GORGY RULA:
Tiyak na magiging proud si Dulce sa anak niyang si David Ezra kapag mapanood niya ang bagong musical play na bida ito, ang Jeproks The Musical.
Nag-opening night ang musical noong Nobyembre 20, 2025, Huwebes, sa GSIS Theater, J.W. Diokno Blvd., CCP Complex, Pasay City.
Maganda ang Jeproks musical kunsaan tampok ang mga awit ni Mike Hanopol at ng legendary Juan dela Cruz band.
Magaling si David na lumaban ng biritan kay Jett Pangan.
Nakatsikahan ng PEP Troika si David pagkatapos ng kanyang pagtatanghal. Sabi niya sa amin, hindi siya gaanong kinabahan sa bagong musical play niya.
Sa tagal na niya sa pagpe-perform, gamay na niya ang trabaho sa entablado. Sobrang na-enjoy raw niya ang mag-perform sa stage.
Read: Ellen Adarna shows convo with Derek Ramsay's ex-girlfriend
DAVID EZRA DREAMS OF WORKING WITH NADINE LUSTRE
Pero natuwa rin daw siya nang umarte siya sa harap ng camera nang ginawa niya ang Isang Himala na kalahok sa MMFF 2024.
Sa susunod na taon, gusto rin niyang maghanap ng oportunidad sa pag-arte sa pelikula o TV shows.
Sabi ni David: “Nung nag-shoot po ako ng Isang Himala last year, sobrang na-enjoy ko po siya, e.
Kaya gusto ko sa coming year 2026, mas mag-focus more sa film and sa TV. Iyun po ang balak ko. Kasi, mga 16, 17 years na po ako sa theater, e.
"Na-enjoy ko yung shooting with camera. Sabi ko, ‘Uy! Iba din.’
Sino sa mga kilala nating aktres ang gusto niyang maka-partner? Ang mabilis niyang tugon, si Nadine Lustre. Ito raw ang unang pumasok sa isip niya.
Isa si David sa mga tagahanga ng premyadong aktres dahil magaling daw talaga itong umarte.
“Gusto ko ng romantic drama ganyan, yung may ka-loveteam. Kasi dun po ako nag-start,” sambit ni David.
Nakangiti pang paliwanag niya: “Feeling ko, ganun din po yung forte ko, e. It’s easy for me to work with someone same energy.
“Kapag may katambal kang babae, mas madali to work with that, e. Pero gusto ko rin ng character acting like dun sa Himala. Character actor ako dun.
"Kumbaga, gusto ko lang ma-try kung ano yung opportunity meron. Huwag lang hubaran. Hindi ko po kaya yun, e. Hindi ko po personality yun.
"Pero I’ll do anything like characters, like romantic lead, kaya ko pong gawin yun."
ON MOM DULCE
Kapag nasa showbiz na siya, hindi maiwasang maiintriga siya lalo na kapag mapag-usapan na naman ang isyu nilang mag-ina.
OK lang ba sa kanya kung manonood ang mommy niya ng Jeproks The Musical?
Noong huling nakatsikahan namin si Dulce, sinabi niyang gusto talaga niyang mapanood itong bagong musical ni David.
Read: Dulce, inaming may gap sila ng anak na si David Ezra
“Of course! Wala pong problema dun. Of course, I’d love if she would watch!” bulalas ni David.
“Pero alam ko po busy rin siya ngayon, nasa abroad din siya, Nagko-concert tour siya.
“Pero, of course, gusto ko po palagi kung kaya niyang manood. So, why not, di ba? I-invite ko po siya siyempre,” sabi pa ni David.
JEPROKS THE MUSICAL SCHEDULE
Palabas pa ang Jeproks The Musical ngayong Nobyembre 22, Sabado, 2:30 P.M. at 7:30 P.M. Nobyembre 23, Linggo, 2:30 P.M. at 7:30 P.M.
Ang iba pang schedule ay Nobyembre 27, Huwebes, 7:30 P.M. Nobyembre 28, Biyernes, 7:30 P.M. Nobyembre 29, Sabado, 2:30 P.M. at 7:30 P.M.
Read: Miss Jamaica Gabrielle Henry, isang linggong mananatili sa ICU
JERRY OLEA:
Hindi na bago kay David Ezra ang mga dulang may socio-political statement kagaya ng Jeproks The Musical na ang setting ay late ‘60s hanggang deklarasyon ng martial law noong Setyembre 21, 1972.
Ginawa niya sa Tanghalang Pilipino ang Mabining Mandirigma kunsaan gumanap siyang Emilio Aguinaldo, at Aurelio Sedisyoso: A Rock Sarswela.
Nag-alternate sila ni Arman Ferrer bilang Ah Tiong sa Binondo: A Tsinoy Musical na idinirek ni Joel Lamangan.
Eight years ago pa huling lumabas si David sa stage musical na socially relevant. After that ay nag-Hong Kong Disneyland siya for three years.
Iyung Little Shop of Horrors na ginawa niya ay comedy.
Ang ganda ng dynamics nila ni Jett Pangan bilang mag-ama sa Jeproks The Musical.
“Nakatrabaho ko na po siya sa events before, pero this is the first time sa musical,” sambit ni David. "Dito po kami mas nakakapag-usap talaga.”
Nakaka-goosebumps nang kantahin ni Jett ang "Laki Sa Layaw."
Nagkasapawan ba sila? “Ay! Hindi po! Wala po! Kahit anong mangyari, si Jett Pangan po iyan!” bulalas ni David.
