JERRY OLEA
Llamado si Lucas Andalio na maging Best Child Performer sa 51st Metro Manila Film Festival (MMFF) para sa pelikulang Call Me Mother na idinirek ni Jun Robles Lana.
Gumanap si Lucas bilang 10 years old na si Angelo Reyes, na pinag-agawan ng biological mother na si Mara (Nadine Lustre) at ang nag-aruga sa kanya na si Twinkle (Vice Ganda).
Ang katunggali ni Lucas bilang Best Child Performer ay si Zac Sibug para sa pelikulang UnMarry na idinirek ni Jeffrey Jeturian.
Gumanap si Zac bilang Elio na naipit sa pagpapawalang-bisa ng kasal nina Ivan (Zanjoe Marudo) at Maya (Solenn Heussaff).
Anak ni Mara vs Anak ni Maya!
Anak ni Vice vs Anak ni Zanjoe!
Read: MMFF 2025 Parade of Stars: Highlights and sidelights
MMFF 2025 GABI NG PARANGAL TOP CONTENDERS
Malamang sa alamang din na ma-nominate bilang Best Actor sa MMFF 2025 sina Vice Ganda para sa Call Me Mother at Zanjoe Marudo para sa UnMarry.
Palaban din si Piolo Pascual para sa Manila’s Finest, at sina Carlo Aquino at Will Ashley para sa Bar Boys: After School.
Tingnan natin kung ino-nominate ng mga hurado sina Gerald Anderson ng Rekonek, Rocco Nacino ng Bar Boys: After School, Richard Gutierrez ng Shake, Rattle & Roll: Evil Origins, at Dustin Yu ng Love You So Bad.
Interesting din ang labanan sa best actress — Angelica Panganiban sa UnMarry, Krystel Go sa I’mPerfect, at Nadine Lustre sa Call Me Mother.
Dark horses sina Bianca de Vera ng Love You So Bad, at Carla Abellana ng Shake, Rattle & Roll: Evil Origins.
Sa mga kategoryang Best Supporting Actor at Best Supporting Actress, andaming pagpipilian.
Personal bet kong Best Picture ang UnMarry, at choice ko na Best Director ang namahala sa UnMarry na si Jeffrey Jeturian.
Hindi ako magugulat kung ibigay ng mga hurado ang Best Director award kay Sigrid Andrea Bernardo para sa I’mPerfect.
Inaasam kong mabigyan ang I’mPerfect ng Jury Prize.
Ang Gabi ng Parangal ng MMFF 2025 ay sa Disyembre 27, Sabado, sa Dusit Thani Hotel, Makati City. 8:00 P.M. ang livestream sa Facebook page ng TV5, at 9:15 P.M. ang delayed telecast sa TV5.
Read: Will Ashley, malakas ang laban sa MMFF 2025 Awards Night
NOEL FERRER
Walo sa mga artista ng Bar Boys: After School ay may isa pang official entry sa MMFF 2025.
Ang mga ito ay sina Will Ashley, Klarisse de Guzman, Sassa Gurl, Donna Cariaga, Vance Larena, Joel Saracho, Myke Salomon, at Victor Neri.
Sina Donna at Vance ay kasama rin sa Rekonek.
Sina Joel at Myke ay kasama rin sa I’mPerfect.
Sina Will at Victor ay kasama rin sa Love You So Bad.
Si Klarisse ay kasama rin sa Call Me Mother.
At si Sassa Gurl ay kasama rin sa Shake, Rattle & Roll: Evil Origins.
Tigdadalawa rin ng MMFF 2025 entry sina Janice de Belen, Joey Marquez, at Dustin Yu.
Kasama si Janice sa I’mPerfect at Shake, Rattle & Roll: Evil Origins.
Kasama si Joey sa Manila’s Finest at I’mPerfect.
Kasama si Dustin sa Love You So Bad at Shake, Rattle & Roll: Evil Origins.
Si Soliman Cruz ay tatlo ang pelikulang kalahok — Manila’s Finest, Rekonek, at Call Me Mother.
Ibang visibility ang dala ng MMFF sa mga artista.
Sana, after the filmfest, tuluy-tuloy sa pagiging active ng mga artistang ating nabanggit.
Sana, mas marami pang manood at sumuporta sa mga MMFF movies.
GORGY RULA
Sa walong kalahok sa 51st MMFF, ang I’mPerfect lang ang rated G ng MTRCB.
Anim ang PG — Unmarry, Call Me Mother, Bar Boys: After School, Manila’s Finest, Love You So Bad, at Rekonek.
Isa rin lang ang nakakuha ng R-13, ang horror trilogy na Shake, Rattle & Roll: Evil Origins, na siyang pinakamahaba ang running time sa eight official entries.
MMFF 2025 ENTRIES RUNNING TIME
Ang mga running time ng MMFF 2025 official entries:
Shake, Rattle & Roll: Evil Origins — 2 hours and 28 minutes
I’mPerfect — 2 hours and 11 minutes
UnMarry — 2 hours and 10 minutes
Bar Boys: After School — 2 hours and 6 minutes
Call Me Mother — 2 hours
Manila’s Finest — 1 hour and 59 minutes
Rekonek — 1 hour and 55 minutes
Love You So Bad — 1 hour and 52 minutes
Ang mga pa-thirst trap — Dom Corilla sa Rekonek, Dustin Yu sa Love You So Bad, Piolo Pascual sa Manila’s Finest, at Gerald Anderson sa Rekonek.
Ang memorable kissing scenes na may bahid ng romance — Angelica Panganiban at Zanjoe Marudo sa UnMarry, Bianca de Vera at Dustin Yu sa Love You So Bad, Bianca de Vera at Will Ashley sa Love You So Bad, Krystel Go at Earl Amaba sa I’mPerfect, at Jasmine Curtis-Smith at Piolo Pascual sa Manila’s Finest.
Read: Ultimate MMFF 2025 Guide: MTRCB Ratings, Parade of Stars, Premiere Nights