JERRY OLEA
“Ito po talaga ang tatalo sa Wicked!”
Iyan ang paulit-ulit na biro ni Gladys Reyes matapos ang special screening ng pelikula niyang The Heart of Music noong Disyembre 2, 2025, Martes ng gabi, sa Cinema 5 ng Trinoma, Quezon City.
Himutok pa ni Gladys na gumanap bilang Madonna sa musical drama film na bida rin sina Robert Seña at Isay Alvarez: “Seseryosohin na naman ng mga citizen iyan?! Alam mo naman sila, mapagpatol!”
Ang istorya at latag ng The Heart of Music ay may bahid ng musical drama film na The Sound of Music (1965).
“Ako po personally, fan ako ng The Sound of Music pa before, di ba? Kaya when it was offered to me, sabi ko, wow!” bulalas ni Gladys.
“Kakaiba kumbaga. Kaya sana po, tulungan niyo kami. December 10 na po ito in cinemas nationwide.”
Read: Kim and Lakam Chiu’s memorable moments in 2025 before their legal battle
Ibang-iba ang characterization ni Madonna kay Maria (Julie Andrews) na nag-aaral para maging madre sa Nonnberg Abbey.
Iyong buhok ni Madonna sa pelikula ay mukhang inspired ng 10 years old na batang ulila na si Annie Warbucks (ginampanan ni Aileen Quinn) sa 1982 musical comedy drama film na Annie.
Ang naturang pelikula ay halaw sa 1977 Broadway musical na ganoon din ang pamagat, na ang source material ay ang American comic strip na Little Orphan Annie na nag-debut noong Agosto 5, 1924 sa New York Daily News.
THE HEART OF MUSIC TO END BOX-OFFICE REIGN OF WICKED: FOR GOOD?
Pero sa nasabing special screening, ang ayos ng buhok ni Gladys ay mala-Ariana Grande na gumanap bilang Glinda the Good Witch sa mga pelikulang Wicked at Wicked: For Good.
Ang Wicked: For Good ay noong Nobyembre 19 pa ipinalabas sa local cinemas.
As of this writing, ayon sa Box Office Mojo ay umabot na sa US$394M ang worldwide gross ng nasabing pelikula kung saan title role si Cynthia Erivo bilang Elphaba Thropp, ang Wicked Witch of the West.
Natawa si Gladys nang uriratin sa emeng prediksyon na itong The Heart of Music ang tatalo sa Wicked: For Good.
“Sineryoso ba talaga?! Ha! Ha! Ha! Ha! Actually, parang ang dinig ko nga, e ano, e, parang medyo na-stress si Ariana. Ha! Ha! Ha! Ha! Ha! Ha!” paghalakhak ni Gladys.
“Kaya ginaya ko na lang ang hairstyle niya! Ha! Ha! Ha! Ha! Siyempre, hindi iyan ang tanong mo. Pinatulan ko naman. Sorry naman!”
Read: Sugar Mercado on her journey from dancer to TV host to beauty queen
KULOT HAIRSTYLE
Sa The Heart of Music ay gumanap bilang nanay ni Gladys si Marissa Sanchez, na super-kulot ang buhok. Sa musical ba, kailangang kulot ang buhok?
“Hindi, hindi naman. Kasi parang… unang tanong ko iyan kay Sir Mario [Alaman, scriptwriter],” lahad ni Gladys.
“Sabi, ‘OK lang ba sa iyo, ito yung ano mo?’ ‘Ay! Parang Kirara!’ sabi niya. ‘Talaga, Direk?’ sabi ko. Hindi. Para raw maiba sa ibang mga ano ko.
“To be fair naman, wala pa akong ginampanang ganyan ako kakulot.”
Gumanap si Erika Ann Luna bilang Aetang si Kirara sa drama series na Kirara, Ano Ang Kulay ng Pag-ibig? na umere noong Agosto 1999 hanggang Nobyembre 2001 sa GMA-7.
Dagdag ni Gladys, “Gusto ni Sir Mario ng a different look. A different Gladys talaga na uy! Masa-shock sila. Bakit kulot? Ganyan.
“So, wala naman siyang kinalaman sa musical.”
Ang gumanap bilang tatay ni Madonna sa The Heart of Music ay si Rey “PJ” Abellana, at hindi naman ito kulot.
Nilinaw ni Gladys na ang characters nila ni Marissa sa movie ay hindi lahing katutubo, kundi may lahing kulot.
Hirit pa ni Gladys, ika-cast dapat sa pelikula si Kokoy de Santos bilang kapatid niya.
Dumalo si Kokoy sa premiere ng movie noong Oktubre 23 sa Cinema 3 ng SM Megamall, Mandaluyong City.
Sinabihan daw ni Gladys si Kokoy, “Dapat pala, ikaw ang kapatid ko dito. Pamilyang kulot! Hindi.
“Seriously, para maiba daw, sabi ni Direk. Never pa naman naka-portray ako na… kasi di ba, minsan, may tendency iyong mukha ko dahil kontrabida nga.
