GORGY RULA
Nag-sorry kay Anne Curtis si Sheila Guevara-Suntay, ang maybahay ni Quezon City Fourth District Representative Jesus “Bong” Suntay.
Kasabay nito ay pinabulaanan niya ang lumabas na report na pinagtawanan niya ang malisyosong pahayag ng mister niya tungkol sa aktres.
Ito ay kaugnay ng pahayag ni Suntay sa pagdinig ng House Committee on Justice kaugnay ng pangatlong impeachment complaint laban kay Vice-President Sara Duterte noong Marso 3, 2026.
Ayon kay Suntay, dahil sa kagandahan ng aktres, naramdaman daw niyang may "nag-init" sa damdamin niya at "na-imagine kung ano ang puwedeng mangyari."
Read: QC congressman, binatikos dahil sa komento kay Anne Curtis
SHEILA GUEVARRA-SUNTAY'S STATEMENT
Ang personal statement ni Gng. Suntay na inilabas sa kanyang Facebook account ngayong Marso 5, 2026, Huwebes ng gabi: “I want to be unequivocally clear: My children & I do not agree with, and we do not condone, the analogy made by Bong.
“The news circulating, that I laughed and therefore approved of what was said is false, and I will not allow that narrative to stand unchallenged.
“To Anne Curtis and her family — I am deeply sorry. No woman should ever be spoken about that way, and I understand if words alone feel insufficient.
“Please know that my heart goes out to you, and I stand with you.
“Every woman — regardless of who she is, whose wife or daughter she may be, or whatever her background — deserves to be treated with dignity and respect. That is a value I hold deeply and will never compromise on.
“I also make this appeal with all sincerity: please leave me and my children out of this.
“We are not public figures. My children are children. No mother should have to watch her children be targeted and harassed for something they had no part in.
“I humbly ask the public and the media to respect that boundary. Thank you.”
NOEL FERRER
Dahil sa tinuran ng asawa ni Congressman Bong Suntay, makikitang mas evolved na human being ito kaysa sa mister niyang nasa puwesto.
Ang tanong ng mga tao: paano kaya ngayon ang dynamics sa bahay ng mga Suntay — dahil magkaiba ang mga pinakawalang mga statement?
May nagsisinungaling.
At ang mga ganito ay walang puwang sa mga boto natin sa susunod na eleksyon. Harinawa!
Read: Celebrities call out Bong Suntay over remarks about Anne Curtis
JERRY OLEA
Mainit na pinag-usapan ang Anne Curtis x Representative Bong Suntay issue sa mediacon ng pelikulang I Fell, It’s Fine nitong Marso 5, Huwebes, sa Deer Claus, 11th Jamboree St., Quezon City.
GLAIZA DE CASTRO AND RHIAN RAMOS
OK lang ba kina Glaiza de Castro at Rhian Ramos na pagpantasyahan sila, at ihayag iyon sa Kongreso?
Compliment ba iyon para sa kanila? Nakaka-flatter?
Pahayag ni Glaiza: “Kahit na sino man yan, congressman man o hindi, hindi tama na sabihin yon. Kumbaga parang… yung ang mga usapan niyo pag kayo-kayong magkakatropa, e, pag mag-iinuman kayo.
“Kumbaga, na ipagmalaki mo pa, medyo nakakadismaya lang siyempre. I can only feel for yung mga babae sa buhay nung mga lalaking ganun, di ba?
“Nararamdaman ko yung nararamdaman nila, di ba? So, para po sa akin, importante na hindi siya i-ignore.
“Kailangan nating magsalita about it in a very diplomatic and respectful way. Hindi naman tayo parang, ‘O, nasaan na, di ba?’
“Hindi naman tayo ganun. Kumbaga, parang sa atin, hinihingi lang natin ang respeto. “And para din maging aware sila na hindi iyon appropriate.”
Susog ni Rhian: “I think this country is a very patriarchal country to begin with. And I think there’s not enough education to go around.
“Na para we can catch up with the rest of the world already. Women are not items. Women are not something that you can own, and just use at your whim.
“So we have to understand na may sarili kaming puso, isip. You have no right to say that in public.
“I mean, I can understand what you’re saying na some people get flattered to know na pinagpapantasyahan sila.
“But I mean, do you think I don’t have fantasies? I would tell you, no. I mean, these are the kinds of things that you keep to yourself out of respect for another human being.
“But I mean, if you have the feeling that you can say it out loud, maybe you’re not viewing them as another human being.
“So ayun, I hope that all of the good fathers out there can raise their sons to understand how to respect women as equals, as partners, and not as something that you own.”
ELIZABETH OROPESA
Sabi ni Elizabeth Oropesa, hindi niya napanood ang pagsasalita ni Congressman Suntay tungkol kay Anne sa congressional hearing, pero marami siyang narinig tungkol dito dahil trending ito.
Ani Elizabeth: “Doon sa kapirasong nalalaman ko — wrong choice of words talaga. Parang hindi maganda.
“Saka hello?! May nanay ka ba? May kapatid ka bang babae? May asawa ka ba?
“Ganyan ba ang gusto mong marinig pag pinag-usapan yung asawa mo, yung nanay mo, o yung kapatid mo? Napakasimpleng bagay, e.
“Unfortunately, very patriarchal ang society natin from the very beginning. Ngayon lang umusbong kahit papaano yung katwiran at karapatan ng mga babae. Di ba?
“Ang society natin, macho. Pa-macho-han. E, andami kayang babaeng mas macho sa lalaki. Hindi ako nagbibiro.
“Kailangan lang, sana matutong gumalang sa kapwa. Ma-babae, ma-lalaki. GMRC [Good Manners and Right Conduct]!”
SIGRID ANDREA BERNARDO
Pagmamatwid ni Direk Sigrid Andrea Bernardo: “Una sa lahat, nasa Kongreso ka. Yun lang, period.
“Nasa public forum ka na pinag-uusapan ang tungkol sa bayan natin. Ang future ng bayan natin.
“Tigilan mo ako sa mga pantasya mo! Wala siyang lugar para sa Kongreso. Yun lang naman yun, e.
“Walang problema, magpantasya tayo — kahit every day mo gawin, minu-minuto yan. Ang point ko, nasa Kongreso tayo! Nakakaloka!
“Wala bang good morals? Hindi ba itinuturo yan sa school? Yung public speaking.
“Sa dinami-dami ng example na puwede niyang gawin, because alam ko naman na meron siyang pinupunto. Walang problema doon.
“Sa dinami-dami ng example, yun talaga?! Matuto tayong mag-isip lalo na kung public official ka kasi! Iyon yun, e!”
Ang I Fell, It’s Fine ay nakatakdang ipalabas sa mga sinehan sa Abril 4, Sabado de Gloria.
Nasa cast din ng movie sina Rafael Rosell, Queenay Mercado, Alchris Galura, at Ice Arago.
Maliban sa pagiging bida ay supervising producers ng movie sina Glaiza at Rhian. Ang executive producers ay sina April Martin at Pauline Mae Publico.
Read: Aktor, DGPI, FAP nanindigan kontra Congressman Bong Suntay