Trigger Warning: Mention of sexual harassment
JERRY OLEA
Nagbida ang PangPang (Ian Pangilinan + Paolo Panglinan) tandem sa eight-episode Pinoy BL series na Gaya sa Pelikula, na idinirek ni JP Habac mula sa panulat ni Juan Miguel Severo.
Ipinalabas iyon sa YouTube noong Setyembre-Nobyembre 2020, at nag-streaming sa Netflix Philippines umpisa Enero 2021.
Read: Quezon: The Movie vs History
THE SEXUAL HARASSMENT ISSUE
Hunyo 20, 2021 nang magpayanig ng tweets si Paolo kaugnay sa sexual harassment, kung saan nadawit si Juan Miguel.
Read: Paolo Pangilinan accuses Juan Miguel Severo of alleged harassment
Oktubre 5, 2022 nang mag-streaming sa Vivamax Plus (VMX Plus na ngayon) ang erotic film na Two and One kung saan co-star ni Paolo Pangilinan sina Miggy Jimenez at Cedrick Juan, sa direksiyon ni Ivan Andrew Payawal.
Gumanap si Ian Pangilinan bilang Francis, panganay nina Kiko (Nonie Buencamino) at Odette (Agot Isidro) sa MMFF 2022 official entry na Family Matters.
May cameo si Juan Miguel Severo sa pelikulang Love You Long Time, na isa sa walong entries ng 1st Summer MMFF noong Abril 2023.
Bida sa Love You Long Time sina Carlo Aquino at Eisel Serrano, sa direksyon ni JP Habac. Nag-streaming iyon sa Netflix umpisa Agosto 18, 2023.
Read: Dondon Nakar, '70s matinee idol and Apat Na Sikat star, dies
IAN PANGILINAN IS NOW A FILMMAKER
Balik-pelikula si Ian Pangilinan sa Patay Gutom (Dead Hungry), isa sa pitong kalahok sa Puregold 2026 Cine Panalo Film Festival (CPFF).
Magkatuwang sila ni Carl Papa bilang direktor at manunulat ng Patay Gutom.
“Ever since po kasi, noong bata pa lang ako, I’ve always wanted to make movies,” lahad ni Ian noong Oktubre 25, 2025 sa Gateway Cineplex 18, Cubao, Quezon City.
“So whether it be acting, whether it be directing or writing, all of them really… were just so interesting, and like beautiful for me.
“So, yun po, this is gonna be my first venture into the form, so super-exciting po.”
Matapos ang pelikulang Family Matters, sumabak sa teatro si Ian, at nag-aral maging good filmmaker.
“I would meet with different directors, meet with different writers, meet with different people who are behind the camera to kind of really understand what it means to make a good film,” saad ni Ian.
“So, ito po ang fruit nun. Ha! Ha! Ha! Ito po ang kumbaga ang test of lahat ng natutunan ko po sa kanilang lahat.
“And I will make sure to thank each and everyone of you guys... once nagawa namin ito.”
Matagal na bang gusto niyang magdirek?
“Yes naman po. Kumbaga, whenever I’d watch movies po kasi, I would always be interested kung paano siya ginawa, how ginawa iyong buong concept and all of that stuff,” pagtatapat ni Ian.
“So, more than just acting, more than just, you know, wanting to be in front of the camera or all of those things, kumbaga yung No. 1 po talaga is just making art.”
Experimental and crazy ang Patay Gutom, sabi ni Ian.
Kuwento ito ng “love in different forms” — para sa pamilya man, o gay love.
Ano ang inspirasyon niya sa Patay Gutom? Bakit ito ang napili niyang gawin?
“Siguro ang main inspiration ko po talaga is… dumarating na po ako sa edad na medyo tumatanda na iyung parents ko,” sabi ng 28-anyos na si Ian.
“Nararamdaman ko na po talaga yung kaba, and I think more than anything, yung pagmamahal ko sa kanila.
“Ito siguro yung love letter ko sa kanila na parang, you know, I’ve always wanted to make movies to make them proud, to make them happy.
“And to hopefully create something that’s very beautiful and nice. So, ito talaga ang pinakaalay ko sa kanila, itong pagtaya ko sa film directing.
“Na it’s one big love letter to my parents.”
Read: Manny Pacquiao reacts to being seen with Jinkee at Eman's match
NOEL FERRER
Naapektuhan ba siya nang maudlot ang sequel ng Gaya sa Pelikula dahil sa isyu kina Paolo Pangilinan at Juan Miguel Severo?
“I think, you know, at the time, sobrang thankful lang po talaga ako na… we were able to give the opportunity for love stories like that,” tugon ni Ian Pangilinan.
“We were able to give life to those kinds of characters. And siguro po, doon na lang ako nagpo-focus.
“Na, you know, I’d just focus I guess on the love that was shared.”
Sa tinagal-tagal niya sa showbiz, may na-experience ba siyang gaya ng pinagdaanan ni Paolo?
“Grabe naman pong question yan… Siguro po, ang sa akin po, I just really focus on, like, all these different stories I wanna tell,” sambit ni Ian.
“Yun lang po.”
Open pa ba siyang gumawa ng BL project? “Of course. Why not? Kumbaga, love story po iyan na celebrating love in different forms.”
Malaki ang tiwala ko na marami pang kahusayan ang puwedeng ipakita ni Ian.
Active na siya sa teatro sa Tanghalang Ateneo noon pa. Ngayon naman, magdidirek na siya ng pelikula.
Nandito lang tayo lagi na nakasuporta kay Ian!!!
Read: Dustin Yu evasive about real score with Bianca De Vera
GORGY RULA
Maikli pero markado ang role ni Ian Pangilinan sa MMFF 2022 official entry na Family Matters na pinagbidahan nina Noel Trinidad at Liza Lorena, kasama sina Nonie Buencamino, Nikki Valdez, Mylene Dizon, at JC Santos.
“Love that film! Love everybody on that film!” bulalas ni Ian.
Sa teatro, lumabas siya sa productions ng Rent at Bar Boys: The Musical.
“Kumbaga sa theater po kasi, sobrang mahahasa yung skills mo in how to perform, and yung disiplina po talaga,” pahayag ni Ian.
“Yung disiplina ng i-memorize mo yung buong script na iyon, e. Tapos ipe-perform mo night after night to like hundreds of people.
“So ayun po, lahat ng mga natutunan ko sa teatro, mai-apply ko dito.”
Maliban sa pagdidirek ng Patay Gutom, kasama siya sa cast ng pelikula. Sinu-sino ang co-stars niya?
“We’ll make some announcements po very soon. Very exciting po ang aming cast,” sabi ni Ian.
“Some of these people, I really look up to. As in pinapanood ko po sila, nasa school pa lang ako, alam mo yun?
“And parang dream ko po silang makatrabaho ever since.”
Ang anim pang kalahok sa Puregold 2026 CPFF ay Wantawsan ni Joseph Abello, Mono No Aware ni BC Amparado, Apol of My AI ni Thop Nazareno, Beast ni Lawrence Fajardo, Stuck on You ni Mikko Baldoza, at Multwoh ni Rodina Singh.
Bawat full-length film ay may PHP5M grant mula sa Puregold. Ang festival director na CPFF ay si Chris Cahilig.