JERRY OLEA
Ang seksi-sexy ni Winwyn Marquez nang makita namin sa premiere night ng I’mPerfect noong Disyembre 21, 2025, Linggo, sa The Block, SM North EDSA, Quezon City.
Parang hindi siya nanganak three years ago, huh?! Sasali pa ba siya sa beauty pageant?
“Ayoko kasing mag-close ng doors din pero, as of now, andaming opportunities na pumapasok,” pagmamatwid ni Winwyn.
“Meron akong teleseryeng lalabas with GMA next year. And then I’m also doing another for a brand, may gagawin din ako next year.
“So, sayang ang opportunities, e. So, hindi pa siya right time para pag-usapan ang any pageant.”
Read: Klea Pineda, Janella Salvador get cozy amid their L.A. vacation
WILL WINWYN MARQUEZ JOIN MISS GRAND INTERNATIONAL ALL STARS?
Puwede pa siya sa Miss Grand International (MGI) All Stars, na open sa women and transgender women na edad 20 hanggang 40, regardless kung ano ang marental o parental status.
“Kabog, di ba?! Kahit ako, nagulat, e!” bulalas ni Winwyn.
Mag-uumpisa ang MGI All Stars sa Enero 25, 2026, at ang grand finals ay nakatakda sa Pebrero 13 sa Thailand.
Dalawa na ang ini-announce na kinatawan ng Pilipinas sa timpalak—sina Fuschia Anne Ravena at Alexia Nuñez.
Pagpapatuloy ni Winwyn: “It’s fun! Siyempre makikita mo, lahat ng dating beauty queens na lumaban internationally kahit nanalo na ng pageant, di ba?
“Iyon talaga, literal na puksaan, bardagulan, lahat na!
“Pero for me, I want to see it first. I want to watch it first. Not join, not now. Kung may second ano sila…”
Bakit ayaw niyang sumali sa inaugural edition ng MGI All Stars?
“Ngayon? Kasi it’s on January already… it’s too near. Kasi hanggang January to Feb,” paliwanag ni Winwyn.
“E, lalabas ang teleserye namin… so, hindi siya possible talaga.”
Read: Anatomy of Shake, Rattle & Roll: Evil Origins--the producers' perspective
KONTRABIDA ROLE IN NEVER SAY DIE
Ang teleseryeng tinutukoy ni Winwyn ay ang primetime series na Never Say Die, kung saan bida sina Jillian Ward at David Licauco.
Tungkol ito sa isang vlogger at isang journalist na napilitang mag-team up para i-expose ang isang malaking sindikato.
Kontrabida ang papel dito ni Winwyn.
“Gusto ko talaga ng kontrabida [role], and then action,” sabi ng actress-beauty queen.
“Kailangan niyong panoorin, kasi ngayon ko lang talaga nagawa ang ganung klase ng kontrabida.
“Yung karakter, lahat ng eksena, first time talaga. Everything.”
Gaano ka-bad ang character niya sa Never Say Die?
“Very!” natatawang sabi ni Winwyn.
“Very bad, I would say. Saka timely din yung karakter ko, yung ginagawa niya.”
Mas keri niyang magkontrabida kesa gumawa ng daring scenes as in umaatikabong lampungan o toda max na pagtatalop?
“Yes! Yes, yes, yes. Yung limitations ko, pero dito naman, sexy naman siya,” sey ni Winwyn.
“Pero nasa character, e. I wouldn’t do anything out of character. If kailangan naman siya sa role, gagawin ko naman.”
Read: Albie Casiño proposes to non-showbiz girlfriend
NOEL FERRER
At least, active pa rin ang parents niya sa showbiz.
Ang mother niyang si Alma Moreno, nasa seryeng The Alibi nina Kim Chiu at Paulo Avelino.
Ang father niyang si Joey Marquez, dalawa ang pelikula sa MMFF 2025 — I’mPerfect at Manila’s Finest.
“Sabi ko nga sa dad ko, ‘Grabe, hindi ka napapagod?’ As in pinagtatalunan na namin yan,” pagtatapat ni Winwyn Marquez.
“Coz you know, he’s a senior already. Pero that’s his life, e… Gusto na namin [na mag-retire siya sa acting].
“Like ako, personally I want him to travel. Gusto niyang mag-cruise, gusto kong mag-enjoy siya.
“Pero love niya talaga ang pag-arte! Nandiyan lang daw ang cruise… to the point na gusto ko na lang bumili ng tiket para sa kanya.
“But ‘no’ e. We cannot stop something that he loves doing, and feeling niya kasi, doon talaga siya alive.
“So we’re here to support him. And ang ganda ng mga pinipili niyang projects lagi. Always magaganda.”
Read: Lead stars ng I'mPerfect, emosyunal sa premiere night
GORGY RULA
Nag-audition si Winwyn Marquez sa action-drama series na Never Say Die, kung saan ang role niya ay kontrabida kay David Licauco.
“I auditioned for the role. Not everything is given in, you know, a silver spoon to us,” sabi ni Winwyn.
“Noong narinig ko, sabi ko, ‘Yes, I will audition. I would love to be part of the story. So, yeah, nag-audition ako.
“Thankfully, ako yung nakuha.”
NEW KAPUSO SHOWS IN 2026
Maliban sa Never Say Die, marami pang kaabang-abang na programa ang Kapuso Network para sa 2026.
Balik-primetime si Dingdong Dantes sa The Master Cutter, na tungkol sa isang tailor who uses his skills as a former soldier to find people.
Pam-primetime din ang seryeng The Secrets of Hotel 88 — istorya ng dalawang magkaribal na pamilya, na magkaagaw sa karapatang ma-inherit ang isang hotel.
Nasa cast nito sina Mika Salamanca, Will Ashley, AZ Martinez, Dustin Yu, Josh Ford, Brent Manalo, River Joseph, Bianca de Vera, Kira Balinger, Xyriel Manabat, Ralph de Leon, Esnyr Ranollo, Klarisse de Guzman, Gardo Verzosa, at Dominic Ochoa.
Enero 19, 2026 magpe-premiere sa GMA Afternoon Prime ang House of Lies. The series is about the clash of two mothers as they try to survive from betrayal and hidden family secrets.
Nasa cast nito sina Kris Bernal, Beauty Gonzalez, Mike Tan, Martin del Rosario, Jackie Lou Blanco, at Kokoy de Santos.
Marso 2, 2026 nakatakdang mag-premiere ang sa GMA Afternoon Prime din ang Apoy sa Dugo, na tungkol sa sibling rivalry which leads to betrayal.
Tampok dito sina Elle Villanueva, Derrick Monasterio, at Ashley Ortega, kasama sina Thea Tolentino, Pinky Amador, Ricardo Cepeda, at Cai Cortez.
Panghapon din ang musical drama na Born to Shine, na umiikot sa isa talentadong young singer who dreams of being part of a P-Pop group.
Bida rito sina Zephanie at Michael Sager, kasama sina Vina Morales, Manilyn Reynes, Tina Paner, Roselle Nava, Olive May, at Smokey Manaloto.
Read: Chavit Singson wants to buy Miss Universe Organization; to meet ex-Miss U officials