GORGY RULA
Mainit ang pag-welcome ng TV5, kasama na rito ang MQuest Ventures at MQAA Artist Agency, sa iginagalang na starmaker na si Johnny Manahan — na mas kilala sa industriya bilang Mr. M.
Sa harap ng mga inimbitahang entertainment press, nagkaroon ng mock contract signing at opisyal na siyang tinanggap bilang bahagi ng Kapatid network.
Si Mr. M ang nagdidirek ng daily countdown show na Vibe, kung saan naka-showcase ang mga inilunsad na talents ng TV5.
Present sa grand welcome kay Mr. M ang ilang Kapatid talents na bahagi ng programang Vibe.
Ilan sa mga kilala naming dumalo ay sina Cedrick Juan, Dylan Menor, Ryle Santiago, at Queenay Mercado.
Bukod sa chairman ng MediaQuest na Mr. Manny V. Pangilinan (MVP), naroon din ang iba pang top executives ng Kapatid network na sina Ms. Sienna Olaso, Ms. Jane Basas, Mr. Jeffrey Remigio, at Mr. Guido Zaballero.
Read: Mr. M kumpirmadong umalis na sa GMA, pipirma sa TV5
MR. M BRINGS HIS MAGIC TO TV5
Kabilang daw sa mandato ni Mr. M ang magtatag ng "world class" artists' center.
Bahagi ng speech ni Mr. M: “MVP has given me a mandate to build a world-class, in-your-face artists center that would discover and train the artists in the new decade.
“Because MVP knows that it is stars that are at the center of the content-making business. Not the directors, not the writers or scripts — stars.
"No stars, no content. You better believe it.
“We will be in the business of starmaking.”
Kung nabuo ni Mr. M ang Star Magic sa ABS-CBN at ang Sparkle sa GMA Artist Center, pinag-iisipan daw nilang palitan ang pangalang MQAA Artist Agency ng Kapatid network.
“We were thinking of the name Starworx,” pagbabahagi ni Mr. M.
Read: Johnny Manahan's Night of 100 Stars party, a nostalgic reunion
JERRY OLEA
Sa question-and-answer ng entertainment media, pinakiusapang walang tanong tungkol sa GMA-7, na pinanggalingan ni Mr. M.
Pero nakakaintriga pa rin ang ilang pahayag ni Mr. M.
May binanggit kasi siya tungkol sa "masusungit" na katrabaho.
Aniya, “Ang hirap kasi pag mga kasama mo masusungit. Ang hirap magtrabaho.
"So, pag kasama mo sila… Ayan sila Jeff, mabait, e. So far.”
Hindi na binigyan ng chance si Mr. M na sumagot nang mag-follow-up ng tanong si Janice Navida tungkol sa masusungit na katrabaho.
MR. M ON MVP
Natutuwa raw si Mr. M dahil madali lang ang naging pag-uusap nila ni MVP at kaagad silang nagkasundo.
Kuwento niya: “About three months ago, narinig ko na baka nangangailangan sila ng tulong, and I went over and spoke to Mr. Pangilinan.
"Madaling kausap. You know, white is white, black is black.
“Walang ano, walang tinatago. All aboard. And siguro five minutes lang, nagawa na namin yung ano…
"I mean, nasabi ko na ang gusto kong sabihin sa kanya about how I can help in the organization. Madali lang. Mabilis.”
Read: Joy Barcoma defends her Miss Earth 2025 typhoon speech against critics
NOEL FERRER
Binanggit nina Mr. M at Jeff Remigio na ilan sa mga Kapamilya stars na makakatrabaho nila sa MQuest Ventures ay sina Piolo Pascual, Andrea Brillantes, at Enrique Gil.
Si Piolo ang bida ng pelikulang Manila’s Finest na entry ng MediaQuest sa MMFF 2025.
Wala pa silang sinasabi kung may iba pa bang Kapamilya artists na posibleng sumunod kay Mr. M.
Hindi malinaw kung sa pelikula lang ito o pati sa mga teleserye lalabas ang Kapamilya stars.
May narinig din kaming inaayos na raw ang pagbabalik ni Derek Ramsay sa TV5. Totoo kayang magbabalik-showbiz si Derek at sa TV5 ito mangyayari?
Napangiti lang si Mr. M at ang sabi nito, “Ahhh ahhh ahhh… ganun na!”
COMING SOON: TV5 BALL
Kagaya ng ginawa ni Mr. M noon sa Star Magic at Sparkle, abangan din daw ang magarbo at eleganteng ball na mangyayari rin sa mga Kapatid artists.
“Abangan niyo yan. Meron yan. Maybe next year na.
"Ayusin muna namin yung mga dapat ayusin, and part of the rebranding is, yeah, mga ball, mga okasyon na ganun para ma-showcase naman yung mga bata and konting happiness…
"Abangan niyo talaga yun. Mangyayari yun,” sabi pa ni Mr. M.
Read: Felicia Atienza says Emman's death gave her "the deepest pain"