JERRY OLEA
Kagaya ng Ganito Kami Noon… Paano Kayo Ngayon? (1976) ni National Artist Eddie Romero, at Virgin Forest (1985) ni Peque Gallaga, saklaw ng pelikulang Sisa ni Jun Robles Lana ang panahon ng pananakop ng mga Amerikano.
“Natutunan ko dito sa film na ito na may mga concentration camps pala tayo,” sabi ng bida sa Sisa na si Hilda Koronel bago mag-special screening ang pelikula noong Pebrero 26, 2026, Huwebes, sa Cinematheque Centre sa Intramuros, Manila.
“Kasi when you think about concentration camps, you’re thinking about now. What’s happening in other countries — I won’t mention it na lang — but hindi ko alam na noong araw, ganoon pala noon.
“Yeah, well, in the Middle East or Africa, or things like that. But yun pala, meron din pala tayo noon.
“Saka andaming Pilipinong namatay noon. They were tortured, they were hanged. They were burned, you know, like what happened to Sisa, sa buong pamilya niya.
“So, andami nating hindi pinag-aralan. Ang mga pinag-aaralan, yung mga itinulong nila sa atin, yung mga infrastructure, so on and so forth.
“Pero yung mga masasamang bagay na more than a million Filipinos died, you know, because yung mga nationalist, kapag nahuli ka, tino-torture ka.
“Talagang binibitay ka. So, hindi natin ito napapag-aralan. And I want the younger generation to look at our history in a different matter.
“So, hihimayin namin ito sa pelikulang ito.”
Read: Park Bom claims being a decoy for Sandara Park's alleged drug abuse
HILDA KORONEL ON USA AND POLITICS
Nakabase na si Hilda sa USA, tapos, “kontrabida” sa Sisa ang mga sundalong Kano…
“Hey! Don’t forget, my father is American, so I have nothing against him, and I’m an American citizen,” pagmamatwid ni Hilda.
“So, pelikula lang ito. Trabaho lang ito. Hindi ito pulitika, OK?! Huwag nating gawing pulitika.”
Showing ang Sisa sa mahigit 175 sinehan nationwide umpisa ngayong Marso 4, 2026, Miyerkules.
Ayon sa Facebook post ng Cinema Exhibitors Association of the Philippines (CEAP), today rin ang opening sa local cinemas ng foreign films na Captured, Devil Black Cat, Hoppers, Bride!, Wardriver, Beneath The Ground, All You Need Is Kill, at Aurora: What Happened To The Earth? na exclusive sa SM Cinemas today at sa Marso 7, Sabado.
Yung Enhypen [Walk The Line Summer Edition] ay Marso 5-8 naman ang showing.
NOEL FERRER
Maliban kay Hilda Koronel, tampok sa Sisa sina Eugene Domingo, Jennica Garcia, Tanya Gomez, Angellie Sanoy, Barbara Miguel, Jorrybell Agoto, at Janina Mendoza. Nasa cast din sina Isabel Lamers, Romnick Sarmenta, Nico Antonio, Kobie Brown, Kuya Manzano, Jess Evardone, Timothy Castillo, Shun Mark Gomez, at Raffy Tejada.
HILDA KORONEL ON WORKING WITH THE FEMALE CAST OF SISA
Swak sa pagdiriwang ng Women’s Month ang Sisa, kung saan mga babae ang bida.
“Oh yeah, matibay dito ang mga babae. They’re very brave, very strong!” bulalas ni Hilda.
Ang ganda ng dynamics nila ni Uge…
“Oo naman, lahat kami. All of us — Jennica, we have Barbara, Janina, Jorrybell. Everybody. It’s a compleat cast. The entire film, mahusay ang cast namin.”
Offcam, kumusta sila?
“Ay, lahat masaya kami, no?! Magkakaibigan naman kami lahat. Puro kami lokah!” bulalas ni Hilda.
“Ha! Ha! Ha! Not in that Sisa sense, but alam mo, biruan nang biruan sa set.”
Ang cute ng vlog nila ni Uge…
Tumango si Hilda, “Yeah, what I told her kasi, since lahat ng questions, always seryoso, I wanted to do something with her that was kinda funny.
“To show the other side of me naman. Na hindi naman ako ganun kaseryoso lagi. Na luka-luka rin ako nang konti. Ha! Ha! Not in the Sisa sense, OK.
“That I could be fun also. Kasi medyo parang hindi alam ng mga ibang tao. Suplada daw and aloof and all that, but hindi nila ako talaga kilala.”
