JERRY OLEA
Natapos rebyuhin ng Movie and Television Review and Classification Board (MTRCB) ang walong pelikulang kalahok sa 2025 Metro Manila Film Festival (MMFF) noong Disyembre 11, 2025, Huwebes.
“Ang MMFF ay hindi lamang isang pista, ito ay pagdiriwang ng pagkamalikhain, pagmamahal at kahalagahan ng kuwentong Pilipino,” sabi ni MTRCB Chairperson at CEO Lala Sotto.
“Ngayong darating na Pasko, mas nagiging masaya ang pagpunta sa sinehan dahil pagkakataon ito para magkasama-sama ang pamilya.
“I encourage everyone to support all MMFF entries and celebrate the creativity of our filmmakers.
“Sama-sama po nating ipagdiwang ang galing ng pelikulang Pilipino.”
I’MPERFECT
Isa lamang ang nakakuha ng G rating, angkop sa lahat ng edad. Ito ay ang romantic film na I’mPerfect, na kuwento ng dalawang taong may Down Syndrome.
Bida rito sina Krystel Go at Earl Amaba, sa direksyon ni Sigrid Bernardo. Prinodyus ito ng Nathan Studios.
Kasama sa cast ng I’mPerfect sina Lorna Tolentino, Tonton Gutierrez, Sylvia Sanchez, Joey Marquez, Janice de Belen, at Zaijian Jaranilla.
Bahagi ng recent Facebook post ng actress-producer na si Sylvia: “Reflecting on our journey with the Down Syndrome community as we created I’MPERFECT fills my heart with so much gratitude.
“We began this film in 2024 with one clear intention—to honor Persons with Down Syndrome and bring their stories to the big screen for MMFF 2025.
“I still remember our October 2024 meeting—the Nathan team (Ria Atayde-Marudo, Grace Casimsiman, Dot Labro, and Direk Sigrid Andrea P. Bernardo) sitting down with some of the most passionate advocates I’ve ever met: Archie David of ILLC and Reach Caballa and Geevee of ALRES, Luis and Sannie Harder of DSAPI, Marice Cruz of Andie and the Gang, Kaye Samson and Akiko Thomson-Guevara of Special Olympics, and Nino and Michelle Aventajado of Best Buddies Philippines.
“Their stories, hopes, and insights shaped not only our script but the heart of this project.
“And what touched us even more was how they also listened to us—embracing our vision and turning it into a shared advocacy.
“Their trust reminded us that this film is bigger than entertainment. It is our chance to see, hear, and celebrate a community that deserves to be recognized, respected, and included.
“Maraming maraming salamat sa inyong lahat.
“This December 25, 2025, I hope you’ll join us and be part of this meaningful journey with us.”
SHAKE, RATTLE & ROLL: EVIL ORIGINS
Isa rin lang ang rated R-13, angkop para sa edad 13 at pataas.
Ito ay ang horror trilogy na Shake, Rattle & Roll: Evil Origins, na prinodyus ng Regal Entertainment.
Sa walong 51st MMFF entries ay ito ang pinakamahaba ang running time. Ito rin lamang ang horror genre.
Yung ibang horror movies na isinumite ay malayo ang kalidad kumpara rito kaya naligwak.
Ika-17 ito sa serye ng Shake, Rattle & Roll movies. Magkakaibang klase ng horror ang tatlong episode nito.
Sa past na ang setting ay 1775, supernatural horror na tampok sina Carla Abellana, Janice de Belen, Arlene Muhlach, Ara Mina, Loisa Andalio, Ysabel Ortega, Ashley Ortega, at Elijah Alejo, sa direksyon ni Shugo Praico.
Sa present na 2025 setting, slasher horror tampok sina Francine Diaz, Seth Fedelin, Fyang Smith, JM Ibarra, Kaila Estrada, Alex Calleja, Sassa Gurl, Althea Ablan, Karina Bautista, Arkin Lagman, at Dylan Yturralde, sa direksyon ni Joey de Guzman.
Sa future na 2050 ang setting, survival horror naman tampok sina Richard Gutierrez, Ivana Alawi, Manilyn Reynes, Dustin Yu, Sarah Edwards, Raven Rigor, at Matt Lozano sa direksyon ni Ian Loreños.
The legend of fear returns.
CALL ME MOTHER
Ang anim pang kalahok ay rated PG, nagpapahintulot sa mga edad 13 pababa basta kasama ang magulang o nakakatanda.
