JERRY OLEA
Nakakaintriga ang teaser ng pelikulang Until She Remembers na ipinost sa YouTube channel ng Solar Watch Now noong Pasko, Disyembre 25, 2025, Huwebes.
Tampok sa pelikula sina Charo Santos-Concio, Boots Anson Roa-Rodrigo, at Barbie Forteza, sa panulat at direksiyon ni Brillante Ma. Mendoza.
Kasama rin sa cast sina Angel Aquino, Albert Martinez, Eric Quizon, Vince Rillon, Erlinda Villalobos, Perla Bautista, at Carlitos Siguion-Reyna.
Ang background music sa teaser ay ang 1962 pop song na "The End of the World," na unang ni-record ng American singer na si Skeeter Davis.
Read: MMFF 2025 Box-Office Update: Call Me Mother, umalagwa nang husto sa first day
TONIGHT I CAN WRITE
May narration sa teaser ng lines mula sa tulang Tonight I Can Write ng Chilean poet na si Pablo Neruda (1904-1973).
Ang tula — Puedo escribir — ay bahagi ng aklat na Veinte poemas de amor y una cancion desesperada (Twenty Love Poems and a Song of Despair) na inilathala noong 1924, at isinalin sa English ng makatang si W. S. Merwin noong 1969.
Ika-20 tula iyon sa aklat. Beynte (20) anyos pa lang si Pablo nang ilathala iyon.
Ang mga linya ng tula na nasa teaser:
Tonight I can write the saddest lines…
‘The night is starry and the stars are blue and shiver in the distance.'
The night wind revolves in the sky and sings.
Tonight I can write the saddest lines.
I loved her, and sometimes she loved me too.
Through nights like this one I held her in my arms.
I kissed her again and again under the endless sky…
To hear the immense night, still more immense without her.
And the verse falls to the soul like dew to the pasture.
What does it matter that my love could not keep her.
The night is starry and she is not with me.
Read: Will Ashley, malakas ang laban sa MMFF 2025 Gabi ng Parangal
GORGY RULA
Sinasabi ko nga na malaki talaga ang iginaganda ng isang pelikula kapag magagaling ang mga artista.
Dito sa Until She Remembers ay wala kang itulak-kabigin sa tatlong pangunahing karakter na ginagampanan nina Charo Santos-Concio, Boots Anson Roa-Rodrigo, at Barbie Forteza.
Lola ng 28-anyos na si Barbie ang 70-anyos na si Charo, at ang turning 81 sa Enero 2026 na si Boots ay aalamin niyo na lang sa pelikula.
DIREK BRILLANTE IMPRESSED BY BARBIE'S ACTING
Point of view raw ito ng karakter ni Barbie.
Sobrang bilib si Direk Brillante kay Barbie na talaga namang magaling sa pelikulang ito.
Pinaghandaan din kasi talaga ni Barbie ang role niya rito na parang lost child.
Pagdating pa lang daw sa set ay in character na ang Kapuso actress. Tahimik daw ito at parang masungit.
Kilala kasi nila si Barbie na palabati ito at matsika.
Pero nagtataka sila na hindi siya ganoon pagdating sa set ng Until She Remembers.
Kahit si Direk Brillante ay sinabihan daw si Barbie na hindi rin siya madaldal kapag oras ng trabaho.
Read: MMFF 2025 Best Child Performer: Lucas Andalio vs Zac Sibug
NOEL FERRER
Matagal nang gustong makatrabaho ni Direk Brillante Mendoza si Barbie Forteza.
May role sana ito sa 13-episode series na Amo (2017) na tinampukan nina Derek Ramsay, Allen Dizon, Felix Roco, Ruby Ruiz, at Vince Rillon.
Lumiit ang nasabing role nang hindi pumuwede si Barbie.
May project din dapat noon si Direk Brillante with Charo Santos-Concio, pero hindi iyon natuloy.
Mauuna pa sana iyon bago gawin ni Ma’am Charo ang Ang Babaeng Humayo (2016) sa direksiyon ni Lav Diaz. Gusto pa ring gawin ni Direk Brillante ang nasabing project.
Napanood na nina Ma’am Charo, Barbie, Tita Boots Anson Roa-Rodrigo ang final edit ng Until She Remembers.
Sobrang natuwa raw si Ma’am Charo dahil buo na ang kanyang filmography matapos maidirek ni Direk Brillante.
Maliban kina Lav at Brillante, naidirek si Ma’am Charo nina Lino Brocka (Kontrobersyal, Gumapang Ka Sa Lusak), Ishmael Bernal (Tisoy, Boy Kidyak), Marilou Diaz-Abaya (Brutal), Eddie Romero (Aguila), at Mike de Leon (Itim, Kisapmata, Kakabaka Ka Ba?).
Read: REVIEW: Shake, Rattle & Roll: Evil Origins crackles with life and scares