GORGY RULA
Umalagwa muli sa ratings ang Encantadia Chronicles: Sang’gre mula nang magpaalam sa ere ang katapat nitong FPJ’s Batang Quiapo noong Biyernes, Marso 13, 2026.
Ang nagawakas na teleserye lang talaga ni Coco Martin ang masasabing threat sa mga programang nakakatapat ng Sang'gre.
Noong Lunes, Marso 16, nagsimula ang The Alibi: Ang Buong Katotohanan na pumalit sa timeslot ng Batang Quiapo.
Pero hindi pa gaanong nagpapasiklab sa ratings ang teleseryeng pinagbibidahan nina Kim Chiu at Paulo Avelino.
Read: Vortang aktor, big NO na sa variety show dahil sa pag-a-attitude
MARCH 16, 2026 PRIMETIME RATINGS
Narito ang ratings ng primetime shows noong Marso 16:
Ang 24 Oras ay 12.2%; ang Frontline Pilipinas ay 1.7%, at ang TV Patrol ay 4.1%.
Sumunod ang Sang’gre na naka-10.4%; ang The Alibi ay 5.6%, at ang Totoy Bato sa TV5 ay 0.9%.
Medyo tumaas ang Never Say Die na naka-6.6%; habang ang nakatapat nitong What Lies Beneath ay 2.8%.
Medyo umokey na rin ang ratings ng The Secrets of Hotel 88 na naka-3.9%; at ang K-drama na Love Scout ay 1.1%.
Sumunod ang Saksi na 1.9%.
Read: Joel Lamangan nagsalita na sa plaster allegation ni Ahron Villena
JERRY OLEA
Noong Martes, March 17, naman ay medyo bumaba ang primetime programs pero konti lang naman.
Ang 24 Oras ay 12%; ang Frontline Pilipinas ay 1.9%, at ang TV Patrol ay 3.6%.
Ang Sang’gre ay 10%, at ang The Alibi ay 5%.
Ang Never Say Die naman ay 6.5%; at ang What Lies Beneath ay 3.3%.
Ang sumunod na The Secrets of Hotel 88 ay 3.4%; at ang Love Scout ay 1.3%. Sumunod ang Saksi na 1.7%.
NOEL FERRER
Ang mga panghapong programa ay ganun pa rin ang viewership. Parang hanggang doon na lang siguro ang kaya nila.
Inaasahan pa namang nasa bahay na lang ang mga tao dahil sa taas ng gasolina. Pero hindi man lang tumaas ang viewing level nito.
Noong Lunes, March 16, ay ang Family Feud ang bahagyang tumaas dahil ang grupo ng It’s Showtime nina Vice Ganda ang naglaro.
MARCH 17, 2026 DAYTIME RATINGS
Simulan muna natin sa It’s Showtime na 4.9%; at ang Eat Bulaga! ay 3%.
Sumunod ang Hating Kapatid na 5.7%; ang replay ng Lavender Fields ay 0.4%, at ang Frontline Express ay 1.6%.
Ang House of Lies naman ay 4.8%; at ang replay na Senior High ay 0.4%.
Ganundin ang Apoy sa Dugo na 3.9%, na halos kapareho lang ng rating ng replay na Unica Hija.
Pagkatapos nito ay ang Fast Talk With Boy Abunda na 3.6%; at ang sumunod na nag-pilot na the Sweetest Taboo ay 2.7%.
Ang Family Feud ay 7%, pero mataas ang online views nito; at ang Minute To Win It ay 1.1%.
Noong Martes, March 17, naman ay medyo tumaas ang It’s Showtime na 5.6%, at ang Eat Bulaga! ay 3%.
Sumunod ang Hating Kapatid na 5.5%; ang Lavender Fields ay 0.5%, at ang Frontline Pilipinas ay 1.8%.
Ang House of Lies naman ay 4.9%, at ang Senior High ay 0.6%.
Ang Apoy sa Dugo ay na-maintain ang 3.9%, at pagkatapos nito ay ang Fast Talk With Boy Abunda na 3.2%; at ang The Sweetest Taboo ay 2.4%.
Medyo tumaas ang Family Feud na naka-7.1%. Ang pamilya ni Ricci Rivero ang naglaro rito laban sa mga champion ng Mobile Legends.