GORGY RULA
Nag-promote sa radio program namin sa DZRH si Chad Borja, kasama si Andrea Gutierrez, noong Biyernes, February 6, 2026.
Ito ay para sa post-Valentine concert nilang Chad Borja x Andrea Gutierrez JazzaNova Session na gaganapin sa Teatrino, Greenhills, San Juan City, sa February 20.
Napag-usapan namin ang musical plays na ginagawa ng ibang artists.
Sabi ni Andrea, sa tingin niya ay hindi siya pang-musical play dahil sa bossa nova ang style niya.
“Pag may chance, why not? Ma-try ko lang po,” pakli ni Andrea.
Si Chad ay sinubukan daw noon ang mag-stageplay pero hindi niya nagustuhan.
“Nag-try ako, pero hindi ko masyado type,” pakli niya.
“Ayoko ng medyo nai-stress ako dahil aside sa mag-memorize ka ng lines.
"Ang live singing kasi, iba. Ikaw yung diskarte mo. Mas gusto ko….
“Dati kasi, may offer sa akin… I tried sa Davao, yung Kele. Pangalan yun ng isang tao, Kele. Istorya ni Kele.
“Na-try ko. Kasi yung pagpapalit ng damit, mabilisan. Tapos kailangan ano ka… kahit may sakit ka, kailangan ano, e.”
Read: Chad Borja, ibinahagi ang 25-year battle sa thyroid cancer
CHAD BORJA OFFERED TO JOIN MISS SAIGON
Ibinahagi rin ni Chad na inalok daw siyang sumali sa Miss Saigon noong kapanahunan ni Lea Salonga.
“I had offer before, yung Thuy ba yun? Dahil tenor ako, e. Hindi ko tinanggap, kasi parang feeling ko, hindi ko kaya.
“Ibang challenge siya, e. Panahon yun ni Lea, Monique Wilson… sabi ko, mas gusto ko ng live band. Kasi lumaki talaga ako sa banda.
“Pero saludo ako sa mga stage performers. Ang dami kong mga friends na ganun, the late Cocoy Laurel, sina Leo Valdez pag napanood ko sila sa Miss Saigon.
“Kaya nga sabi ko, saludo din ako sa kanila. Kasi dapat tama yung timing mo. Kasi may mga kasama ka, e,” dagdag ni Chad.
NOEL FERRER
Mas pinili ni Chad Borja na bumuo ng banda at ngayon ay nagbabalik siya sa pagko-concert.
“Sa banda kasi, may freedom ka, lalo na pag soloista ka.
“May freedom ka, kahit anong gawin mong phrasing diyan sa isang kanta. Kasi ikaw yan, ikaw lang mag-isa, e.
“Pag may kasama ka, hindi ka puwedeng gumawa ng sarili mo, kasi kung hindi, mawawala yung iba… yung sa phrasing ba,” sey ni Chad.
Pagkatapos ng solo concert niya noong November 28, 2025 sa Music Museum, ngayon ay magko-concert siya uli sa Chad Borja x Andrea Gutierrez JazzaNova Session ng Echojam Entertainment Production.
Special guests nila sina Marco Sison, Natahan Randal at Voltaire Caballero, sa direksyon ni Calvin Neria.
Sabi ni Chad, tuluy-tuloy pa rin siya sa pagkanta hanggang ngayong magsi-senior citizen na siya.
Aniya, “Sabi ko nga, if God willing, kung aabot ng 80, 85, 90, siguro kakanta pa rin ako.”
As of now, alam ko, guest din si Chad sa 40th anniversary concert ni Joey Albert in April.
Ayan na ang tunay na kalibre ni Chad, lumalabas na ulit. Sana, marami pa!
Read: Anak ni Sheryl Cruz, pinili ang pag-aartista kahit nag-graduate na summa cum laude
JERRY OLEA
Na-enjoy ko ang All That Sound concert ni Chad Borja last November sa Music Museum.
Seamless ang transition ng pag-awit ni Chad sa iba’t ibang musical genre.
Ang ganda ng blending ng boses niya with guests Marco Sison and Apo Hiking Society.
Introducing sa nasabing concert sina Andrea Gutierrez at Isha Ponti.
Interesting panoorin ang pagsasama nina Chad at Andrea sa post-Valentine concert na JazzaNova Session.
Siyangapala, may Valentine show si Chad this February 14, Saturday, 6:00 P.M. sa Solano Hotel ng Lipa City.
Pinamagatan itong I Wish You Love: A Valentine Night with Chad Borja.
Guests dito sina Carmela Lorzano at Benedict Vinluan.
“So excited for this! I usually go to Lipa, Batangas to play golf with friends. But this time i will be singing not swinging pero baka pwede swing narin the day after,” Facebook post ni Chad noong Enero 28.
“Gusto nyo bang ma inlove lalo sa mga partners nyo? Tara na!”
Read: Caprice Cayetano, Lella Ford advance to PBB Ultimate 8