Read: TRENDING: "The Big Four" sa reality show at sa alleged video scandal
HILDA SAYS SHE'S "TOO OLD" FOR TIKTOK
Nag-Tiktok ba siya para sa promo ng Sisa?
“Medyo hindi pa ako. Ayokong magsayaw. I’m too old! That’s where I draw the line. Ayokong magsayaw ng Tiktok, Tiktok, omigod!”
Naisip ba niyang magpakaaktibo sa socmed?
“No. Hanggang IG lang ako. Yung mga IG fans ko pa ang tumutulong sa akin.
"Sila ang nagbibigay ng pictures ko, ng reels ko. They’re the ones, mga Gen-Z girls ko ito,” sey ni Hilda.
“They’re the ones who really do it for me. Yung nakikita nyo sa IG ko, sila lahat.”
May mga kakontemporaryo siya, o mas matanda sa kanya, na nagti-Tiktok…
“Kaya nga. OK lang iyon. Kanya-kanya lang kami. Huwag na lang ako. Hindi ko kaya! Ha! Ha! Ha!”
HILDA ON STAYING HEALTHY
Kumusta ang health niya? Considering na ang dami niyang kasabayan o mas bata sa kanya na pumanaw na…
“Oo nga. OK naman, I mean, kaya pinipili ko naman ang mga projects ko. Kasi, sa akin, yung health ko muna ang mas importante,” sagot ni Hilda.
“It’s not perfect but I’m OK. I’m still here! Yeah, so ingatan na lang. Siyempre, may edad na, senior na.”
Fresh pa rin ang dating niya, in fairness. Ang beauty regimen niya, the usual stuff daw na ginagawa sa skin clinic sa Beverly Hills.
Stress-free siya?
“Yeah. I stay away from people most of the time!” natatawang pag-amin ni Hilda.
“Toxic people. Hypocrites... emotional vampires. Yeah, mga kaibigan ko kasi, quality more than quantity.
“So I just want some peace and quiet. Most of the time, I’m in my home. I stay with my son… I’ve been gardening. That’s about it.
“Hindi ako pala-party kahit noong bata ako. I don’t.”
Read: Here's the star-studded wedding entourage of Kim Molina and Jerald Napoles
GORGY RULA
May homage ang Sisa sa pelikulang Insiang (MMFF 1976) na pinagbidahan nina Hilda at Mona Lisa, sa direksyon ni National Artist Lino Brocka.
“Ipinatong nila. That was nice,” sabi ni Hilda.
HILDA KORONEL'S TOP 3 FAVORITE MOVIES
Ang 1976 ay itinuturing na golden year ng Philippine cinema.
Maliban sa Insiang at Ganito Kami Noon… Paano Kayo Ngayon?, marami pang socially relevant films na ipinalabas sa lipon ng humigit-kumulang 170 films that year.
Andiyan ang Tatlong Taong Walang Diyos, Minsa’y Isang Gamu-gamo, Nunal sa Tubig, Itim, Mortal, Sakada, at Ligaw na Bulaklak.
“It’s nice because I find that Insiang was relevant before up to now. It is. So, very important,” sambit ni Hilda.
“This Sisa will be relevant 50 years from now.”
Kasama na ba ang Sisa sa Top 3 favorite films na ginawa niya?
“Oh yeah. I like this one. Of course, I will always love Insiang, Maynila [Sa Kuko ng Liwanag], you know,” tugon ni Hilda.
Andami pang memorable films ni Hilda, gaya ng Angela Markado, Beloved, Gaano Kadalas Ang Minsan?, Kung Mahawi Man Ang Ulap, Working Girls, Nagsimula sa Puso, at Tanging Yaman.
Andiyan din ang Crying Ladies, Babangon Ako’t Dudurugin Kita, Palabra de Honor, PX, Nakaw na Pag-ibig, Kung Mangarap Ka’t Magising, Tatlo, Dalawa, Isa (“Hellow, Soldier” episode), Santiago, Tinimbang Ka Nguni’t Kulang, Hayop sa Hayop, Kasal, Santa Santita, Nasaan Ka Man, Nasaan Ka Nang Kailangan Kita, Sana Bukas Pa Ang Kahapon, at Stardoom.
Kabilang sa nanood ng Sisa sa Cinematheque Centre Manila sina National Artist Ricky Lee at Direk Laurice Guillen.
Si Sir Ricky ang scriptwriter ng PX, Nagsimula sa Puso, at Nasaan Ka Man.
Si Direk Laurice naman ang nagdirek ng Kasal, Kung Mahawi Man Ang Ulap, Tanging Yaman, at Santa Santita.
Read: 1976: The Golden Year of Philippine Cinema