GORGY RULA
Tapos nang i-shoot sa Cebu ang TV series na The Alibi kung saan bida sina Kim Chiu at Paulo Avelino.
“Umeere pa rin siya [sa Amazon Prime Video],” sabi ni Romnick Sarmenta na kasama sa cast.
“I think nasa Episode 14 last Friday.”
Read: Mon Tulfo defends brother Senator Raffy Tulfo amid indecent proposal allegation
Ilang episodes lahat ang The Alibi?
Pagbibiro ni Romnick: “782 ata. Hindi, joke! Ha! Ha! Ha! Hindi, hindi. Hindi ko rin kabisado kung gaano karami.
“Pero ano siya, e, we shot for thirteen, fourteen weeks sa Cebu. Nasa Cebu kami noong lumindol.
“Nagsu-shoot kami noon ng eksena… nag-stop shoot kami. Itinakbo kami sa isang area na ground level.
“Tapos bumagyo. So, inaalala namin, sabi namin, ‘Kawawa naman yung mga naguhuan ng bahay. Kasi, mababasa sila.’
“And I think that rain lasted for almost an hour, an hour and a half. Na-late pang dumating yung isang unit.
“Kasi parang nag-resume pa sila after nung lindol. Until sinabi nung hotel, ‘Hindi na ho puwede!’ Masipag nga kasi, e! Lumilindol na, nagtatrabaho pa.
“So, exciting yung araw na iyon mismo. Doon sa kinatatayuan nina Robbie [Jaworski], kasama ko sina Robbie at saka si Angelina [Cruz], e.
“So, yung kinatatayuan nilang kitchen, nabitak yung flooring, e. Kaya ayun, ‘Labas na tayo! Labas na tayo!’”
Noong Setyembre 30 ng gabi niyanig ng 6.9 magnitude na lindol ang Cebu, kung saan 79 tao ang kumpirmadong nasawi.
Read: Dustin Yu, nilinaw ang estado nila nina Bianca de Vera at Will Ashley
ROMNIC SARMENTA ON KIM CHIU'S "STORM" IN LIFE
Nobyembre 4 nag-mediacon ang The Alibi sa Trinoma, Quezon City.
Ipinalabas ang first two episodes nito noong Nobyembre 7, Biyernes, sa Amazon Prime Video.
Nandoon si Romnick sa set ng The Alibi nang may pinagdadaanang “unos” si Kim sa sister nitong si Lakam Chiu…
“Hindi niya sinabi sa amin. Alam mo, napakagaan din kasi nung taong yun, e. Di ba?” pahayag ni Romnick.
“Hindi siya magsasalita or magsasabi ng kahit anong makakapagpabigat sa trabaho.
“Pero anuman ang kalabasan nun, I want what’s best for her. Kasi mabait na tayo.”
Pero aware ba sila na may ganoong isyu sina Kim at Lakam? Matagal na yung naba-blind item. Alam daw ng mga malalapit kay Kim sa Cebu na dumalaw rito sa set…
“I met some of her cousins. Pero siyempre, pagka ganoong family yung dumadalaw, hindi naman kami tumatabi masyado,” saad ni Romnick.
“So they can talk in privacy. Well, ako, wala akong idea. Madalang akong magbasa ng showbiz items.”
Naapektuhan ba ang pagtatrabaho ni Kim sa set ng The Alibi?
“She’s very professional. She’s very professional. I think everybody in the cast is there professional!” bulalas ni Romnick.
“May mga oras na sobrang pagod na bumabagyo pa, pero once nagsabi, ‘O, ready na po tayo,’ lahat nagtatrabaho.”
Nainterbyu ng PEP Troika si Romnick sa MMFF 2025 Celebrity Golf Tournament noong Disyembre 9, Martes, sa Wack Wack Golf & Country Club, Shaw Blvd., Mandaluyong City.
Read: Kim Chiu sues sister Lakam for qualified theft
JERRY OLEA
Kasama si Romnick Sarmenta sa cast ng MMFF 2025 official entry na Manila’s Finest, kung saan bida si Piolo Pascual.
“Piolo is a hard-working guy. He’s a talented actor… he’s very easy to work with,” sabi ni Romnick.
“I’ve known him since That’s Entertainment. So, madali. Madali din yung ano.”
Umere ang youth-oriented program na That’s Entertainment noong Enero 1986 hanggang Mayo 1996 sa GMA Network. Nilikha ito ni German Moreno aka Kuya Germs.
