JERRY OLEA
Best supporting actor si Migs Almendras sa first CineSilip filmfest para sa pagganap niya bilang makisig na si Maki sa pelikulang Dreamboi.
Sa istorya, sinusuyo ni Maki ang trans woman na si Diwa (EJ Jallorina).
Ano ba ang sexual orientation ni Maki — straight, fluid, pansexual, or what?
Read: PBB Celebrity Collab Edition 2.0: Meet the 20 housemates
“I think, sa movie na yan, pag pinag-uusapan namin, may pagka-fluid,” tugon ni Migs nang makatsikahan ng PEP Troika bago ang awards ceremony ng CineSilip noong Oktubre 27, 2025, Lunes, sa Viva Cafe sa Cubao, Quezon City.
“Almost pans [pansexual] na nga siya, almost, halos, ano? Very open siya. Ganun ko siya ika-classify.
“The direction for me was… sabi ni Direk [Rodina Singh] sa akin, ‘Migs, kung gagawin mo ito,’ and I always say this sa mga talk back, ‘kung gagawin mo ito, gusto ko na ano siya, golden retriever.’ ‘Ha?’ ‘Golden retriever.’
“Kailangan charming, lovable. ‘Ganun ka, ikaw yung officemate na pinagpapantasyahan,’ na ano ba yung fantasy na iyon?
“So lahat kami, we represent certain fantasies in the imagination of people.”
Maamo sa tao ang golden retriever. Naka-relate siya sa ganoong gawi?
Tugon ni Migs: “Siguro ano, in terms of the character doon kay Maki, kung nakaka-relate ba ako kay Maki, ang sagot ko diyan is yes and no.
“Because, yes, in terms kung papaano siya as a person, chill lang siya, very relaxed siya. Ahh in some way, that is me.
“The no aspect is kung papaano yung demeanor niya na very bubbly, kung paano siya manamit. That’s not me.
“Nagpa-piercing ako para sa role na ito. Nag-suggest ako na magpakulay.
“Kasi nga, nung binabasa ko yung karakter, parang sabi ko, hindi ko alam kung ano ba ito. Ano bang karakter ito? Hindi ko ma-gets masyado.
“So, yun ang sagot ko doon kung naka-relate ako kay Maki.”
IS MIGS ATTRACTED TO TRANS WOMEN IN REAL LIFE?
Sa totoong buhay ba, na-attract na siya sa isang trans woman?
“Of course, trans women are beautiful. In fact, dito sa pelikula namin, there are fine and beautiful women there,” mabilis na sagot ni Migs.
“When I say attract, it’s very clear for me na when you see beautiful things, you acknowledge beautiful things. And that’s how simple it is.”
Pero yung sexual attraction or desire na makipagniig sa trans woman?
“I’ve never really encountered that kind of thing so far,” sambit ni Migs.
“Siguro the most I would say is that, ‘Uy! Ang hot niya, ang sexy niya!’ Tapos pag may nagsabi sa akin na trans siya, ‘Ahh OK.’ Pero I don’t dive into it, if that’s the word.”
Meron na bang trans woman na humarot o lumandi sa kanya? Nagpahiwatig ng pagnanasa sa kakisigan niya?
“I think naman it’s normal. Desire is normal. And I have in the past experiences,” pagtatapat ni Migs.
“Not just in the Philippines, but siyempre pag nagta-travel ka abroad. Lalo na sa Thailand, di ba?”
Na-curious ba siya na i-try makipagtalik sa trans woman?
“Oh, never. I never tried. Actually, pinipilit nga nila ako, ‘Try mo!’”
Paano niya hina-handle sakaling ayain siya ng isang trans woman na makatikiman? Paano niya tinatanggihan para hindi ito ma-offend?
Natigilan sandali si Migs bago nagturan: “Sinasabi ko talaga, ‘Maliit po t*t* ko, huwag po ako.’ Di ba? Tapos natatawa sila.
“I’m just deflecting it in a humorous way possible… ganito lang naman iyon, e. Ahh, the community itself is already hidden.
“Tago na sila. Kulang sila sa representation. And to deny them, and to blatantly put them down through words like, ‘Ay! Di kita type!’
“Or, you know, it’s really hurtful as it is. So, may tamang paraan yan.
"In any other circumstances, in any situation, lahat ng bagay, pag dinecline mo at pagtanggi mo, may tama at mas magandang paraan iyan.”
Read: Raymart Santiago breaks silence on Inday Barretto's allegations
NOEL FERRER
Dalawa ang hombre ni Diwa (EJ Jallorina) sa pelikula—si Dreamboi (Tony Labrusca) at si Maki (Migs Almendras).