“So, may hairstyle ako na straight, or medyo may bali nang konti. Nagawa ko yun sa mga soap ko, e. Ako pa rin, di ba? Mukhang ako pa rin.
“Pero kung ganyan kakulot, aba! Iba! Parang may gulat factor. Parang iba naman.”
Tinapos agad ang open forum dahil may kasunod pang screening ng Wicked: For Good sa Cinema 5 ng Trinoma.
Sa labas ng sinehan, may standee ni Gladys kalapit ng poster ng Wicked: For Good.
Game na game ding nagpa-picture at nagpa-video si Gladys sa mga promo set-up ng nasabing Hollywood blockbuster.
Read: 41st Star Awards for Movies: Vilma, Aga, Dennis win top acting prizes
GORGY RULA
Na-excite si Gladys Reyes nang i-offer sa kanya ang role na Madonna sa musical drama film na The Heart of Music.
“'Is it really for me?' Iyon po ang una kong tanong, no. Kasi I thought, they really wanted a singer for that,” sey ni Gladys sa Q&A.
“Baka iyon ang kailangan na requirement because siyempre, musical po. But it’s an answered prayer for me because I really wanted to do a musical.
"Actually stage, no. Stage musical. But di ba, ang binigay pa ni God, movie pa talaga. Film.
“So I’m just grateful about it. And like what I’ve said, answered prayer. And forever thankful… maraming-maraming salamat po talaga for this opportunity.”
Maliban kina Gladys, Rey “PJ” Abellana at Marissa Sanchez, nasa cast ng The Heart of Music sina Robert Seña, Isay Alvarez, Angel Guardian, Jon Lucas, Elijah Alejo, Sean Lucas, Jopay Paguia, Joshua Zamora at Jennie Gabriel.
Kasama rin sa movie sina Hasna Cabral, Berna Cabrera, Angelica Bertola, Roven Alejandro, Andy Kunz, Stanley Abuloc, Angel Laco, Markhy Villas, Noleen Encarnacion, Jewel Sotelo, Ron Villanueva, at MJ Manuel, sa direksyon ni Paolo Bertola.
Pahayag ng scriptwriter na si Mario Alaman, “Ito po ay pampamilya na iniaalay namin po lalo sa panahon ngayon na marami nang mga bagay na hindi kasing-ayon tulad ng dati pagdating sa pamilya.”
Read: John Lapus no regrets choosing MMFF film Call Me Mother over TV series Roja
NOEL FERRER
Tatlong pelikulang Pinoy ang nag-open today sa mga sinehan — Jackstone 5, Ang Happy Homes ni Diane Hilario, at Nasaan si Hesus?.
Bida sa gay film na Jackstone 5 sina Eric Quizon, Gardo Versoza, Arnell Ignacio, Jim Pebanco at Joel Lamangan.
Starring sa Ang Happy Homes ni Diane Hilario sina Angeline Quinto at Eugene Domingo.
Exclusive sa SM cinemas ang musical na Nasaan si Hesus? kung saan tampok sina Janno Gibbs, Rachel Alejandro, Geneva Cruz, Jeffrey Hidalgo, Marissa Sanchez, Salome Salvi, Via Antonio, Chloe Jenna, Cecil Paz? at Bembol Roco.
Introducing dito sina Rachel Gabreza at Giani Sarita, at may special participation si Jerald Napoles.
Ang limang banyagang pelikula na nagbukas din today sa local cinemas ay ang Five Nights at Freddys 2, Eternity, Jujutsu Kaisen: Shibuya Incident x The Culling Game, Monsta X: Connect X in Cinemas, at Crayon Shin-chan: Our Dinosaur Diary.
DECEMBER 10 PLAYDATE
Aside from The Heart of Music, nasa December 10 playdate ang Scarlet.
Nasa December 17 naman ang Avatar: Fire and Ash.
OK lang ba kay Gladys Reyes ang December 10 playdate ng kanyang musical drama film?
Hindi ba siya afraid sa nalalapit na showing ng Avatar: Fire and Ash na idinirek ni James Cameron?
“Ang masasabi ko lang, Avatar lang siya! CG lang siya! Ito, totoong mga tao ito! Ha! Ha! Ha! Ha!” pagtawa ni Gladys.
“Hindi. Pero so far, OK naman po. Kasi, I heard, December 10, kami lang ang local, Filipino movie na lalabas on that day…
“Sana po, tangkilikin po ang sariling atin. Bigyan nyo naman po kami ng chance.
“At sabi ko nga sa inyo, kailangang malaman niyo kung bakit po kailangang panoorin ito.
“Kasi sinasabi ko sa inyo, tatalo talaga sa Wicked: For Good. Para malaman nila kung bakit ko nasabi iyon!”
Sa December 25 naman ang umpisa ng 51st MMFF na ang tema ay “A New Era for Philippine Cinema.”
Walong pelikulang Pinoy ang kalahok dito — Call Me Mother, Shake, Rattle & Roll: Evil Origins, Love You So Bad, Bar Boys: After School, Unmarry, Manila’s Finest, Rekonek, at I’mPerfect.
Read: Atom Araullo finally confirms he’s in a long-term relationship