JERRY OLEA
PINOY MOVIES STREAMING ON NETFLIX PHILIPPINES
Limang pelikulang Pinoy pa lamang ang nag-streaming sa Netflix Philippines ngayong 2026.
Dalawa noong Enero: ang 100 Awit Para Kay Stella, na nag-umpisa noong Enero 22, at Near Death, na nagsimula noong Enero 29.
Tatlo sa Love Month: ang Everyone Knows Every Juan noong Pebrero 5; Meet, Greet & Bye noong Pebrero 19; Salvageland noong Pebrero 26.
Sa talaan ng Top 10 Movies ng Netflix Philippines, nag-peak ang 100 Awit Para Kay Stella sa pangalawang puwesto for three consecutive days—Enero 23-25.
Sequel ito ng 100 Tula Para Kay Stella, at bida pa rin dito sina Bela Padilla at JC Santos, sa direksyon ni Jason Paul Laxamana.
One day na nanguna ang Near Death, noong Enero 30, Biyernes.
Nasa cast ng horror movie na ito sina Charlie Dizon, RK Bagatsing, Xyriel Manabat, Joel Torre, Soliman Cruz, Lotlot de Leon, Nikka Valencia, Cholo Barretto, at Rosh Barman, sa direksiyon ni Richard Somes.
Fourteen consecutive days—mula Pebrero 6, Biyernes, hanggang Pebrero 19, Huwebes—na topnotcher ang Everyone Knows Every Juan, na idinirek ni Alessandra de Rossi.
Artista rin dito si Alessandra, kasama sina Edu Manzano, Ruby Ruiz, Gina Alajar, Ronnie Lazaro, Joel Torre, JM de Guzman, Kelvin Miranda, at Angeli Bayani.
Mula Pebrero 20, Biyernes, hanggang Pebrero 28, Sabado, Number 1 ang Meet, Greet & Bye, kung saan angat na angat si Joshua Garcia.
Tampok din sa movie sina Piolo Pascual, Maricel Soriano, Juan Karlos Labajo, Belle Mariano, Kaila Estrada, Matet de Leon, at Jeffrey Tam, sa direksiyon ni Cathy Garcia-Sampana.
Heto ang Top 10 Movies on Netflix Philippines ngayong Sabado, February 28, 2026:
- Meet, Greet & Bye
- Roofman
- Shutter
- Firebreak
- Pavane
- Pitch Perfect
- Pitch Perfect 2
- Everyone Knows Every Juan
- Rumble
- Accused
GORGY RULA
PINOY SERIES STREAMING ON NETFLIX PHILIPPINES
Nadagdagan ng sampung episodes ang What Lies Beneath nina Janella Salvador, Sue Ramirez, Kaila Estrada, Charlie Dizon, JM de Guzman, Jake Cuenca, at Jameson Blake.
Noong una ay 100 episodes lamang ito, pero naging 110 episodes na.
Ang Episode 110 ng series ay nakatakdang mag-streaming sa Marso 17, 2026, Martes.
Noong Pebrero 27, Biyernes, ay nalaglag muli ang What Lies Beneath sa talaan ng Top 10 TV Shows, pero nakabalik ito ngayon.
Iyong Roja ang ligwak sa Top 10 mula pa noong Enero 22, Huwebes.
Mahigit isang buwan nang ligwak sa Top 10 ang Roja, na may 80 episodes.
Bida rito sina Donny Pangilinan, Kyle Echarri, at Maymay Entrata.
Sa Marso 10, Martes, ang streaming ng finale. Tingnan natin kung sasampa itong muli sa Top 10 TV Shows.
Heto ang Top 10 TV shows on Netflix Philippines ngayong Sabado, February 28, 2026:
- Bridgerton
- Baki-Dou: The Invincible Samurai
- The Art of Sarah
- Jujutsu Kaisen
- The Night Agent
- Undercover Miss Hong
- Can This Love Be Translated
- No Tail To Tell
- What Lies Beneath
- Sentenced To Be A Hero
NOEL FERRER
Ibinalita ni Alex Calleja kahapon, Pebrero 27, sa Facebook ang streaming ng 58-minute comedy special niyang Past Is Past umpisa Marso 19, Huwebes.
Ibabahagi rito ni Alex ang kanyang “unflinching observations about his family, personal failures, and the oddities of life in the Philippines.”
Matatandaan na iyong comedy special ni Alex na Tamang Panahon last year ay nine consecutive days na number 1—Pebrero 9-17—sa Top 10 TV Shows.
Lalampasan kaya ng Past is Past ang record ng Tamang Panahon?
Iyong The Master Cutter ni Dingdong Dantes ay sa Abril 17 pa nakatakda ang Netflix streaming.
Co-stars dito ng Kapuso Primetime King sina Max Collins, Shuvee Etrata, Jo Berry, Sienna Stevens, Tonton Gutierrez, Rio Locsin, Joey Marquez, Paolo Contis, Ketchup Eusebio, Polo Ravales, Max Eigenmann, Charlie Fleming, at Prince Carlos.
At press time, wala pa kaming balita kung anong Pinoy movie, o kung meron man, ang mag-i-streaming sa Netflix Philippines sa Marso.
Sa Abril 9 pa nakatakdang ipalabas ang pelikulang 18th Rose nina Kyle Echarri at Xyriel Manabat, sa direksiyon ni Dolly Dulu.
Ang logline ng 18th Rose: “A spirited teen dreaming of the perfect debut makes a deal with a lonely newcomer, but unexpected feelings and revelations may shatter their plans.”
Sa Agosto 13 naman ang Netflix streaming ng pelikulang Ganito, Ganyan, Ganoon nina Agot Isidro at Jodi Sta. Maria, sa direksiyon ni Cholo Laurel.
Ang logline nito: “A TV writer returns home to her estranged mother, igniting chaos as they navigate painful secrets and the complexities of their dysfunctional family.”
Read:
Iwa Moto vs. Hajie Alejandro: Who's telling the truth?
Chinese star Zhang Yingfei nagulat na siya pala si Linda Walker