GORGY RULA
Unforgettable experience para kay KD Estrada ang pagsali niya sa Bagets The Musical.
Ginampanan dito ni KD ang role bilang Arnel na karakter ni Raymond Lauchengco sa pelikula.
Sabi ni KD, feeling niya ay parang napasok siya uli sa Pinoy Big Brother dahil nabuo ang magandang relasyon niya sa buong cast, lalo na sa mga kasamahan niyang bagets na sina Andres Muhlach, Jeff Moses, Milo Cruz, Ethan David, Tomas Rodriguez, Miko Chua, Migo Valid, Sam Shoaf at Noel Comia Jr.
Si KD ay naging housemate sa PBB: Kumunity Season 10.
Read: Is Zaijian Jaranilla the guy Gela Atayde is in love with?
“Parang nag-PBB ako ulit. But this time, parang solid as in super solid talaga,” bulalas ni KD nang nakapanayam ng PEP Troika noong Linggo, March 22, 2026, bago sila nagsimulang mag-perform sa Newport Performing Arts Theater, Newport World Resorts, Pasay City.
“Super close kami, as in magkakapatid na magko-close. And parang nagkaroon ako ng nine friends na I would take a bullet for them.
“As in ganun ka-close kami, na solid talaga yung foundation ng samahan namin.”
Sa kanilang siyam, kanino siya pinaka-close?
“Well, first ko na-meet talaga si Jeff, si Jeff Moses. Kasi sabay kaming nag-audition. Sabay din kaming nag-audition for the same role.
“Ayun! Iba yung napunta sa amin. Super solid kami ni Jeff. But I would say na super close kaming lahat,” pakli ni KD.
KD ESTRADA SAYS THEY ALL WORKED HARD FOR BAGETS THE MUSICAL
Si KD ang isa sa pinakamagaling sa Bagets The Musical.
Pero ayon kay KD, lahat daw sila ay magaling at talagang pinaghirapan nilang lahat na maibigay ang "the best" para rito.
Saad niya: “Nakakataba ng puso for me. Kasi, we worked really hard for this project.
"And kitang-kita ko sa mga mata nila na tuwing nagpe-perform kami or yung nakasalang yung isang set, o nakasalang yung set namin, nakikita namin na grabe!
“Isipin niyo na parang four months ago, three months ago, sobrang nahihirapan kami sa mga sayaw, nahihirapan kami sa mga dance,
“Pero now, we’re just breezing through it, and nasa sistema na namin yung ano, yung mga ginagawa namin.”
Read: Sharon Cuneta, magbibida sa collab teleserye ng GMA-7 at ABS-CBN?
NOEL FERRER
Na-enjoy talaga ni KD Estrada ang musical dahil dito raw niya naipapakita ang talento niya sa pagkanta, pagsayaw at pag-arte.
“Super na-enjoy ko po dito. I would say na theater is one of my passions right now. And ewan ko, nakikita ko yung sarili ko na I’ll be doing this for more productions.
“If ever mag-rerun ito, sana mag-rerun, ayun, gagawin ko ito uli.
"Ang gusto sa theater kasi, mix siya ng tatlong talent ko. Yun talaga, singing, dancing, acting,” saad ng 23-year old singer-actor.
KD ESTRADA WILLING TO AUDITION FOR BROADWAY AND WEST END
Pangarap din daw niyang makapasok sa Broadway o West End. Kapag may pagkakataon ay susubukan daw niyang mag-audition.
“Puwede!” bulalas ni KD.
“Open ako na mag-Broadway or mag-West End, kasi ahhh… actually, ang dami ko ring mga dream role pagdating sa mga musical plays. Like, katulad ng Hadestown, Grease, ahhh yung mga ano, ayun Wicked din!
“Ma-try ko sana yung mga productions na yun kasi, ibang level yan,” napangiti niyang pahayag.
Read: Investigation results about sex video scandal, nakakagulat!
JERRY OLEA
Nag-react ang cast ng Bagets: The Musical sa mga nagko-compare sa kanilang sampung bagets.
Wala raw comparison sa kanila, at nandiyan daw ang suportahan nila sa isa’t isa.
KD ESTRADA ON ANDRES MUHLACH
Sa kanilang sampu, si Andres Muhlach ang bagito sa theater.
Pero ang sabi ni KD Estrada, hindi nagpapahuli si Andres. Magaling daw na performer ang bagets ni Aga Muhlach, at nakakasabay raw sa kanila.
“Singer si Andres e,” bulalas ni KD.
“First time lang niyang gawin. Pero I would say for a first-timer si Andres, super proud of him talaga.
“Like, Andres is one of the hardest workers dito sa production na ito. Sobrang sipag ni Andres. Nakikita naman.
“Nagre-rehearse yan sa… 3:00 A.M., nagre-rehearse pa yan sa mga dance and kitang-kita. Kasi sobrang hirap ng mga sayaw namin.”
Kaya sobrang proud daw silang lahat kay Andres.
Y SPEAK 2.0
Bukod sa Bagets The Musical, bahagi rin si KD sa isang programa niya sa ABS-CBN, ang talk show na pam-bagets din, ang Y Speak 2.0 na inilunsad noong nakaraang buwan.
“Kasama ko po sina Ralph de Leon, Elijah Canlas, si River Joseph, Aya Fernandes, Robbie Jaworski.
“It’s a talk show for the youth, for young artists. Medyo debate. And we also bring up mga social issues, mga social awareness. Medyo advocacy din siya.
“Hosting a talk show, ibang experience,” sambit ni KD.
Read: Andres Muhlach, all-out sa Bagets performance; bida ba si Atasha sa Annie Batungbakal musical?