Naghubad si Dreamboi at nakipagpuksaan kina Diwa at Lilith (Jenn Rosa).
Si Maki, hindi nagtalop sa pelikula. Sa photo shoot lang na pam-promo siya may pa-topless. Bitin sa movie!
Natatawang sabi ni Migs: “Actually, iyon talaga ang dahilan kaya nag-pictorial. Kasi nga, napansin namin na, ‘Alam mo, feeling ko, magagalit ang mga tao na wala.’ ‘Oo nga, ano?’ ‘Tara, mag-promo na lang tayo.’
“So, dinaan namin sa promo iyon… nabitin ba kayo kay Team Maki?”
Nagpakitang-gilas si Migs sa dalawang VMX series, ang High (School) On Sex at An/Na. Mas mapangahas siya kesa kay Tony.
Napangiti si Migs: “Pero iyon po, I think, yung buong fantasy, e. Kumbaga, iyan ang kagandahan ng pelikula namin na yung dulo, kung mapapansin mo, may mga sex scenes doon.
“Dahil nga sa nangyari sa pelikula namin, part na ng proseso ng pelikula yung MTRCB, it is part of our DNA.
“So, anong ginawa ni Direk Rodina? ‘E, di takpan ko yung mga puwet na yan at ano.’ Nilagyan niya ng censorship.
“So I think, part iyon ng artistry nung pelikula.”
Read: Bulusan mayor clears Heart Evangelista of blame over Vice Ganda’s “bulok” school remark
GORGY RULA
Nagbiro si Sassa Gurl na kesyo nainggit siya kay EJ Jallorina nang mapanood ang glorious scene nito with Tony Labrusca sa Dreamboi.
Joke-joke ni Sassa Gurl, deserving ma-X ang Dreamboi.
Sa pananaw ni Migs Almendras, dasurv ba ng Dreamboi na ma-X nang dalawang beses sa MTRCB?
“Actually, no. For me, R-18 is always the goal. So, pag iniisip namin yung X-rating na yan, I still up to this day don’t know,” pahayag ng aktor.
“Kasi si Direk lang ang nakakaalam talaga nung specifics nung X-rating na yan.
“Ang masasabi ko lang is the X-rating, tulad ng sinabi ko kanina, it’s really part our DNA already.
“The way the film… actually even now, people have been fantasizing sa talk back. ‘Meron bang director’s cut itong pelikulang ito? Meron ba ito? Meron ba?’
“Ang laging sinasagot ni Direk Rodina is very simple, ‘Iyan na yon. Because I will leave it to your fantasy, to your Dreamboi kung ano kaya ang director’s cut nito.’
“At siya lang ang nakakaalam nun. So that in itself is really like art imitating life itself.
“So, yun yung mga metaness nung pelikulang ito.”
Read: Dreamboi, dalawang beses na-X ng MTRCB bago nabigyan ng R-18
DREAMBOI X-RATING A BLESSING IN DISGUISE
Nakatulong ba sa promo ng Dreamboi na dalawang beses itong na-X ng MTRCB? Parang blessing-in-disguise dahil umingay?
“Oo. Look, I mean… alam naman natin na any publicity, whether good or bad, is good publicity,” saad ni Migs.
“And in this case, it really did help, yung entire X-rating niyan. Umingay talaga siya.
“Pero inaamin ko, sa mga chat namin towards the... I think the night before or the day before the actual premiere ng festival, siyempre kinakabahan na lahat ng tao.
“Lalo na sa team namin, kabadung-kabado.
“So, baka isipin lang nila na sinadya namin na — no, no, no! Genuinely one time umiiyak si Direk Rodina.”
Humakot ng walong tropeyo ang Dreamboi sa awards night ng CineSilip 2025.
Wagi ito sa mga kategoryang best film, best director (Rodina Singh), best supporting actor (Migs Almendras), best cinematography (Malay Javier), best editing (Arnex Nicolai), best production design (Chips Dai Abando), best sound (Immanuel Varona & John Buquid), at Audience Choice Award.
Yung Haplos sa Hangin na na-X din ng MTRCB sa unang review ay nakaapat na tropeo.
Nakadalawa ang Pagdaong, samantalang nakaisa ang Maria Azama: Best P*rn Star.
Kasama rin si Migs sa cast ng bagong pelikula ni Direk Rodina, ang Multwoh, na isa sa pitong kalahok sa Puregold 2026 Cine Panalo Film Festival.
Bida sa Multwoh sina Sassa Gurl at Martin del Rosario.
Read: Dreamboi, humakot ng awards sa 1st CineSilip Film Festival