Trigger Warning: Mention of video scandal
JERRY OLEA
Dumalo si Mark Neumann sa premiere night ng pelikulang Spring in Prague noong Enero 19, 2026, Lunes, sa Gateway Mall 2, Cubao, Quezon City, bilang suporta sa bidang si Paolo Gumabao.
Nakatrabaho ni Mark si Paolo sa 2019 iWant series na Mga Batang Poz, at sa pelikulang Beyond the Call of Duty na ipinalabas sa mga sinehan noong Setyembre 3, 2025.
Sa ngayon ay kasama si Mark sa Kapamilya seryeng What Lies Beneath kung saan gumaganap siya bilang American husband ng karakter ni Janella Salvador.
Kung walang trabaho, madalas ay nasa bahay lang si Mark sa probinsya. Mas gusto raw niya talagang sa peobinsya manirahan.
Pero kung magiging busy na muli siya sa showbiz, magbe-base muli siya sa NCR.
Read: Mark Neumann, back in showbiz after six years
MARK NEUMANN ON BEING A SINGLE FATHER
Napanood si Mark ng anak niya sa What Lies Beneath at tinanong daw siya nito ng, “Papa Mark, why did you fight with the woman on the TV?”
Akala raw ng anim na taong gulang na bata ay totoong kaaway niya si Janella. Medyo makulit na ito.
Nakatutok siya sa pag-aalaga sa nag-iisang anak niya?
“Yes, as much as possible. Now it’s a bit harder since I’m going back showbiz. But the years I was not active in showbiz, yun…”
During pandemic iyon?
“A little bit before pa.”
Ano ang naituro sa kanya ng pagiging parent?
“A lot of patience and you actually become the better person yourself… parang whatever you learn from your father, you pick up the things that could work,” pagmamatwid ni Mark.
“And then you have to adjust din. ‘Puwede ba ito sa anak ko? Gagana ba yan?’ Kasi every child is different.
“Every child has its own personality. And what might have worked for you, baka hindi gagana sa anak mo.
“So you have to change, di ba?”
Sakaling magkainteres na mag-artista ang anak niya, OK lang sa kanya?
“I will not, like, force him. I just want to let him live out his life as a child. I don’t want to like take his childhood away,” tugon ni Mark.
“Whatever he’s interested in, just support him. Whatever his interest is, just support him.
“Be there for him. Be a father. Guide him. I can introduce him to a few things, sports, martial arts, ganun.
“Para you know to keep him healthy, keep him busy. But in the end, what’s important, kung ano ang gusto niya, yun ang sundan ko.”
Nase-sepanx ba siya sa anak niya kung nagte-taping o nagsu-shooting siya?
“I visit him. Co-parenting kasi kami. So, I visit him, I pick him up, I keep him a few days, and then province kami,” lahad ni Mark.
“Kasi I’m not a fan na may hawak siyang device masyado. Very limited yung time niya. Maybe one to two hours, maximum na yan.
“Most of the time, tinutulungan niya ako sa mga hobbies ko. Like, paggawa ng pana. So, wood working, isinasama ko siya para he gets to touch tangible objects.”
Kasal na sa iba ang ina ng panganay ni Mark. Nanatili raw single si Mark mula nang maghiwalay sila three years ago.
“I wanted to focus on me, and I have my son to focus on. So, OK naman ako,” pakli ni Mark.
Read: Lea Salonga confirms separation from husband Robert Chien
NOEL FERRER
Na-miss daw ni Mark Neumann ang acting.
Sa pelikulang Beyond the Call of Duty ay maikli lang ang papel niya. Nanibago ba siya nang sumalang sa teleseryeng What Lies Beneath?
“A little bit. Of course. Hmmm drama agad, so medyo you know you have to keep up and make sure na you perform well and portray your role well,” tugon ni Mark.
THE RETURN OF ARTISTA ACADEMY
Kabilang si Mark sa Top 6 ng Artista Academy noong 2012.
Ngayong 2026 ay ikinakasa muli ng TV5 ang Artista Academy. OK lang sa kanya kung kunin siya ritong facilitator, o mentor.
Sagot ni Mark, “I’m not even a veteran actor, so I would say, mentor in a way, ‘I went through it. How can I help you?’ Something like that.
“Not be a teacher to them. Kasi me myself, I’m still discovering my own parang… iba-ibang experiences, what other roles I can take.
“Ano pa ba ang kaya kong ipakita, parang ganun.”
Read: Willie Revillame addresses on-air outburst at staff
GORGY RULA
Kagaya ni Paolo Gumabao ay nagpakita ng wetpaks si Mark Neumann sa seryeng Mga Batang Poz.
Si Paolo, nag-frontal nudity sa pelikulang Lockdown na nag-streaming noong Hulyo 2021.
Kakayanin din ba niyang ipakita ang kanyang private part?
“I don’t think frontal I can. But my butt, you can see my butt,” sambit ni Mark.
VIDEO SCANDAL
Noong 2016, matapos umamin ni Michael Pangilinan sa scandal video na pinapaligaya ang sarili, umamin din si Mark.
Ang sabi niya noon, human error iyon. Pero nadagdagan ang nagnanasa sa kanya matapos kumalat iyon.
May masasabi pa ba siya sa nasabing usapin?
“Wala, e. It really happened, e. I was young, it happened, I couldn’t do anything about it,” kaswal na saad ni Mark.
“I didn’t know I was recorded. That’s it, I just moved on with life… Just be careful with the people you trust, that’s all I can say.”
Akala tuloy ng iba, keri niyang magpa-sexy nang todo-todo just like Paolo…
Napangiti si Mark: “My sexy is behind closed doors. Hindi ko kaya.
"I mean, of course, brother Paolo, if he can do it, then you know, procks to him. I really respect him for that.
“For some people, they can do it. For some people, they cannot. It just really depends on the person.”
Kahit gaano kaganda ang project, kung may frontal nudity, tatanggihan niya?
“I don’t think so I can.”
Dahil din ba sa lumalaking anak niya?
“Well, one thing, it could be. Kasi isipin mo, the image, you’re a father. You have to uphold a certain image to your son,” sabi ni Mark.
“Kasi kawawa naman, di ba? And sometimes, when you make a mistake, it happened.
"Wala, e, I was young. It happened more than a decade ago.”
Read: Manny V. Pangilinan addresses end of TV5 partnership with ABS-CBN