JERRY OLEA
Post-Valentine presentation ang pelikulang Until She Remembers na bida sina Charo Santos-Concio, Boots Anson Roa-Rodrigo, at Barbie Forteza.
Nang makatsikahan ng PEP Troika si Barbie sa 81st birthday celebration ni Tita Boots Anson noong Enero 30, 2026, Biyernes, sa Club Filipino, Greenhills, San Juan City, kinumusta namin ang lagay ng kanyang puso sa Love Month.
Napangiting tugon ng Kapuso Primetime Princess: “My heart is full, and my heart is very happy. I really make time for myself.”
Read: Labor cases against GMA-7 explained; what's next after Supreme Court decision?
SPENDING VALENTINE'S DAY ALONE
E, sa Valentine’s Day?
“I’ll spend it alone, just like last year. And super-super happy. I’m surrounded with a lot of good friends!” bulalas ni Barbie.
“Kung nakikita nyo, ang sipag ko na uli tumakbo. Kasi, andami ko nang mga kaibigan na nagyayaya sa aking tumakbo.
“And that brings me so much joy na nakaka-inspire din kami ng iba to have a healthier lifestyle.”
Magta-travel siya ulit?
“Ahh yes pero for a bit. I’m gonna attend my friend’s wedding lang pero I’m gonna come back. Kasi, may trabaho na! Hi! Hi! Hi!” pagbungisngis pa ni Barbie.
Pebrero 25, 2026 ang playdate ng Until She Remembers, na idinirek ni Brillante Mendoza.
Nasa cast din ng movie sina Vince Rillon, Angel Aquino, Albert Martinez, Eric Quizon, Angel Latorre, Bianca Kierulf, Erlinda Villalobos, Perla Bautista, at Carlitos Siguion-Reyna.
Read: Boots Anson Roa-Rodrigo, nilunsad ang libro sa 81st birthday party
NOEL FERRER
Very honored si Barbie Forteza na makatrabaho ang iconic actresses na sina Charo Santos-Concio at Boots Anson Roa-Rodrigo sa pelikulang Until She Remembers.
Sa kuwento, gumanap si Barbie bilang 16-year-old high school student na si Angel. Lola niya si Concha, ang karakter ni Ma’am Charo.
In fairness, kapani-paniwala na high school student si Barbie sa nasabing movie.
Natawa si Barbie: “Talaga po ba? Nag-bangs pa nga po siya doon, di ba nga? Naku, sana po ay suportahan nyo po ang aming upcoming film, Until She Remembers.
“February 25 na po iyan in cinemas nationwide. We will have our red-carpet premiere sa SM North EDSA [Quezon City].”
BARBIE ON WORKING WITH BOOTS AND CHARO
Kumusta ang working relationship niya with the octogenarian Tita Boots and septuagenarian Ma’am Charo?
“Naku! Kita nyo naman, di ba? Bagets na bagets, super-Tiktok si Miss Charo, pero grabe!” bulalas ni Barbie.
“Sila pong dalawa, full of grace. Very gracious, and also very respectful to everyone.
“Alam po natin na siyempre sa estado nila, hindi na naman nila kailangang gawin yun, pero sa kanila pa talaga nanggagaling yung respeto at yung courtesy to be kind to everyone.”
Sa birthday celebration ni Tita Boots, sinabi ko kay Barbie na buti na lang nakakagawa siya ng magagandang projects na ganito ngayon at hindi na siya nakatali sa loveteam.
Mas nakikita tuloy ang galing niya bilang aktres.
Read: FAMAS officials reveal Ian Veneracion, The Kingdom declined recognition
GORGY RULA
Yung karakter ni Barbie Forteza sa Until She Remembers ay kulang sa kalinga ng pamilya.
“Kulang sa pagmamahal. This movie is about her journey and search for the true meaning of love,” sabi ni Barbie.
Kuwento ni Direk Brillante, in character agad si Barbie pag dumating sa set. Naging supladita raw tuloy ang impresyon sa kanya ng ibang staff sa production. Hindi nambabati?!
“Actually, sa totoo lang, hindi ko alam kung supladita or mas talagang focused,” paliwanag ng Kapuso Primetime Princess.
“Kasi, since wala ho kaming script, kapag nagsasalita si Direk, I wanna make sure na I get everything.
“Kasi, iyon na ang pinaka-script ko, e. Lahat ng sasabihin niya. So whenever he’s talking, whenever he’s speaking, I wanna make sure na I get everything. I absorb everything.
“Kaya pag ganyan, talagang wala… sa kanya lang ako nakatingin talaga. Ha! Ha! Ha!”
FIRST TIME WORKING IN A MOVIE WITH NO SCRIPT
First time ni Barbie na walang script sa isang project. Hindi naman daw siya nag-method acting.
“I just want to be present. Kasi since wala nga ho kaming script, hindi ko alam kung anong eksena yung kukunan namin, kung light or mabigat, e,” paglilinaw ni Barbie.
“So, ayoko lang ng masyadong makampante sa set. Hindi po ba? I had to be on my toes all the time, na kailangan ready ako — vulnerable enough ako, open enough ako to react to whatever Direk wants me to do.”
Kumusta ang experience na mag-shoot nang walang script?
“Liberating! Ha! Ha! Ha! Definitely I really appreciate the experience and I will definitely carry all the lessons that I’ve learned to my next projects.”
Nahirapan ba siya sa bigat ng lungkot ng karakter niya sa movie?
Tumango si Barbie: “Actually opo, napakabigat at napakaraming layers. Pero what made it super-easy is that napaka-generous po ng lahat ng ating mahuhusay na artistang kasama dito sa pelikulang ito.
“Especially our director, the captain of the ship, si Direk Brillante Mendoza. Talagang he really made sure na nakuha ng bawat artista ang instructions niya.
“Enough para ma-deliver namin nang maayos ang mga eksena.”
Ano ang mas na-enjoy niya, may script o walang script?
Napabuntong-hininga si Barbie: “Honestly, again… working without script is an experience na I really enjoyed.
“Pero mas enjoy ko talaga yung may script. Kasi, ano talaga, e…”