GORGY RULA
Hindi padded, at tama ang inilabas ng Star Cinema na press release na naka-PHP10.5M ang first-day earnings ng pelikulang Meet, Greet & Bye.
Nagbukas ang pelikula sa mahigit 460 sinehan noong Nobyembre 12, 2025, Miyerkules.
At ngayong Huwebes, Nobyembre 13, ay may 510 cinemas na ito worldwide.
Ayon sa ilang reliable sources na napagtanungan ng PEP Troika, maganda raw ang simula ng first day of showing ng Meet, Greet & Bye.
Inaasahan nilang lalakas pa ito kinagabihan, pero hindi pala. Madalas kasi kapag drama ay may hatak pa ang night crowd.
Read: Eman Pacquiao opens up about being acknowledged by dad Manny Pacquiao
Hindi lang alam kung ilang block screening sila sa unang araw, pero okay na rin at naka-PHP10.5M ito, kahit ang target daw talaga nila ay maka-PHP25M.
Inaasahang lalakas pa ito dahil maayos ang pelikula, at marami ang makaka-relate.
Magagaling pa ang cast ng pelikula, lalo na si Joshua Garcia.
Mukha namang may word of mouth dahil magaganda ang feedback na naririnig namin sa naturang pelikula.
Drama movie pa ito, kaya puwedeng humataw hanggang weekend. Sana!
Read: AJ Raval, umaming lima na ang anak; tatlo kay Aljur Abrenica
NOEL FERRER
Nagbayad ako para suportahan ang pelikulang ito on its first day at kasama ako sa PHP10.5M gross nito, mga ka-PEPsters!
Tama ka, Gorgy, standout si Joshua Garcia na napakanatural umarte.
Kaila Estrada and Belle Mariano also caught my attention dahil umangat din ang kanilang presence sa pelikula sa gitna ng taas ng energy ng lahat.
It has the usual elements of the Star Cinema family drama na mala-Seven Sundays.
Sana, mas lumakas pa ang pelikula in the coming days.
Of course, in the tradition of Hello, Love, Again, we would want this to be a big box-office hit before the 51st Metro Manila Film Festival (MMFF)!!!
Read: Comedienne, aalis na sa daily show; papalitan ng dramatic actress
JERRY OLEA
Maliban kina Joshua Garcia, Kaila Estrada, at Belle Mariano, nasa cast ng family drama film na Meet, Greet & Bye sina Piolo Pascual, Juan Karlos, at Maricel Soriano.
Andiyan din sina Kaori Oinuma, Matet de Leon, Jeffrey Tam, Madz Nicolas, Marnie Lapus, Kit Thompson, Zeke Sarmiento, KD Estrada, at Robbie Jaworski, sa direksiyon ni Cathy Garcia-Sampana.
Ayon sa reliable source na nakausap ko, as of Wednesday, 6:00 P.M., ay naka-PHP4M na siya noong araw na iyon.
Ang daming block screenings noong Wednesday night, kaya hindi kataka-takang umabot sa PHP10.5M ang kinita nito sa unang araw.
INTERNATIONAL SCREENINGS OF MEET, GREET & BYE
Simula ngayong Nobyembre 13, Huwebes, ay palabas na ang pelikula sa Australia, New Zealand, at Middle East, at mapapanood na sa U.S., Canada, at Guam simula bukas, Nobyembre 14, Biyernes.
Mapapanood din ito sa UK, Ireland, at Austria sa Nobyembre 15; Italy at France sa Nobyembre 16; Greece sa Nobyembre 22; at Spain sa Nobyembre 23.
Ipapalabas din ito sa Hong Kong, Macau, Singapore, Brunei, at Papua New Guinea ngayong buwan at sa Cambodia sa Disyembre 12.
Tingnan natin kung raratsada pa ang Meet, Greet & Bye sa local cinemas this weekend.
Sa Nobyembre 19, Miyerkules, ay inaasahan na nating magpapayanig sa takilya ang Wicked: For Good nina Cynthia Erivo, Ariana Grande, at ang People’s Sexiest Man Alive 2025 na si Jonathan Bailey.
Nananabik na rin tayo sa pag-arangkada ng Avatar: Fire and Ash umpisa Disyembre 17.
Siyempre pa, susuporta tayo sa 51st MMFF umpisa Disyembre 25, Christmas Day.
Read: Maricel Soriano comments on younger stars’ treatment of veterans