“Mula nang bata ako, idol ko na iyan. Saka iyon po ang ayon sa story, e. Maganda, e. Siya yung tatay ko, tapos sinusumbatan niya ako.
“So, it’s within the context of the story. Hindi naman po ako ang puwedeng kumanta nun…”
Nahirapan ba siya sa wig niya sa musical?
“Hindi naman po. Kasi, nung college ako, ganun po yung buhok ko, e. Ganun mismo. Mahaba na kulut-kulot iyong buhok ko dati,” pahayag ni David.
“Kumbaga, familiar yung feeling. Mahirap lang po pag sa mata umabot pero familiar yung feeling, so alam ko naman po siya na ihawi-hawi.
“Or yung pakiramdam, hindi na po bago sa akin.”
Sa unang presscon ng Jeproks The Musical noong Hunyo 17, 2025 sa Max’s Sct. Tuason St., Quezon City, binubuo pa lang ng playwright na si Nicolas Pichay ang script.
Nagulat ba siya kung paano nag-evolve ang kuwento, na fictional account ng buhay ni Mike Hanopol?
"Medyo po. Pero ang maganda po, hindi po siya lihis doon sa tema,” pagmamatwid ni David.
“Meron po kasing musical na ginagawa, tapos lihis sa tema, e. Pero ito po talagang kumbaga, it’s like iyung life story ni Mike Hanopol.
“Fictional siya pero similar kung paano nag-start si Mike Hanopol and Juan de la Cruz Band, e.
“Nagtrabaho siya sa Amerika, ginawa lang Japan dito. Pero kumbaga, same iyong sumali sa banda, away-bati. Isyu sa tatay.
“Pati iyong tumugtog sa Luneta noong panahon ng martial law, mga ganun po. So it’s fictional pero similar po sa story ng buhay ni Mike Hanopol.”
Naka-relate ba siya in a way sa kuwento?
Napabuntong-hininga si David, “Hindi naman po. Kasi ako, kumbaga, ayoko namang sabihin na nepo baby ako.
"Pero kumbaga, blessed ako na hindi po ako… Hindi naman po ako lumaki sa marangyang buhay, pero kumbaga, middle class.
“So hindi ko po masasabing napagdaanan ko yung paghihirap ng mga less fortunate na Pilipino. “
Tapos suportado ako ng magulang ko sa music. Noong sinabi kong magmu-music ako, natuwa yung parents ko.”
Music ang kurso ni David sa totoong buhay. Ang karakter niya sa musical, pinipilit ng biyudong ama na mag-Nursing at pinapalayo sa music industry.
Anong layaw ang naranasan niya noong lumalaki siya?
“Siguro, yung pinakalayaw, yung sobrang suportado ako. Never akong nagutom,” tugon ni David.
“Lagi akong may baon. Pero hindi ako umabot sa meron akong sasakyan sa school. Hindi ho. Nagko-commute ako hanggang college.
“Bumili ako ng sarili kong sasakyan noong nagtatrabaho na ako. So ganoon po, middle class pero hindi ako lumaking spoiled.
“Hindi po kami marangyang buhay. Hindi po dahil nasa showbiz both parents ko, marangya. Hindi po ganun.
“Maganda ang buhay namin pero hindi kami marangyang mamuhay. May kotse kami pero para sa aming lahat, pamilya.
“Hindi kami yung tigi-tigisang kotse. So buong college life ko, nagko-commute po ako.”
Maliban sa "Laki Sa Layaw: Jeproks," nasa musical ang mga kantang "Balong Malalim," "Tulungan Natin," "Umiikut-ikot," "Kayabangan," "Beep Beep," "Bayan ni Juan," at "Buhay Musikero."
Read:
NOEL FERRER:
Nick Pichay’s Jeproks The Musical follows the wild, winding journey of three friends — Mico (David Ezra), Willi (Jeffrey Hidalgo) and Paulo (Nino Alejandro) as they form the legendary Sikatuna Band.
At its core is Mico’s fight to chase his rock-and-roll dreams against the fierce disapproval of his father, Tatay Paking (Jett Pangan).
In his moments of doubt, he finds an unlikely muse in Liwayway, the enchanting Diwata of Rakenrol (Geneva Cruz), who embodies both magic and memory.
But fame is fleeting. After a disastrous gig in Japan, the band splinter. Willi returns to a warm but freeloading family, and Paulo drifts through the beaches of Siargao, numbed by a life without purpose.
When Mico meets Paz (Sheila Ferrer) in a protest rally, their lives take a turn as they realize how powerful music can be.
Set in the vibrant 1970s, Jeproks captures the soul of a generation during a time of political and social upheaval — when music was both rebellion and refuge.
Ang direktor ng Jeproks The Musical ay si Frannie Zamora, at ang musical director ay si Joed Balsamo.
Facebook post ng playwright na si Nicolas Pichay, “Although Jeproks tells the story of a previous generation, it seems to mirror current times. Like in the 70’s, we in the aughts are living in interesting, trying, frustrating, and often confusing times.
“Rate of change is fast in a digital age. People lag in adjusting to various societal developments. Whether from new technilogies to political developments, understanding of the world becomes overwhelming.
“In effect, people are questioning notions and assumptions — from gender to religion; government and leadership; individual decisions and community obligations.
“The story of Jeproks explores the place of rock music in the context of the youth questioning society in search of answers.
“This musical revisits the music of Mike Hanopol. But more than 70’s nostalgia, we hope to bring the spirit of and narratives in Hanopol’s music to heights of new meaning.
“Rock on!!!” Kumusta naman ang reaksyon ng mga tao sa musical na ito?