Kaabang-abang kung magta-topgrosser muli ang Unkabogable Superstar sa MMFF entry niya, na kagaya ng entry niya last year na And The Breadwinner Is… ay idinirek ni Jun Robles Lana.
Bida sina Vice Ganda at Nadine Lustre sa Call Me Mother, na joint venture ng ABS-CBN Film Productions, The IdeaFirst Company at Viva Communications, Inc.
May bahid ito ng Ang Tatay Kong Nanay (1978) nina Dolphy at Niño Muhlach, na dinirek noon ni National Artist Lino Brocka.
Parang gay version din ito ng Maalaala Mo Kaya The Movie starring Aiko Melendez, Richard Gomez, and Chin Chin Gutierrez, sa direksyon ni Olivia M. Lamasan. Kalahok ito sa kontrobersyal na 1994 Manila Film Festival.
Nasa cast din ng Call Me Mother sina Lucas Andalio, Klarisse de Guzman, Mika Salamanca, Brent Manalo, Esnyr Ranollo, River Joseph, at Shuvee Etrata.
Nandiyan din sina Chanda Romero, Carmi Martin, Ces Quesada, John “Sweet” Lapus, MC Muah, Iyah Mina, Jennifer Sevilla, Robert Ortega, Tanya Gomez, at Divine Tetay.
LOVE YOU SO BAD
Magpapakilig sina Dustin Yu, Bianca de Vera, at Will Ashley sa Love You So Bad.
Huhusgahan dito ang lakas ng DustBia at WillCa tandems. Co-produced ito ng ABS-CBN Film Productions, GMA Pictures, at Regal Entertainment.
Umiikot ang kuwento nito sa isang dalagang nalilito kung sino ang pipiliin sa dalawang binata.
Nasa cast din nito sina Dimples Romana, Agot Isidro, Ana Abad Santos, Bodjie Pascua, Desiree del Valle, Victor Neri, at Bernard Palanca, sa direksyon ni Mae Cruz-Alviar.
Nandiyan din sina Xyriel Manabat, Ralph de Leon, Vince Maristela, Zach Castañeda, Reign Parani, Nour Hooshmand, Franco Laurel, Victor Silayan, Lotlot Bustamante, at Argus Caspiras.
Naalala ko sa pelikulang ito ang love triangle nina Tirso Cruz III, Nora Aunor, at Christopher de Leon sa pelikulang Mahal Mo, Mahal Ko (1978) na idinirek ni Elwood Perez.
BAR BOYS: AFTER SCHOOL
Ang Bar Boys: After School ay sequel ng Bar Boys (2017) na tinampukan nina Carlo Aquino, Rocco Nacino, Enzo Pineda, Kean Cipriano, at Odette Khan sa direksyon ni Kip Oebanda.
Bar Boys: After School picks up a decade after the original film’s ending. The law school barkada — Torran, Chris, Erik, and Josh — are now established professionals, but their ten-year reunion quickly turns bittersweet.
Their beloved mentor, a figure of uncompromising integrity and guidance, falls gravely ill, isolated and abandoned by her own family.
Kasama sa sequel sina Will Ashley, Sassa Gurl, Emilio Daez, Glaiza de Castro, Klarisse de Guzman, Therese Malvar, Benedix Ramos, at Bryce Eusebio. Prinodyus ito ng 901 Studios Inc.
Minura ni Sassa Girl ang MTRCB sa red carpet premiere ng pelikulang Dreamboi noong Oktubre 22 sa Market! Market!.
Dalawang beses kasing na-X ng MTRCB ang Dreamboi kung saan may cameo siya, bago ito nabigyan ng R-18 rating.
Masaya ba siya na PG ang natamong MTRCB rating ng Bar Boys: After School?
“Sobrang saya!” bulalas ni Sassa Gurl sa mediacon noong Disyembre 3 sa Matrix Creation Events Venue, Malakas St., Quezon City.
“Sobrang saya ako kasi, lahat makakapanood. Ito’y para sa lahat. At alay naman ito para sa ating bansa.
“It’s a love letter for the country.”
Wala siyang reklamo sa PG rating ng Bar Boys: After School?
Natatawang tugon ni Sassa Gurl, “Walang reklamo, mama, di ba?! Fair and square ito! Ha-haa-ha!
