GORGY RULA
First time sumama ng ina ni Heart Evangelista na si Cecile Ongpauco sa Paris para dumalo sa Paris Fashion Week noong Enero ng taong ito.
Ikinuwento ni Mrs. Ongpauco na naiyak siya nang nakita niya kung gaano kasipag at ka-dedicated ang kanyang anak sa ginagawa nito para sa Paris Fashion Week.
“It’s the first time I saw her in her element in Paris at that, and I appreciate it, all the hard work, passion.
“She was neverending in motion. She was forever in motion.
"She wakes up at 3:00-4:00 A.M. It goes all day long just fixing her outfit, her accessories, all this and that.
“Always creative. I’m so proud to watch her in action,” saad ni Mrs. Ongpauco nang humarap siya sa media conference ng programang Heart World Season 2 na magsisimula na sa March 7.
Dagdag niya: “I just didn’t realize how much she puts into her craft. She just loves it and gives it more than her all. That made me so proud.
“I thought pa-cute cute lang siya, pa-pose pose. No! It was way different.
“Kaya naiyak ako, cause I saw her… she was so tired and still going, going, going. Endless!
"And for me, that was so beautiful.”
Read: Heart Evangelista back in the fashion week scene with mom in tow
CECILE ONGPAUCO'S WORDS OF WISDOM
Nagpapasalamat naman si Heart na kasama niya sa Paris ang kanyang mommy dahil na-inspire daw ito sa mga ginagawa niya, at naipagpatuloy niya ang kanyang ginagawa.
“Her words of wisdom are, like, from the books. One day maybe I’ll do compilation ng kanyang mga words of wisdom,” pagmamalaki ni Heart.
Mapapanood sa Heart World ang partisipasyon ni Mrs. Ongpauco at meron pang nangyari roon na ikinawindang nilang mag-ina.
Hindi lang daw alam kung saang episode ito mapapanood, pero traumatic daw yun sa kanilang mag-ina.
Read: Heart Evangelista skips Spring/Summer 2026 Fashion Week
NOEL FERRER
Ang sinasabing traumatic experience ng mag-ina sa Paris ay noong nilooban ang apartment nila ng isang di kilalang lalaki.
Ikinuwento ito ni Ogie Diaz sa kanyang YouTube channel.
Pinasok daw sina Heart sa kanilang silid habang natutulog sila. Pero nagising sila at nakita ang taong nanloob sa kanila.
Hindi nadala ng matinding takot si Heart. Napakalma raw nito ang kanyang ina na naghi-hysterical na sa nangyari.
Mabuti na lang daw at biglang tumunog ang security alarm ng kanilang apartment kaya nagmadaling tumakas ang intruder.
Pero may nadampot daw itong bag at nagmadaling lumabas ng bahay.
Nagpapasalamat na lang ang mag-ina na hindi sila nasaktan at walang ginawa sa kanila. Yun nga naman ang pinakamahalaga sa lahat.
Ibabahagi ito ni Heart sa kanyang programang Heart World.
Habang nagre-recover si Heart sa ganitong traumatic experience, patuloy pa rin siya sa pagiging aktibo sa international fashion scene at kinatawan ng Pilipinas sa mga malalaking global event ng fashion.
Read: Ellen Adarna speaks about issuing an ultimatum to Derek Ramsay for child support
JERRY OLEA
Ang isa pang karagdagang achievement kay Heart ay nang napabilang siya sa Top 10 Key Voices ng Lefty para sa January 2026 Paris Menswear Fashion Week.
Napasok ito ni Heart sa isa pa namang heavily male-dominated influencer landscape dahil nakapagtala siya ng 5.4% engagement rate.
Ang Lefty ay ang influencer marketing platform para sa mga nangungunang luxury at lifestyle brand.
Tinutukoy nito ang mga tamang influencer mula sa malawak na bilang mga qualified na online profile, gamit ang mga advanced system para makakuha ng malalim na pag-unawa sa mga demograpiko, audience, at statistics ng profile ng mga influencer.
Tanging si Heart ang Pinoy na nakapasok sa Top 10 ng Lefty.
Nakapasok din si Heart sa Top 10 ng Lefty noong July 2025, pero hindi niya ito nadaluhan noon.
Read: Marian Rivera rejects blind item linked to her and Dingdong