JERRY OLEA
Happy si Gerald Anderson bilang aktor at co-producer ng MMFF 2025 official entry na Rekonek.
“Maraming challenges,” sambit ni Gerald sa tent ng Rekonek bago mag-umpisa ang MMFF 2025 Parade of Stars noong Disyembre 19, 2025, Biyernes, sa Makati City.
“Alam mo naman pag gumagawa tayo ng pelikula, kahit anong proyekto, maraming challenges, di ba?
“Pero maraming learnings, experiences, and excited ako for next year. Pero ito muna, excited ako para dito.”
Read: Paolo Ballesteros's giant Christmas décor "retires" after catching fire
Anong reaksiyon niya sa feedback ng mga tao matapos ang premiere night ng Rekonek noong Disyembre 17, Miyerkules, sa Trinoma, Quezon City?
“Yeah, sobrang happy. Sobrang galing ng buong cast talaga, e!” bulalas ni Gerald.
“Ang ganda ng pagkatahi ng mga kuwento. Paskung-Pasko ang pakiramdam sa pelikula.”
Ano ang impact sa kanya matapos mapanood ang Rekonek?
“Siyempre iba pa rin pag nakita mo yung finished product na ilang buwan ninyong ginagawa, ilang buwan iyong preparation,” tugon ng Kapamilya actor.
“Budget, financial, schedule ng mga artista. So, napagsama-sama mo yung ganitong cast, malaking blessing.”
SLIGHT INTIMATE SCENE
Merong medyo intimate scene sina Gerald at Charlie Dizon sa isang eksena…
“Medyo-medyo... siyempre mag-asawa kami dun. Tapos yung kuwento, siyempre yung parang on the rocks na kami yung ano,” lahad ni Gerald.
“Pero hindi naman... hindi, hindi ko na ikukuwento. Yeah, kumbaga, maganda naman ang eksena.”
Nahirapan ba siya sa paghugot ng karakter niya kaugnay sa pakikipaghiwalay sa asawa?
“Ano naman, kailangan lang pagtrabahuhan talaga. Ganun talaga,” malumanay na tugon ni Gerald.
Maliban kina Gerald at Chalie, nasa Rekonek sina Bela Padilla, Andrea Brillantes, Zoren Legaspi, Carmina Villarroel, Cassy Legaspi, Mavy Legaspi, at Gloria Diaz, sa direksiyon ni Jade Castro.
Nasa cast din sina Kelvin Miranda, Angel Guardian, Kokoy de Santos, Alexa Miro, Raf Pineda, Dom Corilla, Vance Larena, Eric Fructuoso, Soliman Cruz, Josh Ivan Morales, Donna Cariaga, Ellie Cruz, Peewee O’Hara, Abed Green, at Prince Carlos.
Read: Jeffrey Jeturian at mga kuwento ng "kamalditahan, sinakluban ng sako"
GORGY RULA
Ang Rekonek ay isa sa walong official entries ng 51st Metro Manila Film Festival (MMFF) na mapapanood sa local cinemas umpisa Disyembre 25, Huwebes.
“Actually, lahat ng mga pelikula ngayong MMFF, maganda. Pero siyempre, sana po, unahin niyo ang Rekonek,” sambit ni Gerald Anderson.
Inaasam ni Gerald na mapanood ang iba pang kalahok sa MMFF 2025.
“Gusto ko yung Manila’s Finest, yung Shake [Rattle & Roll: Evil Origins], I’mPerfect, yun,” sabi ni Gerald.
“Pero lahat maganda. Lahat maganda. At saka ang importante diyan, gawang-Pinoy. Kaya sana, suportahan niyo.”
GEARLD-RICHARD PROJECT IN 2026
Ang isa sa mga bida ng Shake, Rattle & Roll: Evil Origins na si Richard Gutierrez ay makakasama ni Gerald sa isang Kapamilya teleserye sa 2026.
“Isa pa yan, next year. Tapos meron na tayong bagong tahanan. Sa ALLTV na tayo,” saad ni Gerald.
“So, balik-Channel 2 which is exciting. And then still kasalukuyan ginagawa pa namin yung Buy Bust, next year na rin yun.”
Na-enjoy ba siya sa pagpo-produce ng pelikulang Rekonek? Magpoprodyus na rin ba siya para sa TV?
“Meron naman akong mga ipoprodyus din for TV. Pero siyempre, medyo mahirap na,” sey ni Gerald.
“Andaming nangyayari, so pinapakalma ko na muna.”
Read: Erich Gonzales supports husband, sister-in-law at SEA Games
NOEL FERRER
Paano niya ise-celebrate ang Christmas at New Year? “Eto, eto ako. New Year, kasama ko naman ang pamilya ko. Pero yung sa Pasko, iikot ako,” sabi ni Gerald Anderson.
Kasama ni Gerald sa Rekonek cinema tour sa December 25, Huwebes, sina Gerald Anderson, Bela Padilla, Cassy Legaspi, Mavy Legaspi, Kelvin Miranda, at Angel Guardian.
Pupunta sila sa SM Mall of Asia, SM Megamall, Robinsons Magnolia, Gateway Mall 1, at Ayala Malls Trinoma.
MOST MEMORABLE CHRISTMAS
Ano ang most memorable Christmas niya?
“Noong bata ako siyempre, yung wala kang iniisip. Hindi mo iniisip ikaw ang magbibigay ng regalo,” napangiting sagot ni Gerald.
“Ikaw yung tagatanggap lang, di ba? Yun ang pinakanakaka-miss. Kaya nga ako nag-produce nito, kasi nga, gusto kong ibalik ang pakiramdam na yan.”
MMFF 2025 ACTIVITIES
Siyanga pala, tuluy-tuloy ang mga ganap kaugnay sa 51st MMFF.
Noong Disyembre 9 ay ginanap ang 2nd MMFF Golf Tournament sa Wack Wack Golf & Country Club sa Mandaluyong City.
Overall Champion dito si Jesus Romero, at sponsors ang PCSO, Philippine Airlines, Pru Life UK, Playtime Entertainment, at Geely Philippines na may papremyong bagong kotse.
Noong Disyembre 15, Lunes, nag-umpisa ang MMFF-sponsored premiere nights ng mga kalahok sa filmfest.
Disyembre 19, Biyernes, ang MMFF Parade of Stars and Music Fest sa host city na Makati City.
Ang gabi ng parangal ay sa Disyembre 27, Sabado, sa Dusit Thani Hotel.
Mapapanood ito nang live sa Facebook page ng TV5 umpisa 8:00 P.M., samantalang 9:15 P.M. ang delayed telecast sa Kapatid Network.
Kabilang sa beneficiaries ng MMFF ang Movie Workers Welfare Foundation (Mowelfund), Film Academy of the Philippines (FAP), Motion Picture Anti-Film Piracy Council, Optical Media Board (OMB), at Film Development Council of the Philippines (FDCP).
Read: Olivia Rodrigo, Louis Partridge call it quits after 2 years — report