JERRY OLEA
Umabot sa 617,919 ang peak concurrent viewers ng FPJ’s Batang Quiapo kagabi, Marso 4, 2026, sa Kapamilya Online Live sa YouTube.
Ngayong Marso 5, Huwebes, ay may pasilip na ng eksena sa taping ng seryeng Coco Martin’s Sigabo kung saan bida sina Coco at Julia Montes.
Ang finale ng FPJ’s Batang Quiapo ay nakatakda sa Friday the 13th this month, samantalang ang pilot ng Coco Martin’s Sigabo ay naka-schedule sa Marso 16, Lunes.
Read: REVIEW: Hilda Koronel exceptional in Sisa
BATANG QUIAPO THANKSGIVING IN ASAP
Pangungunahan ni Coco ang ASAP Presents FPJ’s Batang Quiapo Pasasalamat sa Marso 8, Linggo.
Bubungad sa opening number si Coco kasama sina Ogie Alcasid, Erik Santos, Yeng Constantino, Belle Mariano, Darren Espanto, Alexa Ilacad, BINI, Jona, Elha Nympha, Esang De Torres, at Carmelle Collado; pati na rin ang Batang Quiapo rappers na sina Bassilyo, Smugglaz, Kial, Sisa, MastaFeat, at Flict-G.
Magpapakilig sa duet sina Coco at Maris Racal.
Kasunod nito ang pasabog na performance mula kina Ogie, Erik, at Yeng kasama ang naging pamilya ni Tanggol na sina Cherry Pie, Angel Aquino, Rosanna, Roces, Chanda Romero, Jake Cuenca, Aljur Abrenica, Ron Martin, Elijah Canlas, John Medina,Mark Lapid, Alan Paule, Joel Lamangan, Ihman Esturco, Atty. Rey Campanilla, Tess Antonio, Coach Badong, Chet Pastrana, Atong Redillas, Bobby Henson, Jun Nayra, Nor Domingo, Aleck Bovick, at Raymond Ronquillo.
“Magpapainit” sina Ara Davao, Criza Taa, Gillian Vicencio, at Maris sa isang maalab na dance number.
May tribute si Gary Valenciano para sa buong Batang Quiapo family na pangungunahan muli ni Coco.
Naospital si Gary V the other week dahil sa cellulitis. Hirap siyang maglakad after ma-discharge sa ospital noong Pebrero 24. Mabuti at kinaya niyang maging bahagi ng pagdiriwang na ito.
Kaabang-abang din ang duet nina Coco at Julia sa pagpapakilala ng kanilang bagong serye.
Napapanood ang ASAP sa Kapamilya Channel, ALLTV2, Kapamilya Online Live, Jeepney TV, A2Z, iWant, at TFC.
Read: Hilda Koronel: "We were very poor. I grew up in the slums."
NOEL FERRER
Nagbida si Coco Martin bilang Cardo sa FPJ’s Ang Probinsyano mula Hunyo 2020 hanggang Agosto 2022.
Rumatsada si Coco bilang Tanggol sa FPJ’s Batang Quiapo mula Pebrero 13, 2023, na magwawakas sa Marso 13, 2026.
Noong Marso 2, 2025 ay bumalik sa GMA 7 ang FPJ sa GMA makalipas ang halos tatlong dekada.
Umere ang FPJ sa GMA sa Saturday primetime block ng GMA-7 noong 1985-1995.
May bali-balita noon na ang isusunod ni Coco sa FPJ’s Batang Quiapo ay FPJ’s Ang Maestro, pero kuwentong kutsero lang iyon.
Ibang-iba ang Coco Martin’s Sigabo kumpara sa FPJ’s Ang Probinsyano at FPJ’s Batang Quiapo.
Since then, Coco has become a bankable TV star. And an acknowledged director and producer.
Isang major feat kapag nagawa rin niya itong uri ng impact sa pelikula.
All the best!
GORGY RULA
Kagaya ng FPJ’s Batang Quiapo, sa Marso 13, Biyernes ng gabi rin ang finale ng Roja kung saan bida sina Donny Pangilinan, Kyle Echarri, at Maymay Entrata.
Ang kapalit nito umpisa Marso 16, Lunes ng 8:45 P.M., ay The Alibi: Ang Buong Katotohanan nina Kim Chiu at Paulo Avelino.
ROJA FINALE
Naka-focus ang ASAP sa Linggo, Marso 18, sa farewell and thanksgiving ng FPJ’s Batang Quiapo, kaya dedma na lang sa Roja?
Ligwak ang Roja (80 episodes) sa talaan ng Top 10 TV Shows sa Netflix Philippines mula pa noong Enero 22, Huwebes.
Ang finale episode nito ay mag-i-streaming sa Marso 10, Martes, sa Netflix PH.
Babalik ba kaya ang Roja sa listahan ng Top 10 TV Shows ng Netflix PH?
A SECRET IN PRAGUE
Samantala, ngayong Marso 5, Huwebes ng 7:45 P.M., sa Frontline Pilipinas ng TV5 ay matutunghayan ang world premiere ng teaser ng seryeng A Secret in Prague.
Hopefully ay maibalita na rin kung kailan ang premiere ng nasabing serye nina Andrea Brillantes, Enrique Gil, Cedrick Juan, at Kim Domingo.
Abang-abang din tayo sa trailer ng Coco Martin’s Sigabo, at kung kasama nga ba roon ang isang aktres na napabalitang nasa cast ng The Kingdom: Magkabilang Mundo.
Read: Morenong aktor, iiwan ang showbiz para sundan ang pamilya sa Amerika