GORGY RULA
Umani ng major awards ang pelikulang Uninvited sa 41st Star Awards for Movies noong Nobyembre 30, 2025, Linggo ng gabi, sa Makabagong San Juan Theater, Pinaglabanan Road, San Juan City.
Wagi ito sa mga kategoryang best picture, best director (Dan Villegas), best actress (Vilma Santos), best actor (Aga Muhlach), best ensemble, best cinematography (Pao Orendain), at best production design (Mic Tatad King).
Katabla ni Aga bilang best actor si Dennis Trillo para sa Green Bones.
Ang Uninvited ay iprinodyus ng Mentorque Productions ni Bryan Diamante.
Read: 41st Star Awards for Movies: Vilma, Aga, Dennis win top acting prizes
VILMA SANTOS'S 10TH STAR AWARDS FOR MOVIES BEST ACTRESS WIN
Sabi ni Bryan nang makatsikahan ng PEP Troika sa Christmas party ng Society of Philippine Entertainment Editors (SPEEd) noong Disyembre 1, Lunes, sa Rampa, Tomas Morato Avenue, Quezon City, sobrang saya ni Governor Vilma Santos-Recto sa pagkapanalo sa Star Awards for Movies bilang Best Actress.
Pangsampung Best Actress award na ito ni Ate Vi mula sa Star Awards for Movies: Pahiram ng Isang Umaga (1990), Dolzura Cortez Story (1994), Bata, Bata... Paano Ka Ginawa? (1990), Anak (2001), Dekada '70 (2003), Mano Po 3: My Love (2005), In My Life (2010), Everything About Her (2017), When I Met You In Tokyo (2024), at Uninvited (2025).
Marami raw talagang ginagawa si Governor Vi sa Batangas pero tiniyak ni Bryan na may gagawin ulit itong pelikula.
Hindi raw sa Mentorque, kundi sa ibang film production. Meron na raw napili ang Star For All Seasons.
“Ayoko naman siyang i-hoard,” napangiting pakli ni Bryan.
“I think meron na... malapit na yata sila. Meron nang ganun. She’s excited about that project also.”
Iba raw talaga ang energy ngayon ni Governor Vi sa kanyang mga ginagawa sa Batangas.
Sumusuko na raw sila minsan, pero si Governor Vi ay tuloy pa rin daw.
“Nagulat nga ako sa kanya, e. Kasi grabe ang energy niya ngayon. She’s back to public service, iba!
“Hindi nga kami makapag-keep up sa kanya, sa sobrang grabe yung energy niya when it comes to her job as a governor. Talagang non-stop.
“Nakikita niyo naman, napapansin niyo iba yung ang active niya ngayon,” sabi ni Bryan.
Maingat siyempre ang 72-anyos na si Governor Vi sa kanyang kalusugan.
“Alam kong nakakapagod. Pinipigilan na nga namin siya na magpasok ng schedule, tinatantiya na nga namin. Pero siya, hindi mo mapipigilan e,” dagdag ni Bryan.
Read: Pagkalas ng TV5 sa ABS-CBN, paano makakaapekto sa GMA-7?
JERRY OLEA
Noong Nobyembre 1 pa ini-announce ng Mentorque na gaganapin ang White Party Manila: Reignite sa Hunyo 27, 2026, Sabado.
Ito ang pinakamalaking Pride celebration sa bansa next year, at ang target venue ay ang World Trade Center sa Buendia Avenue, Pasay City.
Iimbitahan dito ang international circuits, partikular ang Taiwan at Bangkok.
Ang huling White Party ng Mentorque ay sa Greenfield District, Mandaluyong City.
Sa pagkakatanda ko ay 2015 iyon (or is it 2014?) at dumalo roon sina Vice Ganda, Eugene Domingo, KC Concepcion, Paulo Avelino, at iba pang celebrities na allies ng LGBTQIA+ community.
Rumampa roon sina Zeus Collins, Jhon Mark Marcia, at Kurt Kendrick.
Kabilang sa performers si Morissette.
THE RETURN OF WHITE PARTY
Sa pagbabalik ng White Party, tutulungan ng Mentorque ang adhikain ng Love Yourself Back. Ano ang tema ng White Party?
“Basically it’s white dahil we want to treat everyone equal, di ba?” tugon ng Mentorque producer na si Bryan Diamante.
“The LGBT flag is a rainbow flag but the White Party is where everyone comes in, and then just be yourself. And then united as one.
“Not just for the LGBT community but of course the allies of the LGBT community.”
Sa ngayon, ginagamit ang puti bilang kulay ng protesta laban sa katiwalian…
“Ang White Party is being celebrated around the globe naman. Noong nagwa-White Party tayo before, alam ko, meron iyong Pride March, di ba?” lahad ni Bryan.
“Kami noon, talagang ever since, there’s no political tema ang White Party.
“It’s all the celebration of unity and pride for the LGBT community. And we don’t allow political speeches.
“We just want to be there, be seen who we are. Di ba? Kasi alam naman natin, ang LGBT is everywhere, di ba?
“And we’re also movers and shakers. So, yung White Party is celebration ng Pride Month.
“It’s the culmination usually. That’s why it’s the last Saturday of June.”
Pagtatapat pa ni Bryan, marami ang gustong sumuporta sa White Party Manila: Reignite.
“Excited sila. Yung White Party ten years ago sa Greenfield, maraming foreigners na dumalo,” sey ni Bryan.
“Technically nga, it’s a tourism attraction. So hopefully, maraming performances. I hope to do a full production drag show in a really huge area.
“And hopefully, we’ll bring fashion designers to do a parang Victoria’s Secret, iyong mga dati nating kinaaaliwan.
“And then meet friends and allies.”
Read: Dennis Trillo wins best actor at 2025 Asian Academy Creative Awards
NOEL FERRER
Sabi nga ng Mentorque, White Party is the ultimate symbol of freedom, unity, and love. White Party Manila: Reignite is a night where everyone is welcome, and all are equal in white.
Ang 2026 edition ng White Party Manila ay bigger, bolder, and brighter than ever.
Expect top DJs, surprise celebrity guests, and dazzling lights as Manila once again becomes the heart of Pride in Asia.
Beyond music and dance, White Party Manila: Reignite stands as a symbol of equality and acceptance—a reminder that Pride is not just an event, but a declaration of who we are, what we believe in, and how far we’ve come together.
“Yung White Party po noong 2009 or 2010 sa Orosa-Nakpil [Manila] na pinasimulan ng Mentorque, street party iyon,” sabi ni Bryan Diamante.
“Actually nagsimula talaga akong mag-events. Doon ako nagsimula. Ako ay laking Orosa-Nakpil. Nagsimula akong mag-event sa mga bars doon.
“Iyon ang talagang pinagsimulan ko. Iyon ang aking background. And ngayon, sayang naman kung wala uling ganoong event.”
Read: 2025 MAMA: G-Dragon, Stray Kids, Rosé, ENHYPEN win Daesangs