Aside from Piolo and Romnick, nag-That’s sina Lea Salonga, Judy Ann Santos, Francis MAgalona, Isko Moreno, Ian Veneracion, Ruffa Gutierrez, Jestoni Alarcon, Sheryl Cruz, Manilyn Reynes, Lotlot de Leon, Tina Paner, Harlene Bautista, Rita Avila, at napakarami pang iba.
Read: DOJ junks missing sabungeros complaints vs Gretchen Barretto
THEN AND NOW
Nag-throwback kuwentuhan pa ba sila ni Piolo sa That’s Entertainment days nila? Ano ang kaibahan ng pagkakilala niya noon kay Piolo, kumpara sa ngayon?
“Sa tingin ko, pareho din ng pagkakaiba ko noon saka sa ngayon,” pagmamatwid ni Romnick.
“I mean, di ba? Noong time na iyon sa That’s Entertainment, mga teenagers kami. And you know, teenagers are always excited about life.
“Ano ang mangyayari bukas? Ano ang gagawin natin next week? Di ba?Ganyan naman, e.
“Pero yung stage nung buhay namin ngayon, pareho kaming magulang. Pareho kaming tatay. So, medyo mas seryoso nang konti.
“And I guess, madalang iyon.Yung for guys to go back and say, ‘Uy! Noong mga bata tayo…’
“Unless sobrang tropa kayo, di ba? Yung sobrang barkada kayo talaga. So with us, it’s really more of discovering din how we have grown up as men, I guess, di ba?
“Yung nakikita namin, tapos pag gumagawa kami ng eksena… What’s great about the entire team, pag ginagawa namin yung eksena, pinapanood namin yung isa’t isa, nagkakatulungan kami.
“In the sense na, ‘Hindi, hindi! Ganito! Ganito!’ Nagkukulitan kami, tapos nagtatawanan lang kauo, tapos seryoso sa scene, ganun.”
Nasa cast din ng police drama na Manila’s Finest sina Enrique Gil, Cedrick Juan, Rico Blanco, Ariel Rivera, Joey Marquez, Romnick Sarmenta, Rica Peralejo-Bonifacio, Jasmine Curtis-Smith, Kiko Estrada, Paulo Angeles, Ashtine Olviga, Ethan David, Dylan Menor, Inday Fatima, at Pearl Gonzales, sa direksiyon ni Raymond Red.
Read: Eric Quizon reveals how sister Nicole waived 50% inheritance of Dolphy's estate
NOEL FERRER
Tampok sina Romnick Sarmenta, Elijah Canlas, at Epy Quizon sa dulang About Us But Not About Us, sa direksiyon ni Tuxqs Rutaquio.
Itatanghal ito sa Pebrero 14-Marso 8, 2026 sa Power Mac Center Spotlight Black Box Theater, Ayala Malls Circuit Makati.
Kumusta ang rehearsals nila?
“Sobrang exciting.”
Challenging ang stage play na ito na base sa pelikula nila ni Elijah na kapareho ang title at official entry sa 1st Summer MMFF noong Abril 2023.
Isinulat at idinirek ang psychological drama film ba ito ni Jun Robles Lana.
Dagdag ni Romnick patungkol sa stage version ng nasabing pelikula: “Siguro mahirap siya in a sense kasi ako bilang ginawa ko yung same role sa pelikula, ayokong eksaktong iyon ang mapanood nyo.
“So, kailangan ko siyang baguhin nang konti. And timplahin for stage. Kasi iba din yung… I mean we had the help of the camera during the film.
“Nakakapag-close up siya. Nakikita yung small nuances na ginagawa namin sa mata, sa bibig, or sa ano man.
“Pero sa entablado, iba yun, e. Lalakihan mo, e. Hindi mo naman puwedeng iganun yung mukha mo sa entablado,” pagmumuwestra ni Romnick.
“So, gagamitin mo yung katawan mo in a different way. And that’s to me a little more exciting.
“Kasi iba yung sa body language depende sa experiences natin. Iba-iba rin tayo ng basa, e.”
Iba ang dynamics sa stage version. May daring scenes?
“Ahh kailangan niyong panoorin. Sa film, napag-usapan lang,” pagngiti ni Romnick.
“Pero ito, dahil entablado, at siguro naman sa na-experience nyo sa Anino sa Likod ng Buwan, medyo alam niyo na.
“Na medyo mas edgy ito, oo.”
Napaghandaan na niya ang mapangahas na eksena?
“Inilalakad ko pa nang paluhod sa Baclaran. Ha! Ha! Ha! Ha!”