JERRY OLEA
Hesus ang pangalan ng karakter ni Mhack Morales sa pelikulang Desperada, na rated R-18 ng MTRCB.
Brenda as in “brain damage” naman ang pangalan ng title roler na si Robb Guinto.
Samantalang Lucio ang pangalan ng karakter ni Yasser Marta.
Ang ugat ng pangalang iyan ay “lux” na ang ibig sabihin ay liwanag, luminous, or bringer of light.
Related ang Lucio sa mga pangalang Lucas, Luke, Luciano, at… Lucifer (light-bringer, morning star).
Read: Elizabeth Oropesa recalls being part of Seven Stars in the '70s
Ang Desperada ay isa sa anim na feature length films na kalahok sa 8th Sinag Maynila, na nag-umpisa noong Marso 23, Lunes, at magtatapos sa Marso 29, Linggo ng Palaspas.
Naghubad ang tatlong pangunahing karakter ng Desperada na sina Hesus, Brenda, at Lucio. May eksenang nag-threesome sila.
Sina Robb at Mhack ay maraming beses nang naghubad at nakipag-sex scene sa VMX movies.
Si Yasser ay first-timer magtalop at makipaglampungan sa Desperada, na idinirek ni Louie Ignacio mula sa panulat ni Dennis Evangelista.
SPOILER ALERT!
Sa ending ng pelikula, nagpatiwakal si Lucio, at mistulang “tagapagligtas” ni Brenda si Hesus.
YASSER MARTA PLAYS HESUS IN SENAKULO IN ANGELES CITY
Kung si Mhack ay nag-Hesus sa pelikulang Desperada, si Yasser naman ay Hesus sa street play na Siete Palabras 2026: The Seven Last Words of Christ na itatanghal sa Abril 1, Miyerkules Santo, hanggang Abril 3, Biyernes Santo sa Brgy. Lourdes North West (LNW) ng Angeles City, Pampanga.
Tampok din sa senakulo sina Juliana Genaskey bilang Maria, Je Vever Dimatulac bilang Pedro, Michael Estandarte bilang Hudas, Harvey Santiago bilang Pilato, at Anika Masiglat bilang Claudia.
Ang VMX actor na si VJ Vera ang Caiphas.
Take note na sa Marso 31, Martes Santo ng 6:00 P.M., sa Clark Parade Grounds, tampok din si VJ sa Panata at Tradisyun: Via Crucis (Ang Daan ng Krus) sa direksiyon ni Jayson G. Pabalan na siya ring direktor ng senakulo na bida si Yasser.
Nasa LNW Siete Palabras 2026 din sina Razlie Prencillo bilang Nicodemus, Schimmer Garcia bilang Pari, Sean Lacanilao bilang Herodes, Carly Ward bilang Veronica, Shaina Dimaunahan bilang Magdalena, Gabriel Balingit bilang Abenader, John Jayson Dejesus bilang Barabas, Mike Ivo Abaya bilang Simon, Kenneth Bautista bilang Satanas, at Reng bilang Hudyos.
Bahagi ng post ng LNW Siete Palabras 2026 sa kanilang Facebook page na naka-pin noon pang Marso 8: “A Journey of Faith and Sacrifice. This Holy Week, witness a powerful reenactment that transcends the stage and touches the soul.
“The award-winning production team of Barangay Lourdes North West Angeles City, in a special partnership with Uyat Artista, brings to life the final hours of Jesus Christ in a moving portrayal of the Seven Last Words…
“Experience a breathtaking performance as Yasser Marta takes on the role of Christ, leading us through the profound agony and ultimate mercy of the Passion.
“This is more than just a play; it is a community’s labor of love and devotion.”
Ang senakulo ay suportado ng Angeles City LGU sa pamumuno ni Mayor Jon Lazatin, kasama ang City Tourism Office.
Read: Bayani Agbayani, bakit binura ang video ng Atayde family minus Maine?
NOEL FERRER
Mukhang may Director’s Cut ang Desperada.
Bitin kasi kasi yung threesome nina Yasser Marta, Robb Guinto, at Mhack Morales na palabas sa Sinag Maynila 2026.
“Actually, nagulat nga rin kami sa eksena,” pag-amin ni Yasser matapos ang premiere screening ng Desperada noong Marso 23, 2026, Lunes ng gabi, sa Gateway Mall, Cubao, Quezon City.
“Kasi ang alam din namin, mahaba pa. Pero mabuti na lang at naputol! Kasi, nandito yung mga friends and family.
“Pero yun nga, kung lalabas yung Director’s Cut, sana ay mapanood din nila. Siguro, mas daring at intense nga yon.”
Read: Threesome ng mga bida sa Desperada, nakakabaliw
Anong feeling niya nang mapanood sa big screen ang kanyang daring scenes?
“Ahhh sa totoo lang, sobrang kabadung-kabado ako,” pagtatapat ni Yasser.
“Na parang gusto kong matunaw sa kinauupuan ko. Pero habang tumatagal, in-enjoy ko yung movie. Nag-enjoy ako! Walang halong biro.
“Akala ko, parang maa-awkward ako. Kasi hindi ako sanay talagang panoorin ang sarili ko.
“Pero dito, na-enjoy ko siya hanggang matapos kaya exciting. Sobrang excited ako kanina. And I’m happy.”
GORGY RULA
May mga nag-react ba na gaganap siyang Hesus sa Siete Palabras 2026: The Seven Last Words of Christ?
At least, makatuturan yung pagtatalop niya sa pelikulang Desperada. Hindi naghubad at nakipagharutan lang, kundi integral sa kuwento.
“Yung mga Muslim ko ngang mga kapatid, hindi naman din nag-react,” pagmamatwid ni Yasser Marta.
“So, parang ako, I’m just doing my job. Mahal ko yung ginagawa ko. Yung pagiging Kristo ay ibibigay ko rin yung buong puso ko doon.”
Katoliko ang Portuguese father ni Yasser. Ang ina niya ay Tausug.
Sabi ni Robb Guinto, tanggap ng mga Muslim ang pagganap ni Yasser na Hesus.
“Tanggap naman po nila yun at open naman din po ako doon!” bulalas ni Yasser.
Ihahatid at sasamahan ni Robb si Yasser papuntang Angeles City sa Marso 30, Lunes Santo.
“Panonoorin ko siya,” sambit ni Robb, na inalok daw gumanap bilang Magdalena sa naturang senakulo pero hindi puwede dahil sa conflict of schedule sa rehearsals.
Sabi ni Yasser na ewan kung nagbibiro, “At siya ang magpapako sa akin!”
Read: Yasser Marta gaganap na Kristo sa Senakulo; nagtalop sa pelikula