa cast din ng The Delivery Rider sina Euwenn Mikaell, Jake Cuenca, Jennica Garcia, JC Alcantara, Joem Bascon, Richard Quan, Christian Vasquez, at Soliman Cruz.
Bukas, Oktubre 30, Huwebes, ay streaming na ang Lasting Moments nina Sue Ramirez at JM de Guzman.
Sa Nobyembre 6, Huwebes, ang streaming ng MMFF 2024 entry na Isang Himala, starring Aicelle Santos, Bituin Escalante, David Ezra, and Kakki Teodoro.
Sa Nobyembre 20, Huwebes, ang streaming ng Flower Girl nina Sue Ramirez, Martin del Rosario, at Jameson Blake.
TOP 10 MOVIES ON NETFLIX
Ang Top 10 Movies in the Philippines Today sa Netflix:
- The Delivery Rider
- The Elixir
- A House of Dynamite
- Attack 13
- 28 Years Later
- Karate Kid Legends
- KPop Demon Hunters
- Telaga Suriram
- A Quiet Place Part II
- The Time That Remains