“This time around, yes, slay kayong lahat diyan! Sa upisinang iyan, charot!!!”
MANILA’S FINEST
Police drama na may action scenes ang Manila’s Finest kung saan bida sina nina Piolo Pascual at Enrique Gil, sa direksyon ni Raymond Red.
Nakasentro ito sa grupo ng mga pulis sa Maynila noong 1969.
Kasama sa cast sina Cedrick Juan, Romnick Sarmenta, Ariel Rivera, Joey Marquez, Rico Blanco, Rica Peralejo-Bonifacio, Jasmine Curtis-Smith, Kiko Estrada, Paulo Angeles, Ashtine Olviga, Ethan David, Dylan Menor, Inday Fatima, at Pearl Gonzales.
Sabi ni Romnick nang makatsikahan namin sa MMFF 2025 Celebrity Golf Tournament noong Disyembre 9, Martes sa Wack Wack Golf & Country Club, Shaw Blvd., Mandaluyong City, sobrang galing ng production design ng Manila’s Finest.
“'Tapos the working condition is so easy, it’s so light, and at the same time, alam mo kung gaano kalaki or kabigat yung ikinukuwento niya,” lahad ni Romnick.
“A lot of people had been asking me, may nagbibiro sa akin, ikaw ba si [Alfredo] Lim? Ito ba iyung time nina [Joe] Pring?’
“Sabi ko, hindi at oo. This is not during their time. This is a little bit ahead of them, I think.
“And as much as we have created fictional characters, I believe that this is a true story, no. True story, and a part of our history.”
UNMARRY
Not every "forever" begins with the wedding. Sometimes, it starts with walking away.
Ang buod ng pelikulang Unmarry — Celine (Angelica Panganiban) seeks an annulment of her marriage to Stephen (Tom Rodriguez) along with the custody of their two daughters.
Ivan (Zanjoe Marudo) intends to fight the annulment proceedings filed by his wife Maya (Solenn ), to save his marriage and his relationship with his son Elio (Zac Sibug).
The two meet in the most unlikely of places—the law office of Atty. Jackie Lombridas (Eugene Domingo), who also hosts a YouTube channel called "Walang Butas ang Batas.”
Tinutukan ng pelikulang Unmarry ang kuwento ng mag-asawang masalimuot na pinoproseso ang paglusaw sa kanilang kasal.
Idinirek ito ni Jeffrey Jeturian para sa Quantum Films at Cineko Films.
Sabi ni Eugene sa mediacon noong Disyembre 5 sa Natcos bar, Sct. Tuazon St., Quezon City, konti lang ang bigay ni Angelica sa mga eksena pero tagos agad.
Pag-ayon ni Direk Jeffrey: “Every shooting day, I kept saying ‘thank you’ to Angelica. Kasi, nade-deliver niya yung kailangan sa eksena.
“And if you watch the movie, lahat ng nuances ng character niya, on point.
“Kaya ngayon, nakapandamit na siya ng pang-award.”
REKONEK
Smorgasbord ang Rekonek na idinirek ni Jade Castro para sa Reality MM Studios.
Ang istorya nito ay kung paano hinarap ng anim na magkakaibang pamilya ang pagkawala ng internet sampung araw bago mag-Pasko.
Kasama sa cast sina Gerald Anderson, Bela Padilla, Andrea Brillantes, Charlie Dizon, Zoren Legaspi, Carmina Villarroel, Cassy Legaspi, Mavy Legaspi, at Gloria Diaz.
Nasa cast din sina Kelvin Miranda, Angel Guardian, Kokoy de Santos, Alexa Miro, Raf Pineda, at Dom Corilla.
Handa ka na bang kumonekta muli sa kuwento ng pamilya at pag-ibig?
NOEL FERRER
Gaganapin ang 51st Metro Manila Film Festival (MMFF) Parade of Stars sa Disyembre 19, Biyernes, sa Makati City, kung saan lalahok ang mga artista mula sa 8 official entries ng filmfest.
Sakay ng mga float ang mga artista at iba pang personalidad mula sa industriya ng mga sumusunod na pelikula in this order:
Float 1: I’mPerfect
Float 2: Call Me Mother
Float 3: Rekonek
Float 4: Love You So Bad
Float 5: Shake, Rattle & Roll: Evil Origins
Float 6: Manila’s Finest
Float 7: Bar Boys: After School
Float 8: UnMarry
Ang parada ay magsisimula ng ala una ng hapon sa Macapagal Boulevard, Pasay City, at magtatapos sa Ayala Circuit, Makati City.
Ang ruta ng parada—mula Macapagal Blvd., dadaan ang parada sa Buendia Avenue, Ayala Avenue, Makati Avenue, J.P. Rizal St., A. Reyes Avenue, at magtatapos sa Circuit Makati.
Magde-deploy ang (Metropolitan Manila Development Authority (MMDA) ng mga tauhan na binubuo ng mga traffic enforcer, miyembro ng Road Emergency Group, Public Safety Division, Sidewalk Clearing Operations Group, Towing and Impounding Group, at Traffic Engineering Center para umasiste at mamahala sa daloy ng trapiko at mga sasakyan.
Ipapatupad ng ahensiya ang "No Day Off, No Absent" policy bilang bahagi ng pinaigting na operasyon.
Inaasahan ang matinding trapiko kaya't inaabisuhan ng MMDA ang mga motorista na iwasan ang ruta ng parada upang maiwasan ang abala at dumaan sa alternatibong ruta.
Para sa mga motorista mula sa Macapagal Blvd/MOA/Cavite area: Take left at Seaside Blvd, right at Diokno Blvd. straight to Atang de la Rama St., right at Vicente Sotto St., left at Jalandoni St., then right at Pedro Bukanag Street to destination.
Or from Diokno Blvd., right at Gil Puyat Ave. Extension, left at Jalandoni St., then right at Pedro Bukanag Street to destination.
Muli, sa Biyernes ito, December 19.
Oo, karamihan ng tao sa Makati—at bilang huling Biyernes bago mag-Pasko—hindi naman agad umuuwi at kadalasa’y Christmas parties pa rin ng mga kumpanya.
Kaya imbes na matorete sa puwedeng maging kundisyon ng traffic, paghandaan na lang ito—with all these early advisories—plus sumama na rin sa saya at pagkaway-kaway kasama ng mga paborito ninyong artista bilang suporta sa 51st Metro Manila Film Festival!
GORGY RULA
Walang omnibus mediacon ang walong official entries ng 51st Metro Manila Film Festival.
Sponsored ng MMFF ang premiere nights ng lahat ng kalahok, na gaganapin sa Disyembre 15-18 at 20-23, sa ganap na 7:00 P.M.
Hindi na magkakasabay ang alinmang premiere night.
Sinabi ni MMDA Chairman at concurrent MMFF Overall Chairman Don Artes sa Celebrity Golf Tournament noong Disyembre 9 sa Wack Wack Golf & Country Club na iba-iba ang venue ng premiere night.
Narito ang schedule ng premiere nights ng walong MMFF 2025 entries:
Disyembre 15, Lunes—Manila’s Finest sa Robinson’s Manila
Disyembre 16, Martes—Love You So Bad sa Lucky Chinatown Mall
Disyembre 17, Miyerkules—Rekonek sa Trinoma
Disyembre 18, Huwebes—Shake, Rattle & Roll: Evil Origins sa Gateway Cineplex, Cubao
Disyembre 20, Sabado—Unmarry sa Trinoma
Disyembre 21, Linggo—I’mPerfect sa SM North EDSA
Disyembre 22, Lunes—Bar Boys: After School sa Robinson’s Galleria
Disyembre 23, Martes—Call Me Mother sa SM Megamall
Ang Gabi ng Parangal ay sa Disyembre 27 sa Dusit Thani Hotel.
Hopefully, hindi na magkakabawasan ng sinehan ngayong walo na lamang ang kalahok sa MMFF 2025?
Sabi ni MMFF Overall Chairman Don Artes, “Yung usual naman natin, hindi natin sini-zero. Wala na tayong first day, last day.
“And we try na ibalanse, mabigyan ng opportunity lahat na maipalabas sa mas maraming sinehan as possible.
“It’s just that we have to cater to some demands. Meron kasing mga areas na dalawa lang ang sinehan.
“So, siyempre, binibigyan namin muna ng opportunity yung may demand na movie na maipalabas pero ibinabalik din naman namin.
“Lahat naman ng producers, alam iyan. Nakikipag-communicate naman kami sa kanila constantly.
“Meron naman tayong Playdate Committee na nagbabantay niyan kasama ang mga producers na before kami magpalit ay kini-clear din namin sa